رواية بستان حياتى الفصل 22الاخير

اللاب توب بسرعة وتقفز من على السرير يا خبر أبيض! ده أنا نسيت إن النهارده رجوع جدي!
تجري مسرعة إلى السلالم لاستقبال جدها.
عندما رأت جدها في الصالة انطلقت نحوه وعانقته بشدة.
بستان جدو حبيبي! وحشتني قوي! أنا كده روحي رجعت لي تاني. ربنا ما يغيبك عني أبدا يا حبيبي.
الجد باشتياق شديد وحشتيني جوي جوي يا جلب جدك. يا أم جلب أبيض كيف الجطنه يا بسبوسة جدك انتي!
بستان وهي تضحك وإنت كمان وحشتني أوي يا سولي!
سليم بنبرة غيرة إيه يا حج أنا بغير والله!
الجد يضحك ما تغير براحتك يا سليم.
تقترب صافي وتعانق بستان.
صافي بوسي حبيبتي وحشتيني.
جمال وحشت عمك أوي يا وردة العمرية!
سليم هو مفيش غير بستان اللي بتحبوها ما تحبوا ليلى ونور شوية كمان!
الجد يضحك ده أنا أغلى عليها منك صح يا بسبوسة
بستان أكيد صح يا قلبي!
سليم بعصبية أنا خارج برا!
الجد يبتسم اجعد اجعد! كنا بنهزر معاك يا ولدي!
في السرايا وصل العمدة والحاجة نادية للترحيب بعودة الحاج سليم وكان الجو مليئا بالود والحب.
نادية نورت الصعيد يا أخويا.
الحاج سليم منورة بأهلها الطيبين اللي زيكم.
ثم الټفت الحاج سليم إلى بستان قائلا
الحاج سليم تعالي معايا يا بستان نطلع نطمن على فؤاد.
بستان حاضر يا جدي.
جمال أخويا فؤاد مسكين. خدني معاك يا أبويا أطلع أطمن عليه.
صافي وأنا جايه معاكم.
جمال لا خليكي دلوقتي عشان ما يبقاش في إحراج.
صافي حاضر يا جمال.
صعد الحاج سليم مع بستان وجمال للاطمئنان على فؤاد. كان المشهد مؤلما للغاية فؤاد جالس على كرسي متحرك جسمه مغطى ببطانية عينه مغلقة وفمه معوج لا حول له ولا قوة. زوجته نجوى كانت بجواره تمسح وجهه وتقرأ له القرآن.
اقترب الأب من فؤاد وحاول احتضانه لكن فؤاد بدأ يبكي بشدة. من داخله كان يتمنى أن يسامحه والده ولكنه لم يستطع التعبير عما بداخله بالكلام.
جمال بعينين غارقتين في الدموع يا حبيبي يا أخويا... الله يشفيك ويقومك لينا بالسلامة.
بستان بحنان عمي فؤاد بلاش بكى ربنا كبير وإن شاء الله هتخف وتبقى زين. قول يا رب من قلبك.
نجوى بابتسامة مليئة بالأمل يا عمي فؤاد بجى يصلي وأنا بقرأله قرآن عشان ربنا يشفيه ويحرصه.
الحاج سليم أصيلة يا نجوى. ما هملتيش فؤاد بعد اللي عمله معاكي.
نجوى أهمله إزاي يا عمي فؤاد جوزي وأبو عيالي وعشرة عمري. الشيطان كان مسيطر عليه وراح لحاله ومين فينا مش عرضة للشيطان
جمال أعوذ بالله من الشيطان الرجيم. إن شاء الله هتخف يا أخويا وتقف على رجلك. أنا مليش غيرك إنت وأبويا. هتخف عشانا كلنا.
نجوى يا رب يا أبو سليم يا رب.
الحاج سليم داعيلك من قلبي يا ولدي. وقلبي وربي راضين عليك. ربنا يثبتك على إيمانك. يلا يا ولدي خف وقوم أومال مين اللي هيقف معايا في فرح العيال ومين اللي هيطلع معايا الحج السنة دي
نجوى ربنا يشفيه ويعافيه ويديله الصحة والعمر ويخليك لينا يا عمي يا رب.
بستان جدو أنا وأنا بقلب في المواقع الطبية عرفت إن كل ما الحالة النفسية تتحسن الشفاء إن شاء الله بيكون أسرع.
الجد من بوجك لباب السما يا بتي.
جمال أنا بقول يا حج إن فؤاد ينزل تحت في الأوضة اللي تحت عشان نبقى كلنا حواليه.
الجد حديتك صح يا جمال. نادي على الشباب عشان ينزلوا عمهم.
بينما كان الجميع منشغلين بنقل فؤاد شعرت نجوى بأن فؤاد سعيد رغم ضعفه وشكرت الله على تحسن حالته النفسية.
ذهب بستان لغرفتها عادت بستان إلى بحثها عن علاج لأمنية. أثناء تصفحها لأحد المواقع