رواية قطر الجواز كامله بقلم رحاب القاضي

قطر_الجواز ..١
 
ايهاب بعصبيه _
انتي نسيتي نفسك ولا ايه انتي تحمدي ربنا اني اتجوزتك..
امنيه وهي پتبكي 
مقولتلكش تعالي اتجوزني انت اللي جيتلي..
ايهاب بسخريه 
مهو من قلة الستات ملقتش غيرك اتجوزها ي مطلقه..
نبدأ حكايتنا النهارده بالصلاه والسلام ع اشرف الخلق سيدنا محمد عليه افضل الصلاه والسلام..

نتعرف ع بطلة روايتنا اللي اسمها امنيه وعندها 25 سنه كل هدفها فالحياه تتجوز وبس وخاېفه قطر الجواز يفوتها وتبور..
_وفيوم كانت قاعده امنيه فاوضتها ودخلت مامتها وقالت...
الام _
امنيه انتي ي بت عندي ليكي خبر حلو..
امنيه _
خير ي ماما ان شاء الله...
الام بفرحه كبيره _
فتحي ابن خالتك عايز يتجوزك..
ادايقت امنيه وقالت _
اي فتحي هوو انا خلاص راحت عليا عشان يتقدملي واحد زي فتحي اللي اخلاقه بايظه..
الام _
اهو احسن من مفيش ويمكن بعد الجواز حاله يتعدل...
امنيه بهدوء 
طيب قولتي لبابا ولا لسه..
الام 
لا لسه جوز خالتك هيقابله كمان شويه ع القهوه وهيقوله..
امنيه بقلق _
يارب يوافق بقي وتتم المره دياهو الاسم اتجوز وخلاص..
_بالليل كان قاعد ابو امنيه ومامتها وبيتكلمو..
الام بحزن 
لي بس كده ي سي اشرف ماله فتحي بس...
زعق اشرف فيها _
هو انتي اللي بتسألي ابن اختك اخلاقه مش كويسه اټجننت انا عشان ارميله بنتي يعمل فيها مابداله بسبب القرف اللي 
الام بضيق _
تلاقيه بياخدهم تفاريح ي سي اشرف وبعدين هنقعد البنت جنبنا لحد امتي بس ده البنات اللي فسنها واصغر منها اتجوزو وبقي معاهم عيل وواتنين..
اشرف بهدوء _
اطمني ي سهام الاسطي وحيد اللي كان شغال فالموقف زمان جالي الشغل وطلب مني ايد امنيه لابنه امجد..
لوت سهام بوقها وقالت 
امجد بس ده جاهل محصلش حتي ع الابتدائيه..
اشرف بسخريه _
وهي هتعمل اي بعلامه الواد كويس وكسيب...
قامت سهام وقالت _
طيب ي اخويا اللي تشوفه اهي بنتك عندك اسألها..
اشرف _
ي سهام اصبري يجي بس الواد وامه وبعدين هبقي اسألها..
_عدت الايام وجه امجد وامه عشان يشوفو امنيه...
اشرف بفرحه كبيره _
نورتونا والله ي امجد انت والحجه..
امجد بهدوء 
بنورك ي استاذ اشرف والله..
ام امجد 
منور باهله ي استاذ اشرف اومال فين عروستنا..
ام امنيه _
هروح اندهلها تسلم عليكم ي ام امجد..
_دخلت ام امنيه وجابت امنيه وجات سلمت عليهم وهي مكسوفه..
حضنتها ام امجد وقالت _
بسم الله مشاء الله زي القمر ي حبيبتي...
امنيه بهدوء 
ربنا يخليكي ي طنط...
_قعدت امنيه جنب مامتها واول مشافت امجد قلبها اتقبض رغم ان سنه صغير الا ان شكله يبان كبير حتي يبان اكبر من باباها..
ام امجد بهدوء 
اهو امجد قدامك ي امنيه ي بنتي ولو في قبول يبقي ربنا يتمم بخير..
ام امنيه 
بسم الله مشاء الله عليه راجل محترم ربنا يفرحك بيه ي حبيبتي..
اتكلم امجد المره دي وقال _
ان شاء الله ي استاذ اشرف لو كان في قبول هبقالك ابنك مش جوز بنتك..
اشرف _
ده العشم برضو ي امجد..
_مشي امجد ومامته بعد شويه وامنيه كانت مدايقه من شكل امجد هي نفسها برضو تتجوز واحد شكله حلو زي مكل البنات بتتمني..
اشرف _
هااا ي امنيه اي رئيك فأمجد..
امنيه بتوتر _
هو كويس وامه باين عليها طيبه بس هو شكله مش اوويوكمان مش متعلم..
الام بهدوء _
بس اي لو مش عاجبك خلاص نفضها سيره من الاول واحنا لسه ع البر..
اشرف _
براحتكم القرار ليكم بس انا بقولكم الواد كويس وامه ست طيبه يعني مش هيجيلك احسن منه..
خاڤت امنيه لترفضه وميجيهاش حد كويس او متتجوزش فقالتلهم..
امنيه 
انا موافقه ي بابا..
الام _
اللي تشوفيه ي حبيبتي ولو ع شكله معلش ده راجل وميعبوش غير جيبه..
اشرف _
والواد بصراحه كسيب شغال فمطعم فالصبح واخر النهار شغال اوبر ع عربية ابوه..
امنيه _
ع خير ي بابا ان شاء الله...
_بعد كام يوم المفروض كان امجد يجي يتفق مع اشرف ع التفاصيل وجهزت امنيه وكانت فرحانه انها خلاص هتتخطب بس امجد مجاش وجه باباه لوحده..
الام _
مالك بس ي امنيه..
امنيه بحزن 
يعني هو ده ينفع ي ماما ميجيش يتفق مع بابا ع التفاصيل ويجي ابوه هو مين اللي هيتجوزني..
الام _
وفيها اي بس ي بنتي الراجل بيكبر ابوه وبعدين مهو جه شافك وعجبتيه..
امنيه _
طيب هما اتفقو ع اي..
الام _
اتفقو ع الاسبوع الجاي امجد وامه وابوه واخواته البنات هيجو وهنقرا الفاتحه..
فرحت امنيه