سكريبت روعه

صدفه 
السلام عليكم اعرفكم بنفسي انا عبد الرحمن عندي عشرين سنة اسمر ومش طويل ولا قصير في كليه تجاره 
قاعد بقلب في الفيس كالعاده وفجأه تجيلي مسدج على الواتس ازيك يا بودي يا حبيب قلبي انا عمتك
الصراحه انا اتفاجأت عملت سين ومردتش على المسدج ورحت اسأل الحاج.
انا بابا هو انا عندي اعمام 
بابا بتسأل ليه يا ابني

انا اصل جاتلي مسدج على الواتس بتقول ازيك يا بودي يا حبيب قلبي انا عمتك
بابا اه يا ابني فعلا انت عندك تلات اعمام وعمه 
انا طب هيا جابت رقمي منين
بابا انا اديتهولها 
انا انت ازاي متقوليش ان انا عندي اعمام 
بابا معلش يا حبيبي اصل هما عايشين في اسكندريه وانا زيك عمري ما شفتهم بكلمهم في الموبايل بس 
انا خلاص حصل خير انا هروح انام عشان عندي جامعه بكره الصبح 
بابا تصبح على خير 
انا وانت من اهله
صحيت الصبح ورحت الجامعه اتخانقت مع الدكتور عشان دخلت وراه وطردني
روحت البيت زعلان اصل مش متعود حد يهزقني.
بابا مالك زعلان لي 
انا اصل اتخانقت مع الدكتور وطردني 
بابا معلش ولا يهمك ادخل غير هدومك وتعالا اتغدى
انا معلش يبابا مش هقدر اكل معاك اصل عايز انام 
بابا براحتك يبني 
دخلت الاوضه رميت نفسي على السرير لقيت مسدج مبعوتالي من عمتي بتقولي ازيك يا حبيبي.
انا ازيك يا عمتي 
عمتي عامل ايه يا واد 
انا الحمد لله يا عمتي
عمتي اعمل حسابك هنيجي عندكم الاسبوع الجاي
انا تشرفينا 
باي عشان عايز انام 
عمتي باي
انا لما قالتلي انها جايه الصراحه زعلت عشان انا شخص انطوائي مش بحب اختلط بحد دا انا حتى معنديش صحاب بس عمتي قصدها ايه لما قالت هنيجي هيا عندها عيال .
الباب بيخبط
انا اتفضل 
بابا اطلع سلم على امك جات من السفر 
فرحت وطلعت جري
انا وحشتيني اوي يا ماما عجبتك السويس ولا ايه
ماما ابدا والله يا حبيبي ستك هي اللي مسكت فيا 
بابا اعملوا حسابكوا اختي جايه هيا وولادها الاسبوع الجاي 
ماما يسلام دا انا نفسي اشوفها من زمان 
انا طب سلام يا جماعه انا داخل انام 
عدى الاسبوع وجه اليوم اللي عمتي جايه فيه
ماما اصحى يا عبدو 
انا سيبيني انام شويه كمان
ماما تنام ايه اصحى عمتك جات هيا وعيالها اطلع سلم عليهم
انا السلام عليكم 
كل اللي قاعدين في الصاله ايه دااااا
يتبع.......
البارت التاني
ماما اصحى يا عبدو 
انا سيبيني انام شويه كمان يا ماما
ماما تنام ايه اصحى عمتك جات هيا وعيالها اطلع سلم عليهم 
انا السلام عليكم 
كل اللي قاعدين في الصاله ايه دا
انا ايه يا يا جماعه مالكم بتبوصولي كدا لي 
ببص لنفسي لقيت نفسي طالعلهم بالشورت والفالنه جريت بسرعه على اوضتي لبست حاجه وطلعتلهم
انا اسف يا جماعه على اللي حصل من شويه 
عمتي ولا يهمك يا حبيبي تعالا سلم عليا 
انا ازيك يا عمتي انتي ليه مجيتيش عندنا قبل كدا 
عمتي معلش يا حبيبي اصل ظروف الشغل هيا اللي حكمت علينا منشوفش بعض والمسافة بيننا بعيده انا قاعده في اسكندريه وابوك عايش في عين شمس 
انا خلاص يا عمتي حصل خير 
يبابا انا نازل 
بابا رايح فين يبني 
انا رايح الجيم
بابا خد تعالا عايزك 
انا فيه ايه يبابا
بابا سيبك من الجيم وخليك قاعد مع عمتك 
انا ماشي يبابا
عمتي انت سلمت على بنت عمتك يا عبد الرحمن 
انا سوري مخدتش بالي
ازيك يا..... انتي اسمك ايه
منى اسمى منى 
انا تشرفنا يا منى 
ماما عبدو انزل فسح منى شويه 
انا تحبي نقعد فين 
منى اي حته
انا يلا نقعد في كافيه 
الجارسون تحب تشرب ايه يا استاذ عبد الرحمن 
انا شوف الانسه تشرب ايه 
منى هاخد زيك 
انا اتنين قهوه مظبوط 
منى قهوة ايه لا طبعا اتنين شاي بلبن 
الجارسون تحت امرك يا فندم 
انا بس انا مش بحب اللبن 
منى هاتحبه عشان خاطري
انا امرك يا ستي
منى كلمني عن نفسك شويه
انا مش بحب اتكلم عن نفسي اتكلمي انتي 
منى انا عندي ١٩ سنه في كليه تجاره جامعه عين شمس 
انا غريبه انتي معايا في الجامعه بس انا مش بشوفك