سكريبت الحب_الاخير #سولييه_نصار
عصام وقال
رايحة فين يا امي
رحاب جايلها عريس النهاردة رايحة أقف معاهم
ايه عريس ...عريس ازاي !هي كانت بتتكلم بجد
اومال بتهزر يعني طبعا بتتكلم جد ...عن اذنك بقا
مسك دراعها وقال
استني يا ست الحبايب انا لابس وجاي أقف جمب بنت خالي
.......
اټصدمت لما لقيت عصام جه مع عمتي ...بصيت لمريم بإرتباك ...ميلت عليا وقالت
بطلي هبل هو مبيحبنيش اصلا
هنشوف .....
دخلت انا ومريم ووقفنا ورا الستارة لما جه حسام ..اتفقنا انه يبوظ الموضوع من اوله ...كنت بدعي من ربنا ان الموضوع يتم ....بس لاحظت ان عصام بيبصله پغضب انا مش فهماه ...
انت بقا عريس الغفلة
قالها عصام بصوت واطي بس سمعه حسام وقال
افندم بتقول ايه
هز حسام كتفه وقعد
بصله والد لميس وقال
فين اهلك يا بني
مجوش يا عمي
ليه
مش موافقين علي بنتك
رفع الأب حواجبه وقال
طيب احكيلي عن نفسك
انا حسام عندي اتنين وتلاتين سنة بشتغل يوم وعشرة لا ومعنديش شقة
صراحتك مبهرة
اومال انت فاكر ايه
انا عندي عادات وحشة خالص
زي
بشرب سجاير
عادي
حشېش
قرب عليه وقال
النوع اللي بتشربه نضيف ولا لا
فاخر يا حمايا فرز اول
عاش يا صهري ...انا موافق نقرأ الفاتحة
ايه
قالها حسام وعصام في نفس الوقت فلطمت انا ومريم ...مريم زقتني وصړخت
خطيبييييييي يا حرامية
الحب_الاخير
سولييه_نصار
استنوا البارت الأخير
الجزء الاخير بقلم سولييه نصارشكرا علي تفاعلكم السكر
جريت مريم ومسكت حسام وزعقت
عايزين تسرقوا خطيبي قرة عيني مني حرام عليكم
حطيت ايدي علي راسي وانا بقول
يالهوي اتفضحت ...اتفضحت منك لله يا مريم ...
ربع ابويا ايده وقال
واخيرا اعترفتوا بغلطكم....وفضيتوا المسرحية السخيفة دي
براحة يا عمي
جايبالي خطيبك يا بت يمثل علينا
وانت ايش عرفك انه خطيبي !!
نعم يا حيلتها !!مش انتي لسه قايلة....بعدين يا ام مخ بطيخ انتي ذات نفسك ورتيني صورة خطوبتك
اه صح
ضحك حسام بتوتر وقال بصوت واطي
يخربيت ابوكم ودتوني في داهية ...
بعدين كمل وقال
عمي حبيب قلبي انا لازم امشي دلوقتي
وكان هيمشي
مسكه بابا وقال
علي فين يا حبيبي
رايح لامي تدورلي على عروسة بدل المعتوهة اللي انا اتدبست فيها دي
اقعد يا حسام لازم نتكلم ....
قعدنا كلنا وقعدت وانا مكسوفة ...حسيت بنظرات عصام عليا بس تجاهلته....كنت متضايقة منه بسببه هو انا دخلت المسرحية السخيفة دي واهو اتفضحت !!
ها مين فيكم هيحكي
بصتله بتعب وقولت
عايز تعرف ايه يا بابا
كل حاجة يا حبيبتي ...كل حاجة ليه عملتي كده يا رحاب ليه لعبتي اللعبة السخيفة دي !
عيوني دمعت وبصيت لعصام وحكيت كل حاجة !!!
........
بعد شوية كنت بمسح دموعي ومريم بتطبطب عليا
جه بابا وقعد جمبي وطبطب عليا وقال
انتي غلطتي يا رحاب ...غلطتي لما كدبتي مفيش مبرر انك تكدبي بالشكل ده
أسفة
