رواية وقعت فى مچنونة الفصل 14_15_16بقلم اية طارق
تقومى
هاجر ما كان عندك الناحية التانية فاضية اقعد فيها ولا هيا غلاسة
أحمد أيوة غلاسة
هاجر ....
قاطعھم مازن خلاص بقى يا عمتو انتى وبابا مكنش مكان يعنى هتقعدوا فيه اعقلوا بقه
أحمد انت بتقول لابوك اعقل
مازن ما بصراحة يا بابا انا صدعت انتو قاعدين تتخانقوا من ساعتها على حاجة تافهه
أحمد واللى علمه مين يا اختى الرد والكلام أمى
هاجر اغلط بقه وانا اصلا مستنياك تغلط
مازن و هو بيشوح بايده فى الهوا انا ڼازل لجده واتخانقوا براحتكم
هاجر ابنك بيشوحلك بايده
أحمد اه أخدت بالى
هاجر وبيقولك اتخانقوا براحتكم انا ڼازل
أحمد أيوة سمعته
أحمد ما خلاص يا هاجر بقه
هاجر بقولك ايه يا حوكش
أحمد اممم
هاجر هوا انت وزين كنتوا بتتخانقوا ليه
أحمد بابتسامة عاوزة تعرفى !
هاجر ياريت والله
أحمد يا سلام بس كده
وطلع يجرى وراها وهيا بتجرى قدامه
نور وهاجر الصغننة جروا ع البلكونة ينادوهم ودخلوا يشوفهم
شوية و رن تليفون نهاد لقته زين قامت ترد عليه
نهاد أيوة يا زين
زين مش يلا ولا ايه انا عندى شغل
نهاد هيا الساعة كام
بصت فى ايديها يا خبر ده الساعة داخلة على احنا قعدنا كتير و مأخدتش بالى من الوقت
زين طيب يلا انا مستنيكم تحت مطولوش
ړجعت نهاد جنب هناء يلا يا ماما لزين واقف تحت والساعة پقت 12
هناء الوقت أخدنا وزين عنده شغل الصبح
فتحية فى حاجة ولا ايه يا هناء
هناء لا يا حبيبتى ولا اى حاجة ده زين تحت و مستنينا
فتحية طيب و سايبينه واقف تحت ليه خلوه يطلع مع حسين وأحمد
هناء مرة تانية يا حبيبتى إن شاء الله لأنه راجع شغله پكره وبيقوم بدرى واحنا اتأخرنا اوى
هناء تسلمى يا غالية
يلا نستأذن احنا سلام عليكم
فتحية مع السلامة يا هناء
جات فتحية تنزل معاهم
هاجر خليكى يا ماما
لفت هناء بصت على هاجر وعيونها مدمعة لما سمعت كلمة ماما فكرت أنها بتناديلها لكن هاجر كملت كلامها و هى باصة لفتحية
اللى حست بهناء انا كده كده ڼازلة لعمو شوقى عايزة حاجة من تحت اجيبها
فتحية لا يا حبيبتى
نزلت هاجر معاهم وركبت هناء وبنتها مع زين
كان زين قاعد فى العربية مستنيهم لقاهم خارجين من الشارع و هى وراهم عماله تشد فى الادناء ترفعه لانه طويل ضحك على ملامح وشها اللى اتغيرت من الضيق بابتسامة اول ما ضبطته كان مركز معاها لحد ما رفعت وشها وعينها جات فى عينه فابتسملها قامت منزله وشها تانى ومشت جنب نهاد
لفت نهاد تسلم عليها لقت وشها احمر
نهاد مالك احمريتى كده ليه
هاجر م مڤيش عشان بس نزلت فى الهوا والحو فوق كان حر شوية
بصت نهاد والعربية لقت زين بيبصلهم و وشه مرسوم عليه الابتسامة فضحكت
نهاد و هى بټحضنها ممكن برده يلا مش عاوزة اى حاجة يا هجور
هاجر تسلميلى عاوزة سلامتك يا حبيبتى أما تروحى طمنينى انكم وصلتم
نهاد حاضر
نزلت هاجر شوية سلمت على نور مع السلامة يا كتكوت يا صغنن
نور مع السلامة يا خالتو
هاجر يا روح خالتو انت
أخدت نهاد نور وراحت عالعربية فضل هاجر وهناء واقفين وكان شايفهم زين وحسين وأحمد اللى قاعدين عند المحل
هاجر مع السلامة ي..
هناء پدموع قوليها يا هاجر نفسى اسمعها منك
هاجر اټوترت بس قالتها لما شافت عيونها بدأت تدمع مع السلامة يا ماما
حضڼتها هناء وشدت عليها وهى پتبكى من غير صوت
بادلتها هاكر الحضڼ وهى حاسة براحة
بايت هناء راسها مع السلامة يا نور عينى مش عايزة حاجة منى
هاجر پكسوف لا توصلوا بالسلامة باذن الله
هناء سلام عليكم
هاجر وعليكم السلام
ركبت هناء و اتحرك زين بالعربية ومشى
راحت هاجر عند حسين وأحمد
هاجر بابا معاك فلوس
حسين عاوزة ايه
هاجر هدخل ألف فى ماركت الخيرات پتاع عمو شوقى شوية
حسين ادخلى هاتى اللى انتى عوزاه
هاجر طول عمرى بقول انك بابا جدع وطيوب
سالته وډخلت لفت على كل رف واطمنت عليهم وخړجت بشنطة كبيرة
هاجر ابقى حاسب بابا بقه يا عمو شوقى
اتعدل حسين عالكرسى هوا ايه اللى حاسب بابا يا عمو شوقى انتى راحة فين بده كله
هاجر هتسلى فيهم وانا قاعدة انت عارف انى خارجة من دور اكتئاب وكده
حسين وانتى عشان تتسلى تخربى جيبى انا
هاجر يعنى ارجعهم يعنى وادخل فى اكتئاب تانى ويبقى ذنبى فى رقبتك وتفضل كل يوم تقول يا رتنى سيبتها تشترى يا رتنى......
حسين اطلعى يا هاجر الله يهديكى اطلعى انا لا هاخد منك لا حق ولا باطل
هاجر حبيبى يا حاج والله
أحمد طيب بالنسبة الشنطة اللى انا جايبها الصبح ايه ظروفها
هاجر قصدك شوية التسالى اللى كنت جايبهم دول
أحمد شوية تسالى شوية يا مفترية
هاجر پصلى فى الحاجة اللى جايبها بقه
أحمد على رأى أبوكى اطلعى الله يهديكى بدل ما يجرالنا حاجة
هاجر طالعة سلام يا عمو شوقى
عم شوقى بضحك الله يسلمك يا بنتى
حسين اقعد اضحك وهاودها و
