الجزء_السابع_عشر_درة_الغالب كامله

..الدور التاني شقه نمره تمنيه ..تحب اديها مقاس جزمتي يا سياده المقدم
غالب ابتسم وقال...مش شرط معروفه مقاس الأطفال مش بيذيد عن التلاتين
كاظم مردش عليه و مشي پغضب وغالب بقى يبص لطيفه بقرف وقال...كاظم اوي في نفسو.... ايه ده
دره قالت بزعيق..بس بقى كفايه متكررش اسمو تاني..ايه الي مضحكك في الاسم مش فاهمه... مستفز اوي
دره قالت كده ومشيت من قدامو بعصبيه وغالب مشي وراها وهو بينادي..دره .دره استني..درررره..ومسك ايدها وقال...مش بكلمك مين ده ...اتعرفتو ازي تعرفيه من امتى صلا
دره قالت پخنقه..وانت..مالك .انت مالككككك
غالب قال بزعيق .مالي ازاي انتي مراتي و
بس دره قالت پغضب..متزعقش ..انا مش مراتك تمام...حل عني يا غالب وانا فاهمه انا بعمل ايه..احنا بنتعرف بس..وفي مكان عام ..متقلقش مش هبوظ منظرك
غالي قال...ده على اساس اني مش فاهم ايه الي بيحصل في الاماكن العامه ..يمسك ايدك..يعدلك قصتك..يقرصك في ركبتك من تحت التربيزه يرقعك بوسه في عربيتو وهو بيوصلك و
بس دره ضړبتو قلم مفاجأ وقالت...مريض...ومقرف دماغك دي خطړ عليك..هتسمك في يوم ...هتسمك
ووقفت بعيد وبقت توقف تاكس
غالب حط ايده مكان ماضربتو واتنهد وهو بيحاول يسيطر على ڠضبو قرب العربيه عليها وقال..اطلعي يلا 
دره بصت قدامها ومردتش عليه
غالب قال..دره اطلعي بكلمك واتنهد لما ممردتش وقال..لو مطلعتيش هشيلك واطلعك بالعافيه يلا
دره وقفت مكانها ولا كأنها سمعاه وغالب فك الحزام وهو بيقول طيب...متزعليش بقى ...ولسه هيفتح الباب قالت...خلاص..خلاص هطلع وفعلا ركبت معاه وقعدت بضيق
غالب ساق بيها وعلى الطريق بصلها بطرف عينه وقال...واخده بالك من نفسك قوي انهارده
دره قالت قاصده تضايقه..كويس يبقي اكيد عجبتو هو كمان
غالب اتنرفز وقال..اكيد طبعا عجبتيه...ده تلاقيه عمرو ما شاف بنت احلى منك اصلا
دره قالت...امم وانت شوفت
غالب قال قاصد يغيظها....طبعا..وكتير كمان
دره قالت..طب كويس انا على العموم حابه اتجوز واحد يشوفني اجمل بنت في عنيه
غالب قال باستهزاء...مش هتلاقي..مش لان في بنات احلى منك لا لان الرجاله بطبعهم عنيهم مبتتمليش
دره قالت بضيق..ده الرجاله الواطيه الي زيك بس ويلا نزلني وصلنا
غالب وقف العربيه ودره لسه هتنزل..غالب مسك ايدها وقال...دره...متقابلهوش تاني لحد ما نتطلق..لان المره الي جايه مش هيحصل خير ابدا
دره قالت بضيق...حاضر لما اشوف اخرتها معاك كلها يومين بالكتير ونطلق لما اشوف حجتك وقتها بس نطلق..وهعمل خطوبه...وكتب الكتاب بعد العده على طول..ساعتها هبقى معاه كل ساعه وكل دقيقه واشوفك هتمنعني ازاي
غالب حس بڼار جواه لمجرد التفكير في الموضوع وشدها عليه پغضب وقال وهو مركذ في عنيها...عجبك
دره خاڤت من نظراتو وقربو بس قالت..جدا
غالب شدها عليه اكتر قال بغيره شديده...احلى مني
دره بلعت ريقها من قربو وقالت بتوتر...ايوه
غالب قال وهو مركذ في عنيها جامد...هتحبيه زي ما حبتيني
دره ارتبكت ومقدرتش ترد وبقت تبصلو بتوهان بس فافت لنفسها وقالت بعصبيه...ايوه هحبو وهتجوزو وهفضل معاه انا مش نفس البنت الي حبتك انا اتغيرت