رواية للعشق عنادا الفصل الخامس 5بقلم كريمة حماده
انت في الصفحة 1 من 4 صفحات
رواية للعشق عنادا الفصل الخامس 5بقلم كريمة حماده
٥
_ يا نوح افتح الباب دا بدل ما اصوت والم عليك الناس واڤضحك
_ يووووه انت مبتردش عليا ليه
_ طب افتح نتفاهم طيب بالله عليك انا هتخنق هنا
_ يا نووووووح
بعدت من ورا الباب لما سمعت تكة المفتاح ..دخل عليها نوح وعلامات الضيق باينة على وشه ..اتأفف بزهق وقال
_ انا عايزة أخرج من هنا مستحيل اقعد معاك فى مكان واحد يا ابن اصلان
مش بمزاجك مش بمزاجك يا حلوة .. اللى انا أقوله واقرره هو اللى هيمشى
_ ليه ..ليييه بجد هتقرر حاجة بالنيابة عنى يعنى كنت مين انت عشان تتحكم فيا بالشكل
مكنتش ومزاجى كدا يا ستى ها ارتحتى
وان قولتلك مش هتخرجى من هنا الا بأمرى هتعملى ايه يا مريم
_ مش فاهمة تقصد ايه
نوح بجمود يعنى يا حلوة لو عايزة تروحى شغلك وتشوفى شركتك وتمارسى حياتك زى ما كنتى يبقى زى الشاطرة كدا هكلفك بواجب وتعمليه وهو انك تسمعى كلامى وتنفذيه ... ها تنفذيييه
بسيطة نخلى بينا علاقة حالا
مريم پذعر ايه .. لا يا نوح اكيد مش هتعمل فيا كدا صح ..خلاص بص هنتفاهم براحة بس ارجوك اوعى تكسرنى
مريم بتوتر اومال.. اومال كنت تقصد ايه
نوح پغضب مش اللى جيه فى دماغك يا هانم مش نوح اصلان اللى يجبر واحدة عليه عشان مصلحته فااااهمة
مريم بحزن انا اسفة .. انا بس خۏفت شوية معلش
اسمعى يا مريم انا مقدر حالتك وحزنك وعشان كدا أنا عايزك تبقى هنا قصاد عينى وحواليا انا مضمنش انتى ممكن تعملى ايه فى نفسك
نوح اخد نفس عميق وبصلها بتركيز وقال اسمعى الكلام يا مريم واوعدك كل حاجة تخلص وانا همشيكى من بيتى دا بنفسى ..
اصلا بالله أنا بستحملك كم دقيقة بالعافية هقوم اخليكى عندى علطول يعنى
مريم بغيظ طيب يا سيدى اتفضل برة كدا عشان حابة ارتاح شوية
انا واقف فى ملك الحكومة
هتطلبيها ازاى وهى واقفة قصادك اهو ..عيب والله عيب
مريم كانت هتضحك بس اتمالكت نفسها وقالت يا نوح اخرج برة ارجوك انت بتحاول تضحكنى وانا مش عايزة اضحك اصلا
نوح بمكر طب ما تضحكى يا مريم الله ..ولا اقولك لا متضحكيش عشان ضحكتك اكيد زى وشك
_ يبقى اكيد حلوة
لا وحشة
نفخت مريم بغلب وزقته لبرة الاوضة وقفلت الباب
يارب تتهد وتلم لسانك دا شوية
خليكى فى حالك ياللى ملكيش بيت تقعدى فيه وقاعدة عند الناس
_ الله اكبر انت بتزلنى لا بجد بتزلنى يعنى
انا يابنتى دانا غلبان والله وطيب القلب ورقيق كدا
_ دا مين دا انت نوح اصلان وطيب ورقيق
عندك شك يا حلوة
_ الحلوة هتنام عشان تعبت بجد
اتخمدى اهو نريح منك كم ساعة من غير ما نسمع صوتك كدا
ابتسمت مريم بخفوت بعد ما نامت على السرير وحطت أيدها تحت راسها..دموعها نزلت بتلقائية وكتمت شهقاتها بايدها عشان الصوت ميخرجش لنوح غمضت عيونها بتعب وتمتمت ب
اول ليلة هنامها من غيرك يا بابا ..نوح بيحاول انى متعمقش فى حزنى بس هو ميعرفش أن الۏجع جوايا اكتر ..يارب تكون مرتاح فى ليلتك الاولى وربنا ينورلك قپرك يارب ..
وعند نوح كان واقف فى البلكونة بعد ما ساب مريم وخلص كلام معاها ..
انا عارف انها حاليا اكيد بتبكى مش فاهم نفسى ليه واجعة قلبى اوى كدا ومهتم بيها لدرجة انى احاول أخرجها من اللى هى فيه .. ايه هتخيب ولا ايه يا ابن اصلان ..
واخد نفس عميق وكمل دلوقتى خلينا فى شغلنا عشان ننهى اللعبة
