رواية موضوع عائلي الجزء الثاني البارت 11بقلم رحاب القاضي
كنتش كده ما كنتش هشتغل هنا وانتي حاله استثنائيه بصي حواليكي وهتعرفي انا ليه كده..
جميله
طظ في ام الشغل اللي يخليكي تلبسي حاجه مش عايزاها او مش مريحاكي يا بنتي احنا بنشتغل عشان نرتاح ونعتمد علي نفسنا مش عشان نبقي تحت رحمة حد..
فيروز
معاكي حق هحاول اغير شويه من لبسي المهم انتي كده مرتبطه رسمي بعمار بيه..
لا هو لا بصي لسه ما فيش حاجه جد يعني وانا حابه اخد وقتي الاول قبل ما تبقي في حاحه رسميبس المشكله انه مكروتني فيه كل حاجه جات بسرعه وانا مش عارفه اخد قراريعني وانا معاه بكون مبسوطه وعايزه اقول للدنيا كلها بصو حبيبي اهوبس لما ببقي لوحدي بحس الموضوع غريب عليا يمكن عشان دي اول مره ارتبط وتبقي ليا علاقه براجل واسمع كلمة بحبك والاقي اهتمام وانا متعوده اني بومه..
امم علي اساس ان عمار بيه يترفض ده مليون واحده تتمني راجل زيه ما تخافيش يا اختي مش هحسدك ده انا هفرحلك والله برغم انك سخيفه اووي معايا بس بقيت حابه وجودك في الشركه بدل ما كنت بقعد لوحدي زي اليتيمه هنا..
جميله بصوت واطي
استني بس لما هتجوز عمار هخليه يرقيكي ويزود مرتبك..
_ ضحكت فيروز وفي الوقت ده جه وقعد معاهم مهاب وبص لجميله وقال..
ما تضحكيني معاها....
جميله
لا انا ما بضحكش حد هي اللي بتضحك لوحدها..
ضحكت فيروز تاني وقالت
لا انت خليك قااعد معانا وهتضحك لوحدك يا ابني..
مهاب
انتو عرفتو اللي هيحصل اصلا استاذ فاروق هيمشي وهيمسك منصب نائب مدير الاداره عز الدين ريان اللي شركته افلست من كام سنه ده..
فيروز
ده كان منصب زكريا المنشاوي والمفروض استاذ فاروق وضع احتياطي لحد ما المشكله اللي بين عمار بيه وزكريا تتحل بس معني ان عز الدين ده جه يبقي زكريا مش هيرجع..
انا هرجع مكتبي عشان مش فاهمه حاجه من كلامكم ده..
_ واخدت جميله النسكافيه بتاعها ومشيت وقبل ما تطلع الاسانسير خبطت في زكريا اللي اتدلق عليه النسكافيه كله وزعق فيها وقالها..
زكريا
ما تفتحي يا عاميه انتي..
جميله بغيظ
طيب والله لتجيبلي واحد غيره عشان انت اللي ماشي زي الحمار..
زكريا پغضب
جميله بثقه
لا لا انت اللي شكلك جديد ومش عارف انت بتكلم مين انا يعتبر الكل في الكل هنا وعند عمار بيه..
زكريا بصلها من فوق لتحت وقال
اااه عشيقته يعني بس طلع ذوقه يقرف..
_ قال كلامه وطلع الاسانسير وسابها واقفه مصدومه من كلامه وقلة ذوقه معاها وراحت ورااه وهي مټعصبه جدا..
زكريا
العقد اللي معاك ده تبله وتشرب مايته عشان انا لو رجعت اشتغل هنا هطربقها فوق دماغ اللي جابك..
عمار بهدوء
اتكلم بأدب بدل ما اقوملك واعلمك الادب كويس..
زكريا وقف قدامه وقاله
اوكي يلاا هات اخرك..
عمار ببرود
عز الدين ريان انت فاكره اكيد هيبقي النائب بتاعي هنا وانت ااا تفتكر تنفع في ايه اخليك تشتغله....
_اتعصب زكريا وقبل ما يرد دخلت جميله وقالت وهي مټعصبه جدا..
جميله
الحيوان ده يا عمار قل ادبه عليا وقال اني عشيقتك قال...
زكريا بغيظ
مين البتاعه دي من لما دخلت الشركه عملالي ازعاج..
عمار وقف جنب جميله وقاله
اتكلم مع مرات اخوك المستقبليه كويس ياللا.
جميله بغيظ لعمار
انت ما صدقت ايه مراتك دي متوترنيش..
وقالت لزكريا
لسه مش مراته قصده داخلين علي مرحلة خطوبه..
زكريا بسخريه وهو بيشاور علي جميله
دي يا عمار ودي هتتجوزها تربيها ولا تعمل بيها ايه دي.
