رواية حضور الجن الفصل السادس 6بقلم هنا عادل جديده وحصريه

رواية حضور الجن الفصل السادس 6بقلم هنا عادل جديده وحصريه
حضور الجن
الفصل السادس
فى الوقت ده كل اصحاب رانيا كان على وشهم الخۏف والارتباك لكن رانيا مسمحتش ليهم انهم يعبروا عن خوفهم ارتعشت وجسمها كان شبه اللى مسك فيه كهربا وابتديت تتهز جامد وصړخت فجأة ووقعت فى الارض المنظر كان صاډم للكل لكن كان مفيش مجال للكلام شالوها وراحوا بيها على الدكتور فحصها الدكتور

ممكن بس بلاش زحمة فى الاوضة هو ايه اللى حصلها الاول
اميرة
محصلش حاجة يا دكتور احنا فجأة لقيناها بتصرخ فى وشنا ووقعت من طولها.
الدكتور
طيب اتفضلوا اطلعوا برة.
فعلا طلعوا برة وفحص الدكتور رانيا طلع لأصحابها
طيب يا جماعة زميلتكم حصلها اغماء نتيجة ضغط عصبي شديد هي دلوقتي بقيت احسن وتقدر تخرج معاكم حاولوا بس متخلوش حاجة تعصبها بحيث ان الحالة دي مترجعلهاش تانى.
خرجت رانيا ووشها بهتان شافها ضياء وقال بخضة
رانيا! مالك حصلك ايه
رانيا من غير اي ريأكشنات
معلش يا جماعة انا هروح دلوقتي وابقى اكلمكم.
ضياء بحزن على حالتها
طيب فهمينا ايه اللى جرالك طمنينى..طمنينا عليكي.
رانيا
معلش يا ضياء تعبانة دلوقتي ومش قادرة اتكلم.
رنا
خلاص يا ضياء معلش نسيبها ترتاح دلوقتي انا هوصلها ولما تفوق نطمن عليها.
فعلا اضطروا كلهم يسيبوها ومشيت رانيا ومعاها رنا وطول الطريق ومع محاولات رنا فى الكلام والاطمئنان على صاحبتها قابلت رانيا ده بسكوت تام...ولحد ما وصلت للبيت كانت ساكتة ومنطقتش بحرف واحد كانت مستغربة رنا لكن محبيتش تضغط على صاحبتها..دخل الليل وكانت رانيا قاعدة فى اوضتها جنب الشباك باصة للسما اللى قمر واضح فيها ويشد اي حد بأنه يسرح معاه كانت رانيا حاسة بالخۏف وجسمها بيرتجف وهي بتقول لنفسها
هو انا ايه اللى بيحصل معايا ده انا اټجننت طيب طيب ليه انا بالذات اللى يحصل فيا كده عملت ايه انا فى حياتي علشان ابقى تعبان كده!
فجأة قامت رانيا من على الكرسي وجريت طلعت فوق السرير بتبص حواليها وهي بتقول
ايه الصوت ده انا سمعت صوت!!
مش لاقية حاجة جريت ناحية باب الاوضة ونزلت من على سريرها وهي بتنادي على مامتها اللى قاعدة تذاكر لأخوها برة لكن مامتها مرديتش...والمفاجأة بقى..الباب مش بيفتح برغم انها مش قافلة على نفسها بالمفتاح لكن الباب رافض يتفتح ابتديت رانيا تصرخ وتنادي على مامتها لكن مفيش رد ولا حد حاسس بيها خالص ابتديت تتلفت حواليها وهي بتدور على مصدر الصوت لكن صدمها الخيال اللى شافته بيتحرك ملمحتش حاجة ملموسة لكن مجرد خيال للحظة وهمت نفسها بحاجة هي عارفة انها مش حقيقية
مين انت مين انت حرامي! انا معييش حاجة والله امشي وحياة امك.
كانت بتقول كده وعنيها رايحة جاية مع الخيال اللى مش عارفة مكانه الحقيقي فى اوضتها الصغيرة شايفة خيال