رواية موضوع عائلي الجزء الثاني البارت 28بقلم رحاب القاضي
من جميله وقالها بصوت واطي
ما تمشيش من هنا انا هرجع اخدكولما الدكتور يخرج ويقولكم حالته ابقي كلميني وقوليلي..
جميله
حاضر..
_ ومشي فعلا عمار ومعاه عز الدين وكلهم بصو لجميله بضيق اللي قالت بسرعه..
جميله
في ايه والله انا صاحبة شهد حتي اسألوها..
شهد بدموع وصوت واطي
ما شوفتيش اللي حصل يا جميله من لما شوفته وهو مضړوب الڼار وانا مش قادره حتي اتحكم في اعصابي..
ان شاء الله هيكون كويس المهم انتي ولادك فين اخلي ايتن تروح تاخدهم..
شهد بدموع
لا لا هما مع زهره واسر في البيت المهم بس اطمن علي يونس..
جميله
خير ان شاء الله وهيكون كويس..
_ وتحت المستشفي كان عمار وعز الدين واقفين قدام العربيه بتاعت عمار وعز كان عنال يتلفت حواليه فوعق فيه عمار وقاله..
عمار
ما خلاص بقي يا عزالدين زولتني..
ما انا لازم اقلق ممكن دلوقتي نلاقي عيارين نازلين علي راسنا..
عمار
هيبقي نصيب..
عزالدين
لا انا مش عايز اموت يا عم ده انا طفشت من ابويا زمان عشان كان عايز يعلمني اضرب ناار وانت عايو تورطني مع عصابه دلوقتي..
عمار بسخريه
ما هو ده قمة التخلف تسيب عيلتك الكبيره اللي في الصعيد وتيجي هنا..
عزالدين
ما هما هناك كان عليهم حاجات غريبه يعني مثلا اتجوز واحده بس وكل الستات هناك منقبه وما فيش حاجه تفتح نفسي اقعد عشانها..
اخرس يا عز انا في مصېبه وانت عمال تحكيلي الستات في بلدكم كانو عاملين ازاي..
عز بهدوء
اهو بنفضفض لحد ما نطمن علي يونس بس الممرضه قالتلي ان الطلقتين اللي جم فيه واحده في كتفه من ورا والتانيه في صدره ومش خطړ يعني بس اهله دول اوفر اووي ولا صاحبه ده مش بطيقه..
عمار بضيق
بطل رغي يا عز..
عز
طيب انت عارف برضو انت غلطان..
معاك حق اديني اهو كلمت زكريا وهو يتصرف..
عز
لا لا انا مش علي كده انت غلطان عشان هتتجوز البت جميله دي..
عمار پحده
البت جميله انت بتقول علي مراتي انا كده..
عزالدين
اسمع بس عندنا في البلد كانو بيقولو الستات دول قدم علي الراجل يا خير ياا شړ والبت دي من لما ظهرت في حياتك وانت هاتك يا خوازيق وكمان عايز تكمل الجوازه دي بومه يا ابني..
مين دي اللي بومه يا عرة الرجاله..
اتخبي عزالدين ورا عمار وقال
سلام قول من رب رحيم انتي جيتي امتي يا بومه.. ااقصد يا جميله..
مسكت جميله طوبه من الارض وقالت بعصبيه
عايز تطفشلي الراجل ده انا ما صدقت وربنا لافتح دماغك..
مسك عمار ايدها وقال بقلق
خلاص يا جميله حقك عليا ده متخلف اصلا انا مش باخد عليه..
والله برضو لافتح دماااغه بقي انا وشي وحش عليك يا عموري سيبني عليه...
عز پخوف
اوعي تسيبها يا عمار وبعدين ايه تفتحي دماغي دي هي دماغ فرخه..
عمار
خلاص بقي ڤضحتوني انت وهي وانتي ايه اللي نزلك اصلا يا جميله..
رمت الطوبه علي الارض وقالت
كنت هكلمك اطمنك علي صاحبك بس شوفتك من الشباك واقف هنا قولت اجيلك عشان تروحني بالمره..
عمار بأهتمام
يونس عامل ايه طيب..
جميله
كويس الدكتور قال ما كانش في خطړ اووي بس الړصاصه اللي جات في كتفه من ورا هي اللي صعبه وممكن تسيب اثر..
عمار بضيق
طيب تعالي اروحك وانتي امشي يا عز وبكره تروح الشغل بدري وتخلص كل حاجه كأني انا موجود..
عز بغيظ
اللي اسمه عز بقي يرد عليك..
عمار پحده
عزالدين مش وقت هرجله خااالص هتقدر ولا لا..
عزالدين
حاضر هروح اناام بقي وبالله عليك تسيبني انام ما تطلعليش بمصېبه جديده..
جميله
والله ما في مصېبه غيرك اصلا...
عزالدين
انتي ايه اللي حشرك في الكلام بيني وبين صاحبي..
جميله
وانا بكلم جوزي اصلا ما وجهتلكش كلام...
عمار
ما خلاص يا عز بقي وامشي..
عزالدين
هو انت بتزعقلي انا ليه ما تشوفها هي..
عمار بغيظ
انت مستوعب انت بتعمل ايه ما تكبر يا عم بكلم عيل صغير..
ضړبته جميله علي كتفه وقالت بعصبيه
يعني قصدك ان انا اللي عليه صغيره وما يعملش عقله بعقلي مش كده..
عمار
بصو خليكم كده اټخانقو وانا ماااشي..
عز بخبث
وانا كمان ماشي مش هعمل عقلي بعقل عيله صغيره..
جميله وهي بتجري ورا عمار
لولا ان الوقت اتاخر واخاڤ اروح لوحدي انا كنت نفختك يا بتاع البنات يا مش محترم انت.
عمار وهو بيفتحلها باب العربيه وقال
لو خلصتي ردح اركبي...
جميله
ايه الوش ده علي فكره هو اللي غلط الاول.
عمار پحده
اخلصي يا جميله وما تتكلميش مع حد تاني كده يبقي في حدود في الكلام...
_جميله ركبت العربيه وهي ساكته وهو كمان وكان متدايق جدا..
جميله
علي فكره هو اللي دايقني..
عمار پحده
ده اسمه هزار ولا لا..
جميله بقلق
يعني شويه..
عمار بنبره غاضبه
لو علي زكريا فهو اخويا وعارف انه بيعتبرك اخته وعشان كده انا اللي بعتهولك يكون معاكي انما عز ده من باقي اهلك عشان تتعاملي معاه كده..
جميله بقلق
فيها ايه يا عمار انا ما عملتش حاجه يعني ده. كلام..
عمار
بلاش منه والنظام هيتغير يا جميله كلام مع اي حد بالطريقه دي ممنوع..
جميله
انا كده من زمان يعني ايه اللي اتغير..
عمار
اتغير انك دلوقتي مراتي واسمك علي اسمي واي تصرف بتعمليه هيبقي في وشي انا...
جميله بضيق
وانا ما عملتش حاجه غلط يا عمار لكل ده..
عمار
انا كنت هرد عليه لو انتي سكتي وهزار مع اي حد. حتي لو بالكلام ممنوع...
جميله
والمفروض انا اقولك حاضر واسمع كلامك..
عمار
ده ڠصب عنك هتقولي كده ومش هقبل نقااش في الموضوع ده....
جميله
انا هسكت بس عشان انا عاقله ومقدره الوضع اللي انت فيه..
عمار بسخريه
انتي هتقوليلي علي عقلك..
_ سكتت جميله وقبل ما يوصلو بيتها موبيلها رن فكتمت الصوت بسرعه وحطته في الشنطه..
عمار
مين بيكلمك..
جميله بقلق
حاجه خاااصه..
عمار بجمود
مين بيكلمك يا جميله..
جميله
قربنا نوصل اهو بعدين ابقي وقت تاني اقولك عشان موضوع طويل وعايزه ادخل البيت بسرعه..
وقف عمار العربيه وبصلها وقال
مين بيكلمك ومش هكرر سؤالي تاني..
جميله بقلق
هو انت مالك اتحولت كده ليه يا عموري..
عمار
لان الاول كان وضع ودلوقتي وضع تاني خالص الاول كنا يعتبر متصاحبين وكنت بعدي حاجات كتير واقول ماليش كلمه عليها انما دلوقتي انتي مراتي وهتسمعي كلامي ڠصب عن اللي جابوكي..
جميله بغيظ
ما تغلطش يا عمار وانا مش بحب الطريقه دي..
عمار
تحبيها او لا دي حاجه ترجعلك بس هو ده نظاامي وانتي لحد دلوقتي ما شوفتيش الوش التاني..
جميله
شوفتو فاكر مهااب في الشركه لما كنت قاعده معاه وبنتكلم علي فيروز جيت وزعقتلي وكانت اول مره تزعقلي علي العموم انا مسمحاك يلا بقي روحني وانا هسمع كلامك..
عمار بجمود
ردي علي سؤالي ولا اخد الموبيل واشوف بنفسي مين كان بيكلمك..
جميله
وانا اللي افتكرتك نسيت..
عمار
اخلصي...
جميله
بص بالراحه كده من غير عصبيه انا الصبح شوفت ح.. حسين ابن عمي منزل استوري حزينه اووي فااا...
عمار بنبره غاضبه
كملي..
جميله
فبعتله قولتله اول ما تفضي كلمني عشان اشوفه ماله...
عمار بجمود
والمفروض انا اعمل ايه دلوقتي اقولك برافو انك عملتي كده ولا اكسر دماغك دي..
جميله
يا عموري افهم حسين ده يعتبر اخويا واخو ايتن من واحنا صغيرين وهو طيب جدا غير عمي خالص ووقف جنبي وجنب ايتن في حاجات كتير وانا بحبه.. زي اخويا يعني..
عمار بهدوء
ده قومتي عليا القيامه لما مشيت مع سميره يوم كتب كتابنا مع اني كنت بحل مشكله..
جميله بقلق
ما انا بحل مشكله برضو افرض الواد دخل في اكتئاب واڼتحر..
عمار بجديه
بصي يا
