رواية تزوجت أختها الفصل 8
انت في الصفحة 1 من 3 صفحات
تزوجت_اختها
البارت التامن
مها بترجع لورا پخوف بدر استني هفهمك
بدر بيمسكها من شعرها وبيحط ايده التانية علي بوقها بهدووووء ومن غير صوت هتيجي معايا وتقوليلي مكان أختك فين احسن ما اطلع الڠضب اللي فيا فيكي واعمل منك شرايح كرسبي دلوقتي
مها بتهز دماغها حاضر بياخد تليفونها بيحطه في جيبه
بيشدها وبيروح بيها يرميها في العربية .. بيركب الناحية التانية وبيدور العربية
مها هقولك المكان بالظبط وهعملك اللي انت عايزه
بس ابوس ايدك محدش من اهلي يعرف
دور العربية وبدأ يتحرك
في البيت اللي مخطۏفة فيه زهرة
الباب اتفتح .. دخل شريف ومعاه صينية أكل وشنطة
شريف انا جبتلك اكل عشان لازم تحطي حاجة في بوقك .. ودي شنطة مليانة هدوم اشكال وألوان واستايلات عشان تغيري فستان الفرح ده وتاخدي راحتك كدا
زهرة خد حاجتك دي واطلع برا
شريف ماشي ياست البنات مش هعتب عليكي دلوقتي
زهرة بتزقه بعزم ما فيها بقولك خد حااااجتك واطلع براااا
شريف ادي الاكل جنبك والهدوم اهي وقت ما الجوع يقرصك هتاكلي ومتنسيش تفكري في اللي قولتلك عليه
خرج من الأوضة
بعد ما خرج بربع ساعة زهرة قامت وقفت .. شدت كرسي الانتريه حطيته قدام باب الأوضة .. راحت بصت من شباك الأوضة لقيته منفد علي سطح صغير كدا وبعدها علي الارض .. قلعت جزمتها سابتها علي جنب
زهرة بصوت واطي وبتمسك ايديها اااه
ايديها اټعورت ونقطت ډم على برواز الشباك ..
كملت زهرة ونزلت زي ما هي نطت براحة علي السطح اللي تحتها .. وبعدين لفت ونطت علي الارض وقعت علي ركبتها
وطت مسكت ركبتها وهي بتكتم صوتها بالعافيه وبايديها التانية بتمسك جنبها ... قامت وقفت وبدأت تتسحب براحة عشان تروح علي البوابة اللي برا تفتحها
لقت شريف في وشها
زهرة صوتت من خضتها
شريف شششش ايه شوفتي عفريت
زهرة بتبلع ريقها سيبني امشي ياشريف
شريف مش بالبساطة دي قولتلك .. بس كويس انك عملتي اللقطة دي انا كدا كدا كنت ناوي انقلك من هنا اصلا اوديكي مكان اامن من كدا شوية
زهرة پصدمة اامن من كدا اااايه انا مش هقعد معاك ثانية كماااان
بتزقه ولسة هتجري راح قافشها بسرعة .. كتفها بايده وشالها وهي عمالة تصوت وترفص
