رواية زاي اطفش عروسة بابا الفصل 40-41

إيه .. 
جري ع البيت نبه البقيه ع للي بيحصل و هما الثلاثه طلعو جري على فوق بيحاولو يقربو منها بس مع كل خطوه بترجع خطوين ورا مبقاش بينها و بين الحافه غير كم سانتي ..
غفران 
سمعت إسمها بصوته أخيرا خطفت نظره لتحت سليمان استغل اللحظه للي بصت فيها تحت تشوف أبوها قرب كم خطوه مسك إيدها بيشدها ناحيته شدت نفسها منه جامد فلتت منه و وقعت من على السطوح ..
بابا .. 
يتبع ..
اسفه على التأخير بسبب الإمتحانات ..
زاي_اطفش_عروسة_بابا 
الفصل الواحد و الأربعون
سمعت إسمها بصوته أخيرا خطفت نظره لتحت سليمان استغل اللحظه للي بصت فيها تحت تشوف أبوها قرب كم خطوه مسك إيدها بيشدها ناحيته شدت نفسها منه جامد فلتت منه و وقعت من على السطوح ..
بابا .. 
قلب عمر هوى ما بين ركبه للي حس إنها مش شايلاه بس روحه رجعتله أول ما لقاها لسا متعلقه فوق بعدما سليمان القريب منها بحركه سريعه مسك ذراعها شدها لفوق البوليس على طول قبضو عليهم ..
عثمان جري على بنته حضنها جامد بيبوس كل حته في وشها بدل المره مرتين حاسس بجسمها بيرجف من الخۏف _ اهدي يا روحي بابا هنا .. 
غفران همست له _ بابا متسبنيش .. 
عمر طلعها من حضنه بيشك على جسمها خاېف تكون متصابه بلهفه نطق _ أبدا يا روحي مش هسيبك مټخافيش مش هسمح لحد يبعدك عني .. 
غفران عيطت _ خفت أوي .. 
على البيت أخدها على طول مبيسمحش تفضل تانيه وحده في مكان مليان ذكريات وحشه بتخوفها رغم انه فضل في الطريق بطوله بيعبر لها عن إشتياقه اكتشف بعد ما وصل قدام الباب أنها نايمه مطمئنه ..
ليلى فتحت الباب قبل ما يخبط حتى لمحتهم من الشباك اللي مفارقتهوش و هي مستنيه جيتهم بلهفه _ غفران هي كويسه يا عمر .. 
عمر مردش طلع بها على أوضتها نيمها على السرير _ خليكي جنبها بدلي هدومها و أنا هتصل بدكتور .. 
الدكتور طمنهم عليها و مشي طبعا مش محتاجه غير ترتاح في حضڼ أبوها اللي بدوره نام جنبها من تعبه صحى بعد كم ساعه مڤزوع من لمسة إيدها ..
غفران _ بابا .. 
عمر بلهفه _ نت كويسه حاسه بإيه .. 
غفران مطت شفايفها _ حاسه .. حاسه بالجوع .. 
عمر شالها بيلعب معاها بيضحكها _ وصيت ليلى تعملك الأكل للي بتحبيه هأكلك بإيدي هنخلي غفران يزيد وزنها خمس سته كيلو .. 
غفران لمحت جلال فردت له ذراعاتها _ عمو جلال .. 
جلال شالها _ حبيبه عمو جلال .. 
سميه خدتها من جلال
_ روح تيته نت كويسه .. 
غفران هزت دماغها ضحكت _ الفضائيين في غيابي استبدلو تيته بوحده ثانيه ديما بتقول لبابا متشلهاش خلاص كبرت المره ديه هي شالتني .. 
سميه باست إيدها _ يا روحي مش هقول كده تاني .. 
عمر _ يلا مش وقته الكلام ده بنتي جعانه .. 
قعدما فحضنه و فضل يأكلها لين بطنها اتنفخت الضحكه رجعت ملت البيت بوجودها بس كان ضروري هيوصل للنقطه اللي حاول يتهرب منها بقاله شويتين ..
عمر اتنهد _ غفران بابا أنا مش عايز أضغط عليكي بس سليم قالنا انك مشيتي مع الراجل برضاكي و قلتي له إنه صاحبي ليه عملتي كده .. 
غفران بوزت _ هتتعصب و هتزعقلي .. 
عمر بحنيه _ لا مش هزعقلك .. 
غفران نطت من حضنه اتخبت ورا جلال _ انت كنت زعلان لما وصلك ظرف و خبيته عني و مرضتش تقلي حاجه عنه خدته من الاوضه معايا على الحديقه و أنا وقفت راجل طلبت منه يقرأ المكتوب و طلب نمشي تحت ظل شجره .. 
عمر زعق _ و نت زي الهبله رحتي معاه .. 
جلال حس بإيدها اترعشت خبت وشها ورا ضهره _ يا عمر مش كده بالراحه عليها ديه طفله .. 
غفران سبلت عيونها _ كنت عايزه اعرف إيه للي مزعلك بس انت مرضتش تقلي .. 
سميه برفعة حاجب _ كان إيه المكتوب فالورقه يا عمر .. 
عمر زعق _ مش وقت الأسئلة ديه .. 
غفران جريت مسكت إيده _ مش ذنب تيته سمية متزعقش ليها مش ذنبها انا غلطانه مكنش ينفع امشي معاه خوفتك عليا انا آسفه .. 
عمر حضنها جامد _ آنا للي آسف المفروض آخد بالي منك بس كله حصل بسببها .. 
غفران _ هي مين .. 
قبل ما يرد عليها كان الجواب داخل عليهم بعد ليلى فتحت الباب و هما بيتكلمو لقت جمانه داخله من غير استئذان .. 
سميه برقت محدش خبرها برجوعها عارفين ردة فعلها هتكون عامله زاي _ انت رجعتي .. 
جمانه بلعت ريقها _ ست سميه .. 
سمية بعصبيه _ انت سبتي فيها ست سميه .. 
طيرت الشبشب من رجلها و انقضت عليها ..
يتبع ..