رواية موضوع عائلي الجزء الثاني البارت 28بقلم رحاب القاضي
انت في الصفحة 1 من 8 صفحات
موضوع_عائلي
الجميله والشعر الابيض
_الحلقه ال 28
_ وصل محمد وهناء المستشفي اللي فيها يونس ودخلو اوضة الانتظار اللي كانت فيها شهد وصبري اخوها..
هناء پخوف شديد
في ايه يا شهد ماله يونس حصل ايه..
_ما ردتش عليها شهد اللي كانت مش قادره تستوعب اللي حصل فرد عليها صبري وقال..
صبري
والله يا حجه ام محمد ما نعرف اللي حصل انا الجماعه كلموني وقالولي اجي بسرعه من الشغل ولما جيت لقيت الاسعاف جابته علي هنا وبيقولو في عربيه عدت وضړبو عليه ڼار وهو خارج من عندنا..
هيكون مين اللي عمل فيه كده انا هبلغ الشرطه..
هناء پبكاء
طيب هو حالته كويسه..
صبري بضيق
ربنا يعديها علي خير..
بقلم_الكاتبه_رحاب_القاضي
_ وفي بيت عمار كان قاعد مصډوم من اللي حصل ليونس ومعاه عز الدين اللي قاله..
عز
وبعدين هتعمل ايه الراجل بين الحيا والمۏت..
عمار پغضب
انا السبب انا اللي دخلت يونس في المشكله دي..
بص انت لازم تشوف اخوك هو اللي عارف الاشكال دي ومتعامل معاهم واكيد هيبقي عنده خلفيه هما فين ولو عرفنا مكانهم هيتقبض عليهم..
دخل مروان في الوقت ده وقال
بابا البنات عايزين يروحو هروح اوصلهم..
عمار
لا لا مش هينفع خليهم هنا..
مروان بمرح
هو انا نفسي يقعدو هنا بس مش هينفع انت عايز طنط فريده تيجي تولع فينا..
ما تجيبها هي كمان هنا يا عمار..
عمار بضيق
مش هينفع الست دي بالعه الموضوع بالعافيه ما بالك لو قولتلها ان في مصېبه واقع فيها..
مروان
هو ايه الموضوع يا بابا في ايه..
عمار
خليك انت يا مروان هنا اوعي تخرج من البيت خالص فاهم وانا هروح اوصل جميله وايتن وهخلي حراسه علي بيتهم من بعيد ما اضمنش الكلاب دول ناوين علي ايه..
وانا هتحبس في البيت يعني..
عمار پحده
انت تسمع الكلام اللي اقولك عليه وبس وتعالي يا عز روح ليونس وطمني حالته وصلت لايه..
عزالدين
تمام مااشي..
_ وبعد شويه قدام بيت جميله نزلت ايتن من العربيه وجميله فضلت قااعده وقالت لعمار..
جميله
في ايه بقي..
عمار
ما فيش يا جميله وانزلي يلا انا بجد مش فاضي..
لو مدايق اننا هنتجوز بلاش منه الموضوع اصلا..
عمار پحده
لا تخلف مش عايز هو انا جيبت سيرة جوازنا اصلا..
جميله
اومال في ايه فجأه كده ادايقت ورجعت رخم تاني..
اتنهد بضيق وقال
تخيلي غلطه عملتها زمان من سنين لحد دلوقتي بدفع تمنها..
جميله
يا نهااااار اسود انت متجوز ومخلف تاني صح قول انا عارفه ان جوازتي مش هتتم علي خير..
بقولك ايه انزلي يا جميله واعمليلي بلوك لحد. يوم الفرح ده اذا كان في فرح..
جميله
باااس انا فهمت..
عمار بنفاذ صبر
امم فهمتي ايه ابهريني..
جميله بدموع
انت بتعمل الشويتين دول عشان ما تعمليش فرح زي ما انا عايزه صح..
عمار بضيق
لا مش انا اللي بعمل الظروف اللي حواليا هي اللي بتعمل ووارد جدا نتجوز من غير فرح..
جميله پغضب
لا مش هتجوز انا من غير فرح..
عمار بضيق
انزلي يا جميله لو سمحتي ده مش وقته..
جميله بجده
لا مش هنزل غير لما افهم في ايه ليه كل ما نحل مشكله تجيب مشكله اكبر منها انا من حقي يتعملي فرح..
عمار پحده
وانا من حقي تفهميني وتقدري ظروفي..
جميله بدموع
وهي ايه ظروفك..
عمار پغضب
انتي اوحش حاجه فيكي انك انانيه في حاجات تافهه انا الدنيا كلها اتقفلت قدامي في واحد بين الحيا والمۏت بسببي ومتهدد بأبني واخويا والمفروض تفهمي لوحدك ان الوضع مش كويس معايا انما انتي كل اللي همك الفرح وهيتعمل ازاي لا احب اطمنك ممكن ما يبقاش في فرح اصلا ولا يبقي في انا كمان وابقي دوري علي عريس غيري يعملك اللي نفسك فيه وقتها..
ردت عليه پبكاء وقالت
انت ليه بتكلمني كده وبعدين انت ما قولتليش في ايه معاك انا هعرف منين..
عمار پحده
يبقي اسكتي ولما احل مشاكلي هبقي اجيلك يا جميله انزلي يلاا..
جميله بغيظ
طيب علي فكره بقي انا كمان من حقي ازعل حضرتك لحد. دلوقتي ناسي تلبسني الدبله بتاعتي من لما جات طليقتك يوم كتب الكتاب وخربتلي اليوم...
عمار بعصبيه
الطم علي وشي يا جميله ده وقته..
جميله ميحت دموعها وقالت
طيب ما انت قولي في ايه..
عمار بضيق
في مشاكل مع زكريا مع الناس اللي اتورط معاهم في شغل زباله قبل كده وعشان اخلصه منهم خليت يونس الصاوي يساعدني..
جميله
قصدك علي يونس جوز شهد صاحبتي..
عمار
ايوه هو المهم الموضوع كان خلص واتقبض عليهم وزكريا حاله اتعدل وبقي شغال معاكي اهو بس من شويه عرفت انهم هربو من السچن وناوين ينتقمو مني وبدأو بيونس اللي حالته خطړ دلوقتي
جميله پصدمه
يا نهار اسود طيب ما تبلغ الشرطه..
عمار
بالعقل يا جميله ما هما هربانين واكيد الشرطه بتدور عليهم وما ينفعش انا اقول اي حاجه للشرطه دلوقتي غير لما اعرف ارتبها كويس عشان زكريا ما يدخلش معاهم في القضيه..
جميله
طيب وديني لشهد بسرعه..
عمار
الوقت اتأخر يا جميله انزلي دلوقتي وبكره هخليكي تروحيلها..
مسكت ايده وقالت
لا عشان خاطري انا لازم اكون معاها دلوقتي..
عمار بهدوء
اللي فرق معاكي صاحبتك وبس..
جميله
ايوه عشان انت زعقتلي وكمان مش عايز تعملي فرح..
عمار بهدوء
ما تزعليش ما كنتش اقصد..
جميله
وديني لشهد وما تتكلمش معايا..
عمار
ما ترخميش بقي انتي شايفه اهو الوضع اللي انا فيه..
جميله بحزن
برضو ما تزعقليش يا عمار..
مسك ايدها وباسها وقال
انا اسف خلاص بس انتي تقدري بعد. كده لما اكون مدايق تاخدي جنب كده لحد. ما اهدي..
جميله
لا انا اتكلم في الوقت اللي يعجبني وانت تتحملني وبعدين ايه اروح اشوف عريس تاني دي هاا انت عارف لو حصلك حاجه يا عمار هنفخك وهتجوزك برضو..
حضنها عمار بهدوء وقال
والله هنتجوز وان شاء الله ما فيش حاجه هتحصل..
جميله بتوتر
طيب يلا ابعد كده ووصلني عند شهد..
عمار وهو بيقربها ليه اكتر
ليه ما احنا حلوين اهو وانا محتاج احتوااء دلوقتي..
جميله
يا نهار اسود ماما..
_بعد عنها عمار بسرعه وبص ورااه مالقااش حد وهي ضحكت بهدوء وقالتله..
جميله
عشان تلم نفسك بعد كده..
عمار بخبث
هانت اووي كلهم 6 اياام يا جميله والنهارده عدي اهو يبقي 5اياام بس..
جميله
بعد ما تخلص مشاكلك الاول عشان انا لو ما اتعمليش الفرح اللي نفسي فيه مش هتجوز...
عمار بضيق
بعدين يا جميله نبقي نتنااقش المهم. كلمي امك وقوليلها انك رايحه لشهد...
_ واخدها فعلا عمار عند شهد وكان عز الدين هنااك واول ما شافتها شهد حضنتها وقالت پبكاء..
شهد
يونس حالته خطړ اووي يا جميله انا لو حصلتله حاجه مش هقدر اعيش من غيره..
جميله بحزن
لا ما تقوليش كده هو هيكون كويس والله..
قرب يوسف من عمار وقاله پحده
انت ايه اللي جابك مش انت اللي ورطته مع الناس دي انقذت اخوك علي حساب حياته هو..
محمد بعدم فهم
هي في ايه يا يوسف ومين ده..
عزالدين
مش وقته الكلام ده يا يوسف وبعدين هو يونس حد ضربه علي ايده ما هو اللي وافق يساعد عمار بمزاجه..
بوسف پحده
انت كمان تسكت خااالص هو مش انت اللي كنت بتقول مالكش علاقه بعمار المنشاوي عشان تخلينا نشتغل معاه فجأه كده بقي صاحبك واكيد ليكم مصلحه في كل اللي حصل ده...
عمار بجمود
يقوم يونس بالسلامه وهعرف ارد عليك واخليك تعرف انت وقفت في وش مين واتكلمت بالطريقه دي..
محمد پحده
لو سمحتو انتو الاتنين امشو من هنا احنا مش عايزين حد منكم معانا...
هناء بضيق
محمد مش وقته الكلام ده خلينا نطمن علي اخوك الاول...
قرب عمار
