رواية حبك حياة كامله من الفصل 11 الي الفصل 20 بقلم سهيله سعيد

فونها وتتصل 
هايدي الو
زين الو 
هايدي عامل ايه 
زين الحمدلله وانتي 
هايدي انا تمام .. بقولك م تيجي عاوزة اشوفك شوية 
زين عملتى الي اتفقنا عليه 
هايدي هيجيلي قريب انا عاوزة اشوفك انت هتيجي ولا ايه 
زين ماشي .. هجيلك 
هايدي هستناك 
نيرة مع مراد قاعدين ف جنينة الڤيلا 
نيرة والله ي مراد صدقني هو بني ادم طيب اوي 
مراد مبقولكيش انه وحش بس حوار مسك ايدي وحضني والجو دة لو اتكرر صدقيني هتبقي انتي الخسرانة اولا هقطعلك رقبتك ساعتها ثانيا هيفكرك سهلة مهو ولا خطب ولا ارى فاتحة 
نيرة لا والله مفيش بينا الكلام دة دة هو محترم جدا معايا بس ممكن عشان يبين ل فرح اد ايه هو بيحبني 
مراد انا حذرتك ي نيرة عشان اقسم بالله المرة الجاية هيكون فيها كلام يزعلك دة لو وقتها اتكلمت معاكي اصلا 
نيرة وهي بتقرب عليه وبتحضنه لا خلاص والله اخر مرة متزعلش 
مراد خلاص مفيش حاجة 
تقرب اوشة 
اوشة هييييي خېانة بتحضنوا بعض ف العراء كدة 
نيرة ههههه عليكي لغة غريبة اوي 
اوشة هبقا اعلمهالك 
نيرة وهي بتقوم ماشي 
تمشي نيرة وتقعد اوشة جنب مراد 
اوشة اتصالحتوا 
مراد اه 
اوشة الحمدلله 
مراد قوليلي صحيح انا اقترحت ع الاوتيل يجيب حماقي او عمرو دياب انتي بتحبي مين فيهم 
اوشة ب اندهاش ايه دة انت هتجيب مغني !!!!
مراد اه 
اوشة ب حماس يبقا شاكوش طبعا 
مراد شاكوش !!!!!! 
اوشة ولو تتم جميلك ويبقا معاه عمر كمال وبنت الجيران بقا وهنولعها 
مراد ب ضحك ههههههخخخهههخخ ي بنتي بقولك حماقي تقوليلي شاكوش وبنت الجيران 
اوشة بيفرفشني والنبي ي مراد والنبي والنبي 
مراد طيب خلاص حاضر هشوف 
اوشة لا اوعدني هتجيبه والنبي 
مراد والله حاضر هبقا اكلم الاوتيل اقوله 
اوشة حبيبي والله حبيبي وابو عيالي وسيد الناس 
مراد طب مفيش حاجة ل ابو عيالك ع كل الي عاوزة يعملهولك دة 
اوشة لما نتجوز هشهيصك 
مراد وهو بيقرب عليها ايه دة بجد 
اوشة وهي بتصده ب ايدها ي شبح اهدى بقول لما نتجوز 
مراد طب م نخلي الخطوبة كتب كتاب انا اقسم بالله اعملها 
اوشة ب خضة ايه حيلك حيلك انت عاوز تجري الشريط ومسمعش انا باقي الاغنية واتدبس فيك بقا 
الحلقة العشرون ٢٠ 
مراد ي ستي هغنيلك ف بيتنا وهدلعك اخر دلع 
اوشة ب توتر بقولك ايه متبصليش كدة عشان انا رهيفة وهضعف  
مراد اضعفي انتي بس وملكيش دعوة 
اوشة ههههيييهههي 
تقرب دينا 
دينا مشاء الله خطيبتك جاية من شقة اداب 
تتحرج اوشة 
مراد نعم يختي م تحترمي نفسك !!
دينا وهي بتقعد قصادهم والله انا محترمة وانت عارف 
مراد ب تريقة لا بلاش انا معلش 
تتحرج دينا تقرب فرح ونيرة 
فرح قوموا قوموا 
مراد في ايه !!!
فرح جدك خد عمامك ومشيوا عشان عندهم اجتماع قوموا نهيص شوية فوق انتوا مش فرحكوا قرب يلا 
يقرب عز تشد فرح ايد اوشة 
عز روحوا وهنحصلكم 
فرح ماشي 
يمشوا البنات ويقعد عز قصاد مراد 
عز مش عاوزك تزعل انا مش قصدي ان ......... 
مراد ولا زعلان ولا حاجة كل واحد حر ف حياته 
عز ي عم انا كنت هقول بس مستنيها تخلص امتحانات 
مراد براحتك بردوا 
عز متكبرهاش بقا قلتلك مش قصدي 
مراد مهو كدة مع البني ادمين خيرا تعمل شړا تلقى 
عز متجمعش طيب انا .......... 
مراد انت بالذات ابن كلب اصلا
عز طيب ي عم تشكر بس انت عارف انك غالي عندي ومقدرش ع زعلك وعارف اني بحبك اكتر من اخويا كمان 
مراد ايوة بالظبط واحد بيحبني اكتر من اخوه كان لازم وقتها اعرف اد ايه انت واطي وهتبيعني ف يوم زيوا 
عز ب ضحك ايه الي انت بتقوله دة 
مراد مش عارف 
يقرب اسلام 
اسلام انتوا بتعملوا ايه هنا فايتكوا نص عمركم قوموا  
مراد في ايه !!
اسلام تعالوا بس 
يطلعوا فوق يلاقوا اوشة واقفة بترقص والبنات واقفين بيسقفوا يتنح مراد والشباب 
لا دي خطېرة بجد خطېرة كل م اشوفها بفضل ف حيرة خدوا الكبيرة دي ف يوم وليلة جت علقتني انا ف ثانيتين .. 
ترقص اوشة وتوطي وترفع نفسها مرة واحدة التوكة تقع من شعرها ويتفرد كله ع ضهرها ووشها يذيد من جمالها .. 
عيني عليها ي عيني عليها أيوة انا عمري م شفت كدة روحوا قوللها مفيش تانى منها اجمل من كل الحلوين جت نويهالي ومرتبالي عرفت خلاص انا اجاب منين .. 
تكمل اوشة رقص ومش واخدة بالها من شعرها تقرب ع مراد تشد ايده وترقص معاه وهو زي العروسة الورق ف ايدها كل الي عليه مبتسم وهيمان فيها والكل عمالين يسقفوا ومنفعلين 
لا ع الهادي ياريت ع الهادي مستحملش بجد كدة حني عليا واهدي شوية بعد جمالك مش شايفين اتوصي بينا ودلعينا دة انا وقلبي مستنيين لا دي خطېرة بجد خطېرة .. 
تخلص الاغنية 
فرح ايه الحلاوة دي يخربيتك 
نيرة انا عايزة اتعلم والنبي والنبي 
اوشة ب احراج ههههههه هعلمك حاضر 
يفوق مراد من هيمانه ويفتكر ان لايرا كان شعرها قصير اوي ازاي ف فترة قصيرة طول كدة !!!! لايرا قاعدة مع سما 
سما م انتي مش لازم يعني تقوليلهم كنتي هربانة مع تيم دة قوليلهم انك كنتي قاعدة عندي كام يوم لحد م تعرفي تفكري كويس 
لايرا انا فعلا فكرت .. لقيت ان مراد كان ارحم من تيم بكتير 
سما هو عمتا الاتنين زفت وتفكيرهم واحد الي هو البنات وبس 
لايرا بس وانا مع مراد رغم انه بتاع بنات وكدة بس عمره م عمل حاجة تضايقني او اتعدى حدوده معايا كانت كل مشكلته ف البنات الكتير الي مصاحبهم والي بالنسباله عادي لو كلمهم وهو معايا !!!
سما والله انتي تعملي زي م ابوكي قالك في فترة خطوبة تعرفي فيها البني ادم بجد كويس ولا لأ .. يمكن لما تبقي خطيبته بجد يصونك 
لايرا يمكن .. مش عارفة ايه الي حصل اكيد اجلوا الخطوبة .. يارب ميكونوش قاللهم اني هربت 
سما المهم دلوقتي انتي لو رجعتي اهلك هياخدوكي بالاحضان ولا هيبقوا شايفينك عار 
لايرا مش عارفة والله .. انا خاېفة اوي 
سما ربنا يستر بقا 
يعدي الوقت مراد واوشة ف العربية واقفين قدام ڤيلتها 
اوشة انا اتبسطت جدا اني اتعرفت ع اهلك 
مراد حبوكي اوي ع فكرة 
اوشة وانا كمان والله ربنا يخليهم 
مراد هو شعرك طول كدة امتى !!
تتخض اوشة وتحط ايدها ع شعرها 
اوشة ب ارتباك اااا لا دة مش شعري 
مراد ب استغراب مش شعرك !!!!
اوشة أأقصد دة اكستنشن مش شعري حقيقي انا شعري اقصر م انت عارف 
مراد اه م انا استغربت !!
اوشة لا لآ مش شعري تغيير يعني 
مراد بس حلو .. ابقي سيبيه يطول كدة 
اوشة انت بتحب الشعر الطويل 
مراد مش الفكرة .. بس حبيته فيكي 
اوشة عنيا
حاضر 
مراد هو انتي عاوزة تدخلي 
تبص اوشة ع باب الڤيلا 
اوشة هتوديني فين 
يبتسم مراد ويشغل العربية ويمشوا يفضلوا يلفوا بالعربية ويتكلموا ويهزروا يوصلوا عند بحر ينزلوا تقلع اوشة جزمتها وتحطها ف العربية وتمشي ع الرمل حافية يمسك ايدها تبصله وتبتسم يبتسملها يدخلوا الشط يقفوا 
اوشة حلو اوي شكل القمر بالليل 
مراد وهو باصصلها اه .. اوي 
تلمحه باصصلها 
اوشة ب احراج ايه مالك 
مراد ماليش 
اوشة بتبصلي كدة ليه !!
مراد وشك مش عاجبني 
اوشة هههههههه 
مراد ب حب اول مرة اعرف ان ضحتك حلوة اوي كدة 
اوشة لا كدة دخلنا ع معاكسة بقا 
يرن فون مراد 
مراد الو 
هايدي الميموري جاهزة 
مراد تمام ابقي عدي عليا ف الشركة بكرة الصبح عشان تاخدي فلوسك 
هايدي ماشي .. مش عوزاك شايل مني 
مراد لا متقلقيش .. عامل احطياطاتي كويس 
يقفل مراد تتنهد هايدي 
مراد لايرا انتي عمرك حبيتي قبل كدة 
اوشة حب ايه ي عم دة موضوع محتاج مجهود وانا مش فاضية ل ۏجع القلب دة 
مراد امممم 
اوشة انت عمرك حبيت 
مراد مرة وماټت ف حاډثة 
اوشة ب حزن ي قلبي 
مراد بس من زمان الكلام دة كنت ف ثانوي .. من وقتها وانا بصاحب لكن مبحبش 
اوشة اتعقدت 
مراد لا مش حكاية كدة .. بس ملقتش الي تخليني اتمسك بيها وانا مطمن انها هتفضل موجودة ومتمشيش 
اوشة يبقا هتفضل طول حياتك لوحدك .. خليك عارف ان كل الناس الي ف حياتنا دول فترات وهيمشوا ربنا بس الي باقيلك ف متتمسكش ب وجود حد وهو زايل 
مراد غريبة انك تقولي كدة واحنا سوا .. انتي ممكن ف يوم تمشي 
تتخض اوشة ومتردش 
مراد لايرا 
اوشة نعم 
مراد انتي ممكن ف يوم تمشي 
تشاورله ب لأ 
اوشة مش همشي 
مراد دة وعد 
اوشة وهي بتحاول تغير الموضوع ايه ي عم الدراما دي م كنا حلوين نكدت علينا ليه كدة 
مراد انا بحبك 
تتصدم اوشة 
اوشة اااااا ......... 
مراد ب استغراب مالك ! 
اوشة ماليش .. بس اتفاجأت 
مراد انتي متضايقة ! 
اوشة لا بالعكس .. فرحانة بس ......... 
مراد بس ايه 
اوشة خاېفة 
مراد مني 
اوشة لأ .. مني انا 
مراد ازاي !!!!
اوشة مش عارفة 
مراد وهو بيحط ايده ع خدها انا بجد بحبك .. والله م هأذيكي مټخافيش 
تبصله وتنزل دموعها يمسحلها 
اوشة طب مش هتسيبني ف يوم مهما حصل مني 
مراد اكيد لأ 
متنسوش اللايك ورأيكم .. 
قصة_حبك_حياة