رواية موضوع عائلي الجزء الثاني البارت 12بقلم رحاب القاضي 

وبس..
_ راحت وقفت جنب مروان اللي مستنيها بعيد عن بيتهم شويه بالموتسيكل بتاعه وقالت...
ايتن 
انا مش عايزه اروح السنتر....
مروان 
هيكلمو امك ويقولولها وبعدين مالك..
مسكت ايدها وقالت 
عشان خاطري تعالي نتمشي او نعمل اي حاجه انا لو روحت مش نعرف اركز..
مروان بحماس
طيب اركبي هنروح اي مكان هادي كده نقعد فيه..
ايتن ابتسمت وقالت
ما انا مش بحبك من قليل يا ميروووو..
_ وعند. فريده واحمد بصلها بخبث وقال..
احمد
هاا ما ردتيش عليا يا فريده..
فريده بقلق
ارد اقول ايه يا احمد بس مش لازم الاول اعرف رأي جميله..
احمد
وهي بنتك لسه هتقول رئيها وهي بنتك تلاقي احسن من حسين فين هي لاقيه اصلا..
فريده پحده 
لا اقعد معوج واتكلم عدل يا احمد انا بنتي العرسان بتجيلها علي قفا مين يشيل بس جميله ما تاخدش اي حد..
احمد
المهم يعني كلمي بنتك وقوليلها ان حسين بيحبها وعايزها في الحلال وما حدش هيخاف عليها وعلي حقها غير حسين وفكري يا فريده عشان الجوازه دي لو تمت يبقي كده ما فيش غريب وسطينا واحنا هنبقي عيله واحده..
فريده بضيق
طيب يا احمد هفكر واقولها وابلغك بردنا..
قام احمد وقال
يبقي علي بركة الله..
_ في الوقت ده دخلت جميله ومعاها فيروز ولما شافت عمها قالت..
جميله
يا ساتر ياارب مين عمي ايه اللي جابك عندنا..
فريده 
يا بنت عيب كده..
احمد 
سبيها براحتها يا فريده خليها تدلع علي عمها براحتها..
جميله 
والله يا عمي لو طلعت الدلع اللي نفسي اتدلعه عليك هتلاقيني ماسكه في زمارة رقبتك..
بصلها پحده وهي قالت
عشان هكون حضناااك يا عمو اسلك شويه..
_كتمت فيروز وفريده ضحكتهم واحمد قرب من فيروز وقال..
احمد
بعيد عن طولة لسانك مش تعرفينا بالقمر..
وقفت جميله قدام فيروز وقالت
دي فيروز صحبتي ومعلش هي امها قالتلها ما تتعرفيش علي عيال غريبه.. قصدي رجاله غريبه..
فريده 
شرفتنا يا احمد وان شاء الله هرد عليك..
_قربت جميله من عمها وحطت دراعها علي كتفه وقالت..
جميله
نصيحه ليك بلاش تقعد في قعدت ستات هتطلع منها من غير قيمتك وانت راجل عجوز رجله والقپر فعيب في حقك يا عمو الحج..
_ نفض احمد ايدها من علي كتفه ومشي وجميله قفلت الباب وراه وقالت لمامتها..
جميله
اهي يا ماما دي فيروز اللي قولتلك عليها...
قربت منها فريده وقالت
ازيك يا ساره مكاتب..
ضحكت جميله وفيروز قالت
حتي انتي كمان يا طنط بس كله من بنتك..
فريده 
بنهزر معاكي ياا حبيبتي نورتينا والله انا كان نفسي اشوفك اووي من كلام جميله عنك..
فيروز
الشرف ليا طبعا يا طنط..
جميله 
المهم يا ماما فيروز بايته معايا النهارده وانا كلمت ايتن تجيبلنا شوية حاجات وهي راجعه وشهد هتنيم عيالها وجايه..
فريده 
خدو راحتكم يا حبيبي البيت بيتكم...وانا هدخل اعملكم العشا بتعرفي تعملي اكل ولا خايبه زي اللي جنبك دي يا فيروز..
فيروز باحراج 
احمم خايبه زي اللي جنبي يا طنط..
بقلم_الكاتبه_رحاب_القاضي 
_ وفي بيت مجدي اخو شيماء.. 
كان عماد قااعد هناك مع اخواته مجدي وشيمااء وقالهم پحده..
عماد
اخص عليكم تضحكو عليا انا طيب جهاد عشان امها پتكرهوها انما انا ده احنا شقايق. 
شيماء
انا ماليش اخوات غير مجدي..
مجدي
وانا لتكسف اقول انك اخويا ياد يا شمام انت وكويس وجيت ومراتي وولادي مش هنا عشان مش ناقص فضايح..
عماد
طيب اللعبه بتاعتكم اتكشفت ممكن بقي اخد كقي بالذوق في ورث ابويا بدل ما اقلبها عليكم..
مجدي حط رجل علي رجل وقال
مالكش حاجه عندنا واعلي ما في خيلك اركبه وبعدين مش انت طلعت مدور اختك في الشغل الشمال خليكم فيه بقي..
عماد پحده 
يعني انت عارف طيب كنت يا راجل تعالي وامنعني هي مش دي شرفك انت كمان..
مجدي بعصبيه
انت هتطلع بره ياا ولد انت ولا اخلي الامن يدوك علقھ