قصة ۏفاة خطييتى كامله

فقالت اعملك ايه بقولك مخنوقه وزهقانه وكنت عاوزة اتكلم مع حد ملقتش غيرك امامى اتكلم معاه عشان اخرج من حزنى والملل اللى انا فيه ده وقولت انك انت كمان تلقيك زهقان ووحيد فقولت نونس بعض ايه غلطت وبعدين انا واثقه فى نفسي متخوفنيش منك فقولت لا مټخافيش فقالت هتحكى عن نفسك ولا اقوم امشى فقولت انا سيف عايش مع والدى ووالدتى متعلم معايا مؤهل عالى وعندى مشروع خاص بيا وسكت فقالت ها وبعدين فقولت بس فقالت بس يعنى ايه طب وسايب اسرتك وقاعد هنا ليه فى الوقت ده فقولت موضوع كده مش حابب اتكلم فيه دلوقتى فقالت شكله موضوع عاطفى ايه المزه مزعلاك فقولت عمرها مزعلتنى قالت يعنى فى مزه فعلا متحكى طيب ايه اللى حصل اهو نتسلى ونكسر الملل ده فقولت انا كنت خاطب اجمل وارق بنت فى الدنيا وكنا بنخطط لحياتنا ومستنيين اليوم اللى هتجمعنا فيه غرفه واحده وكنا عايشين اجمل قصة حب لحد ما فى يوم كانت راجعه من عملها بسيارتها عملت حاډثه غريبه توفت فى الحال فقالت غريبه ازاى يعنى فقولت اللى شاف الحاډثه بيقولوا ان فى حد كان راكب سياره وكان بيحاول يرخم عليها ويعاكسها فجنح عليها بالسياره ارتبكت وانحرفت بالسياره عن الطريق وطلعت فوق مرتفع صغير واتقلبت السياره بيها وحصل اللى حصل فقالت طب ومعرفتوش اللى عمل كده فقولت اديهم بيبحثوا عنه بس بيانات السياره اللى الشهود بلغوا بيها ملهاش ملف فى المرور او مش صحيحه مش عارف المهم ان موصلناش لحاجه لحد دلوقتى وبعدين يعنى هو فى حاجه هترجعها تانى ليا ما خلاص راحت وراح حلمى معاها وسكت فقالت طب تفتكر الحاډثه دى مقصوده ولا فعلا حد حاول يعاكسها فقولت مش عارف فقالت هى ليها اعداء او فى مشاكل بنها وبين اى حد فقولت ممكن وسكت فقالت انا اسفه انى فكرتك فقولت هو انا كنت نسيت عشان تفكرينى فقالت طب انا هقوم بقى الوقت اتأخر اوى وليكون عمى صحى وعاوز اى حاجه سلام وقامت مشيت وسابتنى لاحزانى رجعت قفلت عليا ودخلت نمت وتانى يوم وانا جالس فى البرنده لقتها عدت عليا وقالت ايه هتفضل قاعد كده ما تيجى نتمشى شويه على البحر قولت ليها بلاش النهارده مليش مزاج وبعدين انا بجهز اكله وهى دلوقتى على الڼار ايه رايك تيجى تاكلى معايا النهارده فقالت طب انا هنزل المياه شويه وهجيلك يكون خلصت وجهزت فقولت ماشى وفعلا نزلت البحر وشويه رجعت ونادت عليه طلعت قولت ليها ادخلى الباب مفتوح دخلت وراحت جلست فى البرنده وانا جبت الاكل وجلسنه اكلنا مع بعض وشربنا الشاى ورحت فتحت كلام عن خطبتى وقالت كنت بتحبها فقولت ايوة دى كانت دنيتى كلها بس الله يجمحهم ولاد الحړام اللى اتسببه فى مۏتها وحرمونى منها فقالت طب هى محكتش ليك اى حاجه عن مشاكل بتواجهها او اى حد بنها وبينه اى خلاف فقولت ليها مالك كده بتتكلمى كانها مقتوله مش حاډثه فقالت لا عادى من كلامك بس اصل غريبه ان حد يعاكس حد لدرجة ان يقلب سيارته هو ده اللى خلانى اسالك وراحت غيرت الموضوع وقالت على فكره انا كمان كنت مخطوبه قبل كده بس ما طولتش وحسيت اننا مش متفقين ومش مناسبين لبعض فاديته دبلته وقولت له كل شئ نصيب وبعد ما انهت كلامها قالت ما تيجى ننزل نتمشه شويه على البحر قولت ليها بلاش اصل انا مليش مزاج وادينا قاعدين مع بعض فقالت بلاش كسل انت تقريبا ما بتخرجش خالص قوم يالا المهم قومت بعد الحاح منها ودخلت غيرت ملابسي وخرجت معاها وفضلنا بره فتره طويله اتمشينا وودتنى اماكن بتقول انها بتحبها وبعدين رجعنا جلسنا على الشط شويه ورجعت لقيت الشاليه فى حاجه غريبه فى حاجات متحركه من مكنها هى مش ملحوظه اوى بس عشان انا مركز فى الموضوع لحظت وكأن حد كان بيدور على حاجه فيه زاد شكى ان فيه حاجه غريبه والموضوع مش موضوع سرقه لان كان فى حاجات ممكن تتسرق ماتخدش منها حاجه بس ايه الحاجه دى