رواية سلطانة القصر كامله بقلم ايات الرحمن

في قاعه كبيره ومدعوا فيها اكتر من شخص من كبراء البلد وف يوم زفافي علي اكتر شخص حبيته في حياتي واستنيت سنين عشان اكون معاه تدخل ست كبيره تقول وقفوا الزواج دا باطل
سلطانة القصر 1
اعرفكم بنفسي انا مانيسا بنت عاديه من اسره متوسطة الحال والنهارده كان اسعد يوم في حياتي
خلاص هتزوج من اكتر شخص حبيته في حياتي كلها فرحه ماتتوصفش القاعه كلها ناس في منهم اللي فرحان عشانا اوي وفي اللي زعلااان وفي اللي تحسوه بيدبر لمؤامره

رقصنا كتييييير اوي وجه وقت كتب الكتاب وبدءنا نردد مع المأذون واحنا عيونا متعلقه ببعضها
ايوه دا اللي استنيته سنين ومن حقي افرح بيه ومعاه والنهارده الحلم بيتحقق فرحانه اوي فرحه تملي كل الكون
المأذون كان بيتكلم وهو بيردد الكلام لحد مادخلت ست كبيره في السن وقالت
وقفوا الزواج دا الزواج دا باطل الزواج دا ماينفعش فجأه الابتسامه والفرحه اختفت من علي وجوهنا ومن عيونا الكل وقف يسمع ليها
ماينفعش اتنين اخوات يتزوجوا 
ازاي اخوات ازاي مستحيل اصلا مفيش اي رابط بينا غير ان احنا بنحب بعض
كلام كتير بيتقال والدنيا بتلف بيا ماحسيتش بنفسي غير وانا في المستشفي وفي ايدي محلول ودي كانت بدايه بس لكل الص...عب اللي هواجهه في حياتي
النهارده هحكي ليكم حكايتي وانا في بيت غير اللي اتمنيته ومع زوج غير اللي اختارته 
النهارده هحكيلكم حكايه غريبه شويه هي ان حبيت شخص وقالوا ان هو اخويا يوم زواجنا
وكسروا فرحتي ود...مروا كل احلامي وبعد سنين طويله بعد مااتزوجت وهو اتزوج وحياتنا بقيت مع أشخاص عمرنا ماتخيلنا يدخلوها اكتشفنا ان دي كانت لعبه
عشان يفرقونا و نجحوا في كدا فعلا وافترقنا وهو اتزوج وانا كمان اتزوجت بس بعد زواجي بخمس سنين الحقيقه ظهرت وعرفت ان التحاليل كانت مزوره
بس للاسف مكانش ينفع اللي اتكسر يتصلح لهو ينفع يطل...ق ولا انا كمان ينفع اتط...لق لحد مايوم كنت بفتكر ذكراياتي معاه اللي كانت عباره عن حب ف حب لقيت الباب خبط
قومت وانا بتسند علي الحوائط لان كنت تعبانه وقتها واول ما فتحت الباب كانت الصد...مه 
بقلمي أيات الرحمن
سلطانة القصر 2
قومت وانا بتسند علي الحوائط لحد ما وصلت للباب وفتحته وكانت الصد...مه لقيت نفس الست اللي دخلت القاعه وقالت ان زواجي انا ومؤنس باطل هي اللي واقفه علي الباب
اي يا مانيسا مش هتدخليني هفضل واقفه كتير 
لا ازاي اتفضلي معلش انا تعبانه شويه 
عادي ولا يهمك
هدخل اعمل ليكي حاجه تشربيها 
لا مفيش داعي يا مانيسا انا هقول ليكي كلمتين وماشيه علي طول
كنت قاعده بالعافيه معاها مش قادره من كتر الض...رب اللي اخدته قبل زوجي ماينزل شغله
لكن كنت بحاول اتمالك نفسي قدامها انا و رضوان متزوجين من خمس سنين وللاسف رضوان ماعندوش قدره علي الانجاب
لكن بردوا مابير...حمش وبيطلع كل تعبه في ان يضر...بني كإني مش بني ادمه
قولي يا مدام عايزاني في اي
يابنتي انا بقالي 6 سنين ضميري بيعذ...بني ومش عارفه انام وكنت تحت التهد...يد لكن بعد ماخسرت كل حاجه بسببهم لازم اعرفك الحقيقه
حقيقة اي يا مدام مش فاهمه حاجه
حقيقة ان انتي ومؤنس مش اخوات 
ايوه الكلام كان صد...مه لكن ضحكت پهستيريا كبيره وبصيت ليها وقولت 
من كام سنه جيتي يوم زواجي انا ومؤنس وقولتي ان هو باطل والنهارده بتقولي احنا مش اخوات ازاي دا
هحكيلك من كام سنه جيت والدة مؤنس وطلبت مني ادخل القاعه علي اساس ان انا اللي ربيت مؤنس وعارفه كل حاجه عنه وان هو ليه اخت ومفقوده