رواية عمياء وسط الذئاب البارت 24بقلم محمد طه

هتقولك إن الدب ده هوا اللي انقذني

_(وتحضن الدب وتفتكر أبوها وأمها وعنيها تلمع بالدموع) _

بقلم... محمد طه عبد المجيد

_نهله... طب انتي بټعيطي ليه دلوقتي

_نور بدموع... أصل بابا هوه اللي جابلي الدب ده..
في عيد ميلادي.. ف أنا حاسه إن الدب دا..
هوا بابا اللي بيحميني

_نهله... طب خلاص بقى.. أنا مش حابه..
أشوفك وانتي بټعيطي.. يلا بقى احكيلي..
عن أبويا وأمي أنتي مقولتليش حاجه عنهم

_نور تنشف دموعها وهيا حاضنه الدب...
أبوكي كان أبويا التاني ف طيبته وحنيته..
بس الدنيا دي الطيبين اللي فيها.. عمرهم بيكون قصير..

_نهله بدموع... طيب وماما

_نور بحزن... عمتي كانت بتحب باباكي أوي..
لدرجه إنها مقدرتش تتحمل فراقه..
مفيش شهر وراحت ليه..
بعد كده أبويا وأمي ما فرقوش بيني وبينك..
ف أي حاجه.. وأكن ربنا رزقهم ببنتين مش بنت واحده

_(نهله تحاول تخرج هيا ونور من الحزن ده وتسأل نور) _

_نهله... الله يرحمهم.. بس أنا بردو هرجع وأسألك..
إيه حكايه الدب ده.. يبقى إبنك.. ولا الحارس الشخصي..

_نور تتجاهل السؤال.. بقولك إيه يا نهله..
أنا عيزاكي تستعجليلي دخول اللي إسمها هبه دي عندي

_في طرقه المستشفى (سيد وسيده) أو_( أم محمد) _

_سيد وعنيه ف عنيها... عامله ايه يا سيده

_أم محمد بكسوف... الحمد لله

_سيد... مش هتسأليني وانته كمان عامل إيه

_أم محمد تردد كلامه بكسوف... وانته كمان عامل إيه

_سيد يقرب منها شويه... سهران طول الليل أفكر فيكي..
وف جمالك وعنيكي.. أنا بقيت عيان بيكي

_أم محمد بصوت واطي... سلامتك.. إيه اللي انته بتقوله ده

_سيد يقرب منها ويحاول ېلمس إيديها..

_سيد... نفسي تكشفي عليا وتعالجيني

_أم محمد...وأنا مش دكتوره يا سيد

_سيد يقرب منها... إنتي دكتوره قلبي.. إنتي علاجي يا سيده

_أم محمد بتنهيده رومانسيه... إنته عايز مني إيه يا سيد

_سيد بصوت واطي... تعالي ندخل جوه وأنا أقولك..
أنا عايز إيه...

_وبالصدفه الدكتوره تشوف أم محمد..
وهيا واقفه مع سيد ف الطرقه...

_ويتبع.........

_بقلم... محمد طه 🖋️