رواية المنقذ كاملة

الرسالة دي لما جاتلي من عمار صاحبي للوهلة الأولى اټخضيت مش عارف ليه مع إني حي أرزق يعني بس قولتله ابعتلي الخبر لما فتحت الخبر وبصيت على صورة الشخص اللي ما..ت اټخضيت! ده أنا فعلا!
بس لما ركزت شوية في الصورة لقيته لأ عمري ما لبست اللبس ده في اختلاف بين ملامحه وملامحي شوية ولما فضلت أدعبس لحد ما وصلت للاسم لقيته اسم تاني خالص مجرد شخص شبهي بطريقة مبالغ فيها بس مش أكتر بس الصراحة الصورة تقلق الشاب شبهي بالظبط!
أنا الصراحة قولت هنخش في جو أفلام خيال علمي ولا يطلع خبر عني مزيف ولا أي حاجة بس هو أنا خد عارفني عشان يطلع عني أخبار مزيفة! ما علينا بس لما قرأت عن الحا..دثة بقى جسمي قشعر كانوا حاطين صورة الشخص اللي شبهي قبل الحا..دثة وبعدها عشان أشوف صورة الشاب بعد الحاد..ثة!

كان عبارة عن وش مشو..ه ملامحه مختفية تماما ولما قرأت الخبر 
الموضوع فضل تاعبني يومين تلاتة وكل شوية أفتكر وش الشاب اللي شبهي ده واتضايق من اللي حصل فيه بس المر..عب في الموضوع إنه مخلصش على كده! في خلال كام يوم لقيت صورة لواحد تاني شبهي 
الواقعة فضلت رافضة تفارق ذهني لفترة كبيرة جدا و بعد ما بدأت أنساها حصلت الحاد..ثة للمرة التالتة واحد شبهي برضو بنفس ملابسات ال كذا واقعة اللي فاتوا لأ كده الموضوع مر..يب! الرابع في الخامس هو في ايه! لحد اليوم اللي لقيت فيه حد بيخبط على باب شقتي بصيت من العين السحرية ده أنا! لأ ده.. واحد شبهي برضو هو فيه كام واحد شبهي في العالم ده!
كنت مقلق منه الصراحة بس شكله في العين السحرية صعب عليا كان عمال يبص وراه كإنه هربان من حد وشكله خاېف ومر..عوب فتحتله كان شبهي بنسبة كبيرة فعلا بس الصراحة كان أوسم بكتير و أطول مني وجسمه ماشاء الله رياضي أول ما دخل قفل الباب وراه بسرعة وحط الشنطة اللي على ضهره على الأرض ولاحظت الجوانتي الاسود اللي لابسه في إيده قبل ما يبدأ أ ياخد نفسه قال بعدها..
آسف إن جيتلك في وقت زي ده أتمنى مكنش سببتلك مشكلة.
نفيت براسي وأنا بقوله..
لأ ولا يهمك أنا كده كده عايش لوحدي.
جبتله كوباية مايه بعد ما طلب وقالي..
أنا جيت عشان أحذ..رك.
من ايه!
منها.
وراني صورة واحدة بنت قبل ما أسأله..
منها! هى مين دي!
سكت شوية وظهرت
على وشه علامات الندم وهو بيقول..
م.. أنا السبب في كل اللي بيحصل ده أنت أكيد عرفت بالحواد..ث اللي بتحصل.
أنت السبب.. ازاي!
بلع ريقه وبعدين بدأ يحكي..
أنا.. كنت بحب واحدة وهى كانت بتحبني بس حب وصل لمرحلة التعلق المړضي! كانت كل شوية تقولي أنتي لو سيبتني هعمل في نفسي حاجة لو بعدت