رواية موضوع عائلي الجزء الثاني البارت 20بقلم رحاب القاضي

هما قالولي انها عملسه بسيطه بنتي مالها ابوس ايدك قوليلي بنتي فيها ايه..
الدكتوره 
للاسف هي لازم تشيل الرحم فأسرع وقت والا هيكون في خطړ علي حياتها..
عظيمه پبكاء وندب
يالهوي لييه كده كله من امك يا يوسف حسبي الله ونعم الوكيل فيكمكان يوم اسود يوم ما رضيت اجوزهالك....
يوسف بدموع
اعملي اي حاجه يا دكتوره المهم انها تبقي كويسه..
الدكتوره
طيب تعالي معايا عشان نخلص الاجراءات بسرعه..
جه في الوقت ده يونس وقال
في ايه يا يوسف مالها بطه..
ردت عليه عظيمه پبكاء
كانت كويسه يا يونس كانت زي الفل وتعبت مره واحده يا اخي ملعۏن ابو العيال والخلفه انا عايزه بنتي ترجع بصحتها..
مسك يونس ايدها وقال بهدوء
ما تقلقيش يا مرات ابويا هتكون كويسه..
يوسف بجمود
خليك معاها يا يونس وانا هشوف الدكتوره محتاجه ايه وجاي..
يونس بقلق
طيب قولي البت مالها وحصل ايه..
نزلت دموع يوسف وهو بيرد عليه وقال
لازم تشيل الرحم فاسرع وقت في خطړ كبير علي حياتها. 
يونس بحزن
لا حول ولا قوة الا بالله طيب روح انت وانا هنا ما تقلقش..
بقلم_الكاتبه_رحاب_القاضي 
_وفي بيت المنشاوي.. 
كانت جهاد واقفه هي والمنشاوي في المطبخ بيجهزو الفطار..
جهاد
بس ارجوك يا بابا بعد كده افطر وما تستنانيش انا بقيت انام وما بحسش بنفسي والله..
المنشاوي
لا انا اتعودت افطر معاكي ونجهز الفطار سوا انا حتي هقول لزكريا لو يعني ما كملتوش سوا انتي هتفضلي قاعده معايا هنا انتي وحفيدي. 
جهاد بحزن
ربنا بس يقوم طنط نورا بالسلامه والباقي ساهل..
المنشاوي
هو الدكتور ما قالكيش ان في امل في حالتها ولا لا..
جهاد 
في امل طبعا بس قليل اووي كمان كانو عايزين يشيلو الاجهزه من عليها بس انا ما وافقتش حاسه انها هتقوم..
_الباب خبط في الوقت ده فالمنشاوي مسحلها دموعها وقال بهدوء..
المنشاوي
ما تعيطيش ربك قادر يحلها ونورا ما اذتش حد في حاجه وربنا هيخفف عنها وسيبي السلطه دي وروحي افتحي الباب يلا انا هكمل..
_طلعت جهاد بره المطبخ ولبست حجابها وفتحت الباب وكانت سماح صاحبة عماد اخوها هي اللي علي الباب..
سماح 
ايه ده هو انتي هنا كمان يا ست الشيخه..
جهاد 
انتي جايه هنا ليه..
ردت عليها وهي بتدخل وقالت
مش جايه عشانك يا سكر انا جايه لزكريا اصله بقاله كام يوم مختفي هو جوه مش كده..
جهاد مسكت ايدها بقوه وقالت
انتي رايحه فين اوعي تدخلي اوضتي انتي فاهمه..
ضحكت سماح بسخريه وقالت
هههههههه ومدام بتغري علي جوزك اووي كده يا ست الشيخه ما تملي عينه بدل ما هو كل يوم بيخليني ابعتله واحده من عندي تقضي معاه الليله..
_اتملت عيون جهاد دموع وقبل ما ترد عليها طلع المنشاوي من المطبخ وزعق في سماح وقالها پحده..
المنشاوي 
اطلعي بره يا بنت انتي قبل كده طردتك وقولتلك ما تجيش هنا تاني والمره الجايه هجيبلك
والله يا حج المره اللي فاتت ابنك هو اللي جابني والمره دي انا جايه اسأل عليه وبس علي العموم هو شكله مش هنا لما يبقي هنا بلغه اني عايزااه في حاجه مهمه فوتكم بعافيه..
_مشيت سماح وجهاد كانت مټعصبه جدا قرب منها المنشاوي وقالها بهدوء...
المنشاوي
سيبك منها يا جهاد دي اشكال رخيصه اوعي تزعلي نفسك بسببهم..
_ سابته جهاد ودخلت اوضتها وطلعت منها وهي لابسه بنطلون جينز واسع وبلوزه طويله 
رايحه فين يا جهاد..
جهاد وهي بتدور علي موبيلها
رايحه عند طنط نورا..
المنشاوي
طيب كلمي زكريا وقوليلو..
جهاد بضيق
لا مش هكلم حد اصلا مش لاقيه موبيلي ابقي لما ارجع ادور عليه..
المنشاوي
بلاش يا جهاد تعندي معاه زكريا قلبته وحشه انتي ما تعرفيهوش قدي..
جهاد بغيظ
يخبط. دماغه في اكبر حيطه هنا انا ما حدش يمشي كلامه عليا وقبل ما بتحكم فيا يشوف تصرفاته الاول بعد اذنك يا بابا..
_ ومشيت فعلا والمنشاوي فضل قاعد مدايق وقلقان من اللي هيعملو زكريا لما يعرف انها خرجت من غير اذنه..
بقلم_الكاتبه_رحاب_القاضي 
_ وقدام بيت جميله.. 
كان واقف مروان بعيد شويه بالموتسيكل بتاعه وبيقلب في موبيله وفجأه جه ولد ركب ورااه...
مروان
ايه يا نجم ايييه رايح فين انت..
ايتن 
امشي بسرعه الله يفضحك..
مروان پصدمه
يا امااااااا...
ايتن 
تتنفخي وانا معاكي ده انا اللي يقربلك اكله بسناني..
ايتن
اتوكس يا ميرو