رواية قدر لنا اللقاء الفصل 15

البارت_الخامس_عشر
رواية_قدر_لنا_اللقاء
الكاتبة_ريهام_أبوالمجد
الدكتور بإبتسامة ألف مبروك يا جماعة المدام حامل.
محمود پصدمة إية!!
نادية بسعادة بتتكلم بجد يا دكتور
الدكتور ايوا يا مدام ألف مبروك.
الكل فرح اووي وبدأوا يهنوا محمود وهو لسه مصډوم وشريف قرب منه وحضنه وقاله ألف مبروك يا باشا أخيرا عملتها.
محمود بصله وقاله هو اللي أنا سمعته دا حقيقي

شريف ضحك وقاله أيوا بالظبط كدا وكمان كام شهر إن شاء الله وتبقى أب وأنا عم.
ميرا بضحكة وأنا عمته بس طيبة والله.
نادية ضحكت وقالت وأنا بقيت جدة خلاص وهيبقى عندي حفيد أو حفيدة قمر شبه مامته وباباه.
وحضنت محمود وقالتله ألف مبروك يا حبيبي يتربى في عزنا إن شاء الله.
محمود بادلها الحضن وقال الله يبارك فيكي يا ماما أنا لحد دلوقتي مش مصدق إن شروقي حامل في طفلنا.
أيمن بضحك ألف مبروك يا محمود كبرتنا بدري.
الكل ضحك ومحمود قال لا متخافشي يا بابا أنت طول عمرك شباب والبركة في ماما.
نادية ضړبته في صدره وقالت بس يا ولد.
محمود ضحك وقال أنا مقولتش غير الحقيقة حبك لبابا فعلا طول الوقت بيخليه شباب ما دا حكم القلوب بقى.
أيمن باس إيد نادية وقال فعلا عندك حق أنا كل حظي في مامتك نادية بجد حب عمري ووش الخير كله وطول عمرها رفيقتي في الحلوة والمرة وداعم ليا وكفاية أنها سبب وجودكم في حياتي.
نادية أتحرجت وقالت ربنا يخليك ليا يا أيمن وميحرمنيش منك لا أنا ولا الولاد دا أنت اللي حبيبي.
شريف صفر وقال أيوا بقى كدا أوعدنا يا رب.
محمود ضحك وقال ماما خلي حد يبخركم لأن شريف بصمته قوية.
شريف بصله بغيظ وقال طب أبعد عني بقى.
بقلمي ريهام أبو المجد 
شروق بدأت تفوق وقالت محمود.
محمود جري عليها وقعد جنبها على السرير وقال حبيبتي أنا هنا جنبك.
شروق مسكت إيده وهو سندها وقعدها وهي سندت على كتفه وهو حاوطه فبصتله وقالتله محمود عملت إية في سارة لو سمحت متكلمهاش هي ملهاش ذنب.
محمود ابتسم وقال عندك حق أنا أسف.
شروق بصت على الكل بإستغراب وقالت محمود هو في إية هي سارة حصلها حاجة
نادية بإبتسامة وطيبة لا يا حبيبتي أختك كويسة.
شروق طب هي فين
سارة ظهرت من وراهم وقالت وهي حاطة وشها في الأرض أنا هنا يا شروق.
شروق مدتلها إيدها وقالت طب تعالي واقفة بعيد لية!
سارة قربت منها وقعدت جنبها على السرير وشروق مسكت إيدها بحنية وقالت أنتي كويسة يا حبيبتي
سارة بصتلها بحب وقالت بقيت كويسة من وقت ما بقيت جنبك وأنتي سامحتيني يا شروق.
شروق ابتسمت وقالت احنا أخوات يا سارة ولازم نكون في ضهر بعض.
شروق بصت لمحمود وقالت هو في إية بجد ولية الكل هنا
محمود ابتسم وقال أصلنا سمعنا خبر جميل اووي.
شروق بإستغراب وإية هو
نادية قربت منها وقالت أنتي كويسة يا حبيبتي حاسة بحاجة
شروق كنت دايخة شوية يا ماما بس بقيت أحسن دلوقتي الحمدلله.
شريف ضحك وقال طب مش بتتوحمي على حاجة
شروق بصتله بإستغراب وقالت يعني إية مش فاهمة!
ميرا قربت منها وقعدت قدامها على السرير وقالت بقولك إية يا شوشو من دلوقتي بصيلي كتير اووي عشان تطلع حلوة شبهي واتجنبي تبصي لشيفو عشان لو ولد ميبقاش غلس شبهه مش ناقصين.
شريف بغيظ طب والله ما في حد غلس هنا غيرك وبطلي تقولي شيفو عشان متعصبشي عليكي.
ميرا بتمثيل شوفت يا بابي بيكلمني إزاي
أيمن بضحك بطل يا ولد تدايق أختك دي تعمل اللي هي عايزاه دي دلوعة البيت.
شريف ايوا ما هو مين هيشهدلها غيرك دلعك فيها دا اللي مخليها كدا.
ميرا حضنت بابها وقالت بابي حبيبي والله.
شروق سامعاهم ومش فاهمة حاجة ومستغربة فميلت على ودن محمود وقالت بهمس هو في إية يا محمود هم كويسين ولا أنا اللي مش كويسة!
محمود ضحك وعمل زيها وميل على ودنها وقال أصلهم فرحانين اووي.
فقالت يا رب دايما بس لية فرحني معاهم.
ميل عليها وقال بهمس مبارك يا حبيبتي أنتي حامل في البيبي بتاعنا.
شروق اټصدمت وبرقت وقالت بصوت عالي إية حامل إزاي
محمود ضړب جبهته بإيده وشريف ضحك عليه وقال ما تقولنا صحيح يا محمود هي حامل إزاي
بقلمي ريهام أبو المجد 
نادية ضړبت شريف وقالتله يا ابني أحترم نفسك بقى شوية.
محمود قالها بغيظ في إية يا حبيبتي أنتي لسة تعبانة إية اللي حامل إزاي
شروق قالت پصدمة وهي بتحط إيدها على بطنه يعني في هنا بيبي بجد
محمود ضحك عليها وقال ايوا والله في جوا هنا بيبي مني ومنك.
شروق صړخت في وشه وقالت مش مصدقة.
محمود قام من جنبها من الفزع وقال في إية يا شروقي أهدي.
شريف ضحك عليه وقال أول مرة أشوف مشهد زي دا بس أنا مستمتع جدا.
محمود بصله بغيظ وكان رايح يضربه بس نادية مسكته وقالت أستحمله عشاني يا حبيبي.
محمود عشان خاطرك بس يا حبيبتي.
شروق بفرحة وحماس محمود تعالى هنا وكلمني.
محمود نعم يا حبيبتي.
شروق أنا مش مصدقة إني في جوايا حتة منك أنا فرحانة اووي.
محمود وقال ولا أنا يا شروقي بس حقيقي الحمدلله إنك أنتي أم طفلي وإنك موجودة في حياتي.
شروق عيطت وهو مسحلها دموعها وقال مش قولتلك مش عايز أشوف دموعك أبدا.
شروق دموع فرحة يا محمود أخيرا ربنا عوضني بيك وبطفلنا اللي جاي الحمدلله.
نادية أخدتها في حضنها وقالت مبارك يا حبيبتي ربنا يفرحكم العمر كله وتفرحونا معاكم.
شروق الله يبارك فيكي يا ماما ربنا ميحرمنيش منك.
نادية بطيبة ولا يحرمني منك يا حبيبتي.
سارة مبارك عليكي يا شروق.
شروق باستها وقالت الله يبارك فيكي يا حبيبتي عقبالك.
الكل فضل يبارك لهم وبعد ما كل واحد راح أوضته محمود قرب من شروق وقعد جنبها على السرير وقال بحب شكرا يا شروقي.
شروق بإستغراب شكرا على إية يا محمود
محمود شكرا على كل حاجة على وجودك في حياتي على حبك ليا ومساندتك ودعمك شكرا إنك فرحتيني وهتجبيلي طفل منك يشبهلي ويشبهلك يكون ثمرة حبنا وهدفنا التاني اللي هنعيش عشانه أنا بحبك اووي وهفضل أحبك العمر كله أنا معرفتش معنى الحب غير معاكي وعيونك اللي كانت سبب في كل حاجة وصلتلها.
شروق عيونها دمعت وبدأت تلعب في شعره بحنية وقالت حبنا كان أقوى من أي حاجة كان أقوى من مخططات كتيرة لبعدنا كان أقوى من البعد والغربة وكل دا بفضل ربنا سبحانه وتعالى.
محمود الحمدلله يا حبيبتي المهم دلوقتي إننا مع بعض.
شروق مسكت إيده وحطتها على بطنها وقالت أنا والبيبي بنحبك اووي يا محمود.
بقلمي ريهام أبو المجد 
محمود نزل لمستوى بطنها وباسها وهي قالت بكسوف محمود خدني في حضنك عايزة أنام في حضنك.
محمود قفل النور وناموا.
تاني يوم صحيت وكان محمود لسه حاضنها فرفعت راسها وفضلت تتأمله بحب وحطت إيدها على دقنه الخفيفة ومشتها عليها وقال أنتي مالك ومال دقني دلوقتي
شروق اتحرجت وهو ضحك وقال ما أنا مش باخد منك غير كسوفك دا.
شروق ضحكت وقالت طب والله لو مسبتنيش أقوم هنكد عليك اليوم كله أنت حر.
محمود ضحك وقال وعلى إية أنا مش حمل الهرمونات دي هقوم ألبس عشان عندي شغل.
شروق ضحكت وقالت ايوا كدا أحبك.
محمود برفعة حاجب لا والله.
شروق