رواية حواديت من الواقع الفصل 8
انت في الصفحة 8 من 8 صفحات
خلاص
ليلي
مع السلامه يا حبيبتي هكلمك تاني
زين
حبيبتي حبيبتي اي حاجه انا راضي مع السلامه
ابتسمت ليلي واغلقت الهاتف
كوثر ام محمود
ناهد عامله ايه دلوقتى هديت
ليلي
معرفش والله يمرات عمي قمر قالتلي قاعده هي وعمتو في اوضه لوحيدهم
كوثر
ربنا يهدي سركم يابتي ولو ليكي خير في زين تاخديه
امين يمرات عمي آمين
في غرفة المكتب عند هلال وحسين
هلال
انت رافض ليه دلوقتى فهمني بس بالعقل
حسين
انت كمان بتسأل يا حسين انا رافض ليه انت ترضاها لبناتك يا حسين
هلال
لو عارف انه بيبحبهم زي ما زين بيحب ليلي مش هرفض وليلي كمان بتحبه وموافقه هنقف احنا قدامهم واحنا كلنا عرفنا مين الي كان السبب في بعدهم من الاول
ده أكبر سبب قبل سبب ان زين اصلا متجوز هو مراتك لطيفه دي ممكن تعمل حاجه في بتي
هلال
بتك لو اتجوزت زين لا انا ولا انت ولا انس مخلوق هيعرف يمس منها شعرها وانت عارف ده كويس ولطيفه انت هحاسبها ومش هتقعد في البيت تاني وهتشوف بس انا كل الي فارق معايا ليلي وزين ودلوقتى نخلينا نكتب الكتاب قرأ ما تمشوا بينا احنا هنا في البيت وبعد شهر ولا حاجه نعمل فرح
طيب ومروة الغلبانه دي
هلال
مروة مش هترفض وبعدين زين مش هيطلقها هيسيبها علي ذمته ده اختيار بتك
حسين
بتي عبيط يا خلال وبيصعب عليها اي حد بعدين لما تفهم يعني ايه جواز مش هتستحمل ان جوزها يبقا نايم مع واحده تاني وهي لوحدها
هلال
زين مش عايز غيرها يا حسين وأنا احلفلك انه لو خد ليلي ما هيقرب حتي من مروة
انا كده بتظلم البت
هلال
هتعملي زي بتك انت كمان ما لسه بتقول عليها عبيطه تسمع كلامي يا حسين وخلينا نخلص من القصه دي انا تعبت والله بقالي شهر حاسس اني روحي بتتسحب وانا شايفهم هما الاتنين كده ومش عارف اعمل حاجه
الي هنعمله ده لا حرام ولا عيب يخويا الحړام والعيب أننا نبعدهم احنا عن بعض ونوجع قلوبهم وقلوبنا
انا مش عارف يا هلال وامها مش هتوافق
هلال
مع احترامي لك ولامها بس دي حياتها هي وهي موافقه انتوا هتجبروها يعني تكرهه
حسين
مش القصد يهلال بس ليلي مش عارفه مصلحتها دلوقتى
هلال
يووووه يا حسين هنقعد نحكي تاني في نفس القصه انا هبعت اجيب المأذون يا حسين
حسين
طب الناس تقول ايه لما تكتب كتاب ابن الي لسه متجوز امبارح
قولتلك هيبقى بينا احنا في البيت دلوقتى وخلاص يعم خليها بكره وبعد شهر ولا زي ما هما يحبوا نبقا نحدد الفرح بس لما تخلص شقتهم الي فوق شقتكم او يقعدوا في الزمالك زي ما يحبوا هبعدلك بتك عن ريحه لطيفه خالص اهو
حسين
الي تشوفوا يا هلال بس خليها بكره اهل مروة هيجوا كمان شوية ميصحش يجوا يلاقوا زين بيكتب كتابه
هلال
مع ان مفيش حد فارق معايا بس ماشي بكره بكره
امسك هلال هاتفه ورفعه وضغط علي رقم ليلي
هلال
ليلي انزليلي اوضة المكتب
ليلي
حاضر يا بابا لوحدي
هلال
اه لوحدك يلا
وأغلق مع ليلي وضغط علي رقم زين
انزلي اوضة المكتب ومش لوحدك هات مروة معاك
زين
مروة ليه
هلال
اعمل الي بقوله من غير جدال أنجز
وأغلق الخط
حواديت_من_الواقع
هنزلك البارت التاني الصبح عايزاه اتكلم في كام نقطه اساسيه اتمني تقراوهم
انا مكتبتش غير مره واحده بس في حياتي قبل كده يعني الكتابه مش هوايتي دي قصه حقيقه وانا من بدري ونفسي احكيها من كتر منا
حاسه انها لازم تتكتب لأنها شبه الروايات حاسه اني عايزاه احكي للناس كلها عن حب زين وليلي الي مبقاش موجود دلوقتى
فأنا بعتذر علي طريقه سردي لان انا نفسي عارفه انها مش كويسه والله بس حقكم عليا بحاول اوصلكم الي عايزاه اقوله بالي اقدر علي
تاني حاجه والله انا مسرعه في الأحداث مۏت وبعدي تفاصيل كتير علشان انا نفسي مش هقدر احكيها خوفا من ان اي حد يعرف القصه الحقيقه يشوفها بالصدفه
تالت حاجه طبعا التفاعل مش عاجبني خالص وناس كتير اوي بتقراها وبتكسل تحط حتي لايك مش راسها بس معلش هرجع واقول اني بكتبها علشاني انا مش علشان حد او علشان تفاعل
وشكرا للناس الجميلة الي مش بتكسل تقول رايها
