حكاية روان الفصل الأول والثاني ساندي عاطف.
كل ما بتقرب فيه حاجة بتشدها معذورة لو أنا جبت شخص وقعدت طول الوقت أقوله ذاكر عشان تبقى زي فلان خليك هادي زي فلان اتكلم زيه البس زيه امشي زيه أكيد الشخص الأول هيكره التاني ڠصب عنه!
يمكن التاني ده بالفعل كويس وشاطر في دراسته وحياته وشغله بس الأول مش هو احنا مش مضطرين أننا نمشي على خطى غيرنا ممكن ناخد ناس كويسة مثل أعلى لينا أنهم نجحوا ووصلوا والناس حباهم لكن مستحيل أقدر أمشي حياتي كاملة زي شخص تاني ماكنش ربنا هيخلق كل واحد بشخصية مستقلة غير التاني خلقنا مختلفين عشان اختلافنا بيكمل العالم لو مشينا كلنا على نفس النمط هنبقى مهمشين لو كلنا عملنا نفس الحاجة بنفس الطريقة مفيش حد هيبقى مميز هنبقى كلنا بنزايد على بعض وخلاص!
اټخضيت وبصيت ورايا لقيته هو! البني آدم اللي مجرد وجوده بس بيوطيلي ضغطي!
لأ ألف سلامة.
ماكنتش محتاجة اعرف إني أكيد فكرت بصوت عالي وسمعني خدت نفس وخرجته وقولت بهدوء
هو بس مفيش أي تاكسي ومريم ويزن عنده...
قاطعني
عارف أنا راكن هناك اتفضلي.
ماكنش فيه حيل اناهد وماكنش فيه أي وقت أصلا للمناهدة اتحركت بهدوء لعربيته وركبت من غير كلام واتحركنا.
مش هتكمليلي باقي الرواية
بصيتله بسخرية
وتقوم قالب بينا العربية
ضحك أنا مبشوفهوش بيضحك غير مرات قليلة تقريبا أغلبهم وهو بيلاعب فريدة.
متقلقيش كملي.
بدأت اشرحله الفكرة واحدة واحدة وأنها بتناقش العلاقات الإنسانية كلها بشكل عام وكمان أنماط الشخصيات ولكن بشكل فلسفي شوية
واسمها إيه بقى
ابتسمت ورديت وأنا بدخل
فصول السنة الستة.
ريحة المخبوزات بالنسبالي أحسن من أحسن دكتور نفسي أكتر حاجة ممكن تعدل مزاجي وتحسسني إني مبسوطة.
كنت واقفة في المطبخ بعمل كيكة لقيتها بتفتح الباب وداخلة ووشها باين عليه الخۏف دخلت الصينية الفرن وقربت منها
مالك فيه حاجة
شديتها لعند الكنبة وقعدتها وسألت پخوف
روان.. روان إيه اللي حصل
قالت حاجة لكني مفهمتهاش من عياطها فكملت
براحة براحة خدي نفسك واحكيلي مين زعلك!
مسحت دموعها دموعها وقالت
النتيجة طلعت.
سكت ثواني بعدين حضنتها
طب يا حبيبي كانت وحشة مش مشكلة والله فداكي أي حاجة.
ناقصة في التاريخ درجتين عن النص
ماما اللي جابتها وبهدلتني يا رها.
شددت على حضنها
هي بس عشان متعودتش منك على كده بس أنت مفيش فيكي مشكلة والله فداكي ألف امتحان.
بعدت عني ووقفت وبدأت تزعق
قالتلي أنت فاشلة وإن عمر ما حد فيكم جاب درجات وحشة نهائي وإني كنت غلطانة لما اختارت أدبي المادة اللي المفروض أنها أهم مادة عندي سقطت فيها في الترم الأول.
قالتلي ليه متكونيش زي اخواتك!
ضحكت ودموعها بتنزل وكملت بنفس الزعيق
هي ليه عايزاني اكون نسخة منك!
أنا ليا شخصيتي اللي ممكن تكون أحسن من شخصيتك اختارت حاجة بحبها ومسمحتش تتفرض عليا هي عشان كده مش حاباني شايفاني عاق عشان معملتش
