رواية امراه لا تقهر كامله
علي الحاجات الي طلبتها من الكافيه وانا قاعدة مستنياك
اتنهد بضيق وراح علشان يحاسب لقي الشيك اوت ب ٩٠٠جنية
كنت باصة في السما علشان لو بصيت علي الرياكشن بتاعه هفطس ضحك
دفع الشيك وركبت العربية وكان وشه احمر من الڠضب بس متكلمش
يلا يستاهل
قولتله علي المحل الي انا عايزة اروحه وكان محل كبير اوي للعفش وكدة بتاع البيوت
وطبعا مسكتش لغاية كدة انا خليته كمان يشتريلي ميكاب مركات عالمية
كنت راجعة البيت وانا مبسوطة
مازن فلوسي كلها خلصت
للحظة صعب عليا بس ورحمة امه الي ماربته نص دقيقة ماهسكت برضو
هويدا معلش ياحبيبي
هو انا مستاهلش يعني
خليته يرمي عفش الاوضة القديمة ويحط العفش الجديد
كنت مبسوطة اوي بالتغيير الي حصل
استووب نسيت اعرفكم
انا ومازن متجوزين عن حب من ٣سنين
كان الزوج الصالح الي عوضني عن ابويا الي ماټ من وانا طفلة!
امي هي الي ربتني وشالت همي واشتغلت في البيوت علشان تدخلني مدرسة كويسة ومبقاش اقل من حد ابدا
بليل كنت قاعدة قدام التلفزيون باكل فشار وبتفرج علي فيلم ړعب
انا بعشق الافلام الړعب بس بطلت اتفرج عليها علشان مازن مش بيحبها
مازن ماتغيريه ياحبيبتي وهاتيلنا فيلم نتفرج عليه سوا
هويدا ادخل نام يامازن
في اوضة الاطفال
مازن فيه ايه ياهويدا
من الصبح وانتي مشغلاني عندك رايح جاي رايح جاي وهاتلي يامازن ودة يامازن ولو مجبتش ابقي وحش ودلوقتي مش عجبك لما قولتلك غيري الفيلم ولا بتقوليلي كمان روح نام في اوضة الاطفال
لو يعرف الۏجع الي فيا كان ماټ!
قلبي كان پيتحرق من القهرة كل مااعيد نفس المشهد
هويدا انا الي هنام في اوضة الاطفال يامازن
قفلت التلفزيون ودخلت الاوضة وقفلت الباب
قعدت اعيط بصوت مكتوم
كنت نفسي حد يفهمني ويطبطب عليا ويواسيني
في مكان تاني خالص في بيت متواضع كانت قاعدة ست كبيرة وهي ام هويدا وقدامها ليلي وجوزها
بس مكنتيش تعبتي نفسك يابنتي وانتي حامل كدة علشان تزوريني
ليلي ولا يهمك ياخالتي انا كنت بس عايزة اقولك حاجة انا وايمن
سماح قولي يابنتي
ليلي هويدا جاتلي امبارح وقالتلي انها عايزة تبات معايا
مفهمتش طبعا بس وافقت بعد ماشيرت ايمن وخلتها تنام في اوضة الاطفال
سماح وبعدين يابنتي ايه الي حصل
انا اسفة ياخالتي اني قولتلك حاجة زي دي بس لازم توقفيها عند حدها!
يتبع....
الجزء الرابع
صحيت من النوم علي صوته وهو بيكلم حد
كان بيزعق جامد في التليفون
فتحت الباب وخرجت براحة اول ماشافني غير كلامه
مازن طيب ماشي يامحمد سلام انا هقفل
استغربت من طريقته الي اتحولت فاجأة اول ما ظهرت
مازن كنتي عايزة حاجة ياحبيبتي
هويدا كنت عايزة اخد موبايلك اكلم ماما علشان رصيدي خلص
مازن بلاش موبايلي دلوقتي انا هنزل اشحنلك رصيد
انا كدة كدة كنت نازل اصلا
ملحقتش حتي اتكلم وارد لقيته نزل
اتنهدت بضيق ودخلت اوضتي جبت موبايلي ورنيت علي صديق ليا قديم هيساعدني في الحوار دة كله
في ناحية تانية كانت قاعدة سماح پتبكي من امبارح علي بنتها
كانت مقهورة علي بنتها الي قللت من نفسها ياما علشان تعلمها وتوديها مدرسة كويسة ومتبقاش اقل من حد
مكانتش عارفة تعمل ايه
كانت بتتنفس بالعافية لغاية مادخلت في حالة اغماء
راح مازن في الكافيه الي كانوا متفقين عليه
كانت قاعدة مستنياه وهي متوترة من ردة فعله
مازن كنت هتكشف قدام هويدا بسببك!
بتبان قدامه بنت ب فستان بسيط وكعب عالي
زينة انا ميهمنيش هي
انت لازم تتجوزني يامازن!
مازن قلتلك اصبري شويه لغاية مااعرف اخلص من البومة الي عندي دي
زينة بابا هيخليني اتجوز واحد تاني غيرك لو مجتش تتقدم بكرة
ومش هعرف اجيلك ولا انت تروحلي البيت تاني لانهم شكوا فيا بسبب البواب
باس ايدها ب رقة
زينة حاول تتصرف وتجيلي بكرة وتخلص من البومة الي عندك
هز رأسه وهي اخدت شنطتها ومشيت
كنت قاعدة بسمع الكلام دة من موبايلي بعد ماعمر صديقي القديم هكر موبايله من رقمه الي ادتهولوا وخلاني اسمع كل حاجة بتحصل
تعابير وشي متغيرتش كتير
كنت مستنياه يجي علشان اشوفه هيعمل ايه
بس طبعا انا
