قصة صحوة كامله بقلم رشا منصور
انت في الصفحة 1 من 4 صفحات
قصة قصيرة
صحوة
أنا إياد عندى 23 سنه أبويا وامى أطلقوا وكل واحد أتجوز وخلف ونسيونى وعايش فى الشقه لوحدى بقالي أكتر من تلات سنين كل فترة يبعتولى فلوس ومحدش فيهم فكر يشوفني ولا يطمن عليا کرهت كل حاجة حتى الجامعه بطلت اروحها كنت بفضل فى البيت بالشهر والشهرين ومحدش فكر فى يوم يشوفني عايش ولا المېت. كنت بفضل اكلم نفسي
وابتديت أعمل زى ما سمعت فى القصه بالظبط واشغل أغاني حتى فى الحمام وأوقات كتير كنت بنام عريان واقف قدام المرآيا بالساعات وأفضل اتكلم وفضلت ع الحال ده كذا يوم ومافيش حاجه حصلت ودخلت فى اكتئاب اكتر للدرجه دى محدش عاوزنى فى حياته حتى الجن. كمان
وابتديت اقرء فى طرق التحضير بس لقيتها مش مفهومه قررت أخرج وأشوف كتب اشتريها لحد ما ظهر ليا شاب شكله غريب كأنه حاطط مكياج ولابس خواتم كتير وملابس آخر موضه ولقيته متابعني وأنا بدور بين الكتب وسألت آمين المكتبه هو مافيش حاجه تتكلم عن الجن والسحر وقالي لا يابني إحنا مندخلش الكتب دى عندنا ولقيت الشاب ده جالي وقالي هو انت فاكر ان تعليم السحر هيكون فى الكتب أكيد لا طبعا
سألته وانت بقي عارف حد متمكن ولا بتقول اى كلام وخلاص هو انت مين أصلا
الشاب.
أنا زيك عايش وحيد وعملت كل حاجه خروجات وسهر وبنات وزهقت وقررت أدور ع حاجه جديدة وقررت أدخل فى عالم الجان وكنت هنضر لولا إن ظهرلي واحد بيفهم فى الحاجات دى زى ما أنا ظهرتلك دلوقتى وبالمناسبة أنا إسمي هاني وانت اسمك إيه
إسمي إياد تقدر توصلني للراجل ده بس الأول هو بيستفاد إيه قصدى يعني بياخد فلوس كام
هاني
ع حسب انت عاوز منه إيه يعني بالنسبه ليا كنت عاوز أتعلم ودلوقتي بقيت من ضمن فريقه وشغال معاه وبكسب كويس كمان
إياد طب أنا عاوز اقابله ممكن تحدد ليا ميعاد معاه
هاني.
انتظرني الساعه 11 بالليل عند كوبري قصر النيل وأنا هعدى اخدك بالعربيه وهعرفك عليه ع انك واحد صاحبي المهم أوعى تتأخر ع الميعاد لأنى مرتبط بشغل ومشيت وسيبته
إياد..
مكنتش مطمن ل هاني بس واحد زيه وشيك ازاى يكون بتاع
