رواية طيفي الجميل كامله

3
الاخيره
يكش حراس الملك يقفشوك عشان تبطل شقاوة 
_ المهم يلا هنتفسح 
_ نتفسح!! فين و أزاي!
مسك إيدي وحسيت ب رعشة لذيذة اخدني ل حد ما وقفنا قدام باب البيت من جوا الشقة وهو مقفول ولقيته بيهمس ب كلام مفهمتوش 
_ يلا ادخلي 
_ ادخل فين لمؤاخذه!
_ من الباب يلا 
بصيت على الباب المقفول وبصتله 
_ الباب مقفول يا خالد ومينفعش تخرج أصلا عشان حراس الملك ل...
سكت أما لقيته بيطلع منه ضوء أزرق وبدأ يمشي تجاة الباب المقفول ودخل منه وكأنه باب سحري واختفى جواه! 
ظهر تاني من الباب ومدلي إيده وهو بيقول ب حماس 
_ يلا بصتله بتردد بس نظرة عيونه طمنتني متخفيش.
مشيت معاه ودخلت فعلا من الباب وكأنه باب سحري حسيت ب رعشة وأضواء كتيرة في وشي وفجأة لقيت نفسي في مكان وكأنه قطعة من الجنة شجر و ورد كتير وعصافير أكتر وشلال ميه وفي أخره بركة ميه فيها سمك ملون وصوت العصافير عامل بهجة ف المكان سبت إيده ومشيت ناحية بركة الشلال وأنا ب بص على السمك وهو كمان بصلي وكأنه بيضحكلي مشيت شوية وأنا بلمس الورد ب أنواعه وألوانه اللي تبهج القلب قبل العين قلعت جزمتي وبدأت ألمس الزرع الأخضر وهو طري لقيت شوية عصافير من اللي كانو في السماء بدأوا يلفوا حواليا ضحكت ب فرحة وفردت إيدي وبدأت أجري وألعب والعصافير حواليا ب صوت زقزقتها وكأنها ضحكات بيبي صغير وقفت قدام خالد وأنا بضحك وعيوني بتلمع ب فرحة محستش بيها قبل كد رفع إيده وحط طوق ورد على شعري كان أبيض ب ورد أزرق في النص مسك إيدي وقعدنا ظهر قدامنا مانجا كتيرة ضحكت جامد وضحك على
ضحكتي وبدأنا نأكل ونتكلم في كل حاجة وأي حاجة 
_ خالد 
همس وهو مغمض عيونه على العشب الأخضر 
_ عيونه 
حسيت ب رجفة في قلبي وابتسمت وقولت 
_ احنا هنا من بدري ولسا الشمس ذ ما هيا دافئة ولطيفة 
قال وهو لسا مغمض عيونه 
_ عشان يا أمل احنا في عالم الأطياف وعالم الأطياف مفهوش ليل عشان كد أنا مش بنام ومحدش ف العالم ده بينام 
بصتله ثواني وأنا بحاول استوعب أنا فين 
_ ثواني كد! احنا فين! يعني أنا موجودة دلوقت في عالم العفاريت! 
قعد قصادي وهو بيضحك وعيونه قلبت بني 
_ احنا أطياف مش عفاريت وبعدين مكنش في أي مكان آمن نخرج فيه غير هنا د آخر مكان ممكن حراس الملك يظهروا فيه .. اطمني
كنت لسا هصرخ لقيت في دوشة كتيرة وألوان كتيرة بتظهر في الجو مسك إيدي ب سرعة وشدني وراه وبدأ يهمس ب كلام شبه الكلام اللي همس بيه في شقتي قبل ما ندخل ل العالم ده  
_ خالد فيه ايه!
_ حراس الملك جايين على هنا و...
_ و ايه!
_ عرفوا كل حاجة 
_ اييه!!
حسيت ب نغزة في قلبي أنه ممكن يسبني في أي وقت ويمشي مينفعش يمشي مينفعش مش بعد ما حبيته هيمشي ويسبني مش هسمحله في لحظة لقيت نفسي في شقتي وهو واقف جمبي ب ملامح خاوية 
_ خالد 
بصلي وحسيت ب دموع في عيونه و قال 
_ مش هينفع اسيبك مش هينفع.
بصتله وأنا مش عارفة أعمل ايه ولا أقول ايه ودموعي نزلت ب يأس عيونه قلبت أحمر وطلع منه ضوء أحمر داكن 
وقال ب صوت مخيف قبل ما يختفي 
_ لازم أقابل الملك لازم.
في مكان شبه قاعات القصور في العصر القديم 
صدح صوت الملك ب ڠضب 
_ بشړية!! أحببت بشړية! اختفت