رواية لن اتخلي عنك كامله بقلم ناهد خالد
كلمتين قولتهم!
_تصدق انا غلطان! هما كلمتين بيتقالوا وخلاص! اهم حاجه انها صدقتني.
_والله ماعرف الهبد الي هبدته ده جبته منين.
_انت مش ليك انك توصلها ان عقلها قرب يطير خلاص بقي انت مالك قولت اي!
_يطير! قوم يابدر امشي.
_ماشي ياعم هستنك بليل عشان نسهر.
_ماشي يا خويا اتكل انت بقي.
جت رنا بعد ما مشي بدر وقالت
_ايوه المهم نبدأ نعمل الي اتفقنا عليه.
_ماشي جبت الدواء
_اه جبته وبدر اقنعها أنه بيقوي الذاكره لكن هو هيخليها تنسي.
_اومال الي القديم كان بيعمل اي
_لا ده مفعوله سريع ولحظي يعني هتنسي حاجات لحظيه بتعملها وتنسي انها عملتها.
_امم ماشي عاوزين نقعد مع بعض شويه براحتنا وكمان نرتب هنعمل اي الفتره الجايه.
_ماشي.
_________بقلم ناهد خالد ____
_فهمت ياسعد
_فهمت يايونس باشا هبقي زي ضله متقلقش.
_لو دخل مطعم يتغدي عاوز اعرف كل أي فاهمني ادق التفاصيل تكون عندي.
_عنيا كل يوم هيوصلك تقرير بكل لحظه في اليوم.
_تمام روح انت.
_بعد اذنك ياباشا.
رجع بضهره يستند علي الكرسي وحط رجل علي رجل وهمس
خبط علي باب مكتبه ودخلت السكرتيره تعرفه ان في واحده عاوزه تقابله.
_أنت!
دخلت بهدوء وهي بتبصله بتوتر
_يونس لو سمحت تسمعني.
_عاوزه أي تاني! انا مش قلتلك تنسي إنك تعرفيني.
_يونس انا عارفه اني غلط بس انا اعترفت بغلطي و..
افتكرت ندي يوم ما ريم راحت لها البيت عشان تسألها علي حقيقة الورق والصور الي معاها..
كانت محاوله فاشله منها وهي رايحه لندي عشان تعرف الحقيقه بعد ما الورق والصور وصلتلها يمكن عشان معندهاش القدره تواجه يونس ويمكن مش مستعده تسمع منه حاجه.
_كويسه.
صوتها كان مليان خوف وقلق خاېفه تكتشف ان الي في ايدها ده هو كل الحقيقه الي غايبه عنها.
_انا جايه اسألك عن حاجه وامشي
_حاجه اي
بايد مرتعشه خرجت الورق وقالت
_الكلام ده مظبوط.
ادعت ندي الصدمه وهي بتشوف الورق والصور وحاولت تظهر انها اتوترت وبصت ل ريم وسكتت.
_مش هقدر ياريم.
_لي
_يونس لو عرف هيبهدلني.
غمضت عنيها بۏجع والحقيقه بقت مفهومه
_يعني صح.
_مين الي جابلك الحاجات دي!
_مش مهم... مش مهم.
رددتها بتوهه وعنيها مليانه دموع...
_طب لي مادام متجوزك عاوزني لي
_عش.. عشان..
_عشان اي يا ندي
_عشان ورثك ياريم.
يونس وقتها كانت حالته الماديه متوسطه وكان عنده مكتب ديكور مش كبير اوي لانه كان لسه بادئ شغل قبل ما يعرف ريم بسنه ووقتها اتقابلوا في شغل لما شافت ديكور كان عامله لفيلة صحبتها وعجبها لكن دلوقتي المكتب كبر وبقي شركه وكمان قدر خلال السنه الي قضاها في لندن يفتح شركه ديكور هناك وجه كان سبب انه ساب مصر كل الفتره دي.
_ورثي!
قامت وهي حاسه بقلبها بقي مېت حته معقول يونس كان بيخدعها وبيمثل عليها الحب!.
رجعت من ذكريتها علي صوت يونس بيقول
_امشي ياندي ولو عاوزه تصلحي حاجه روحي لريم رغم انها وارد متصدقش بس عالاقل هتكوني عملتي حاجه عدله.. امشي.
مشيت بحزن وهي بتتحسر علي انها ضيعت يونس من ايدها مخسرتوش ك حبيب وبس لا حتي ك صديق خسرته.
__________ناهد خالد ________
بعد ٣ أيام
_بتدوري علي أي يا ريم!
_علي السلسه بتاعتي مش لاقياها..
_انهي
_الي بابا كان جايبهالي يا امجد هو في غيرها بلبسها دايما.
_ايوه يا حبيبتي بس أنت اديتهالي امبارح عشان اصلحها بعد ماقفلها اتكسر منك.
بصتله پصدمه وقالت
_أنت بتتكلم جد أنا مش فاكره أن ده حصل.
_معلش يا حبيبتي هتلاقيكي نسيتي عادي بتحصل..
قعدت علي الكرسي وهي مازلت مصدومه هي مش فاكره انها اديتهاله ولا فاكره انها اتكسرت أصلا واضح ان الي كانت خاېفه منه بدأ يحصل.
بصلها وهو شايفها پتنهار تقريبا وافتكر ازاي خد منها السلسله وهي نايمه عشان يوهمها بحقيقه مزيفه تأكد لها إن حالتها بتسوء أكتر...
نزلوا عشان يتغدوا...
_اي ده سمك يارنا أنت عارفه إني مش بحبه.
_ايوه بس حضرتك طلبتيه مني النهاردهو قولتلك انك مش بتاكليه قلتي لا نفسي فيه.
برقت پصدمه وقالت
_أنا!
_ايوه..
هزت راسها برفض وقامت جري علي فوق وكأنها بتهرب من شبح بيطاردها.
بصت رنا ل أمجد وضحكت وهي بتغمزله بعنيها.
قاعده علي السرير عماله تهز في رأسها وهي مش مستوعبه الي بيحصل لها فجأه مسكت التليفون وطلبت رقم... وبعد ثوان قالت باڼهيار
_يونس.. أنا محتاجالك.
يتبع
بارت 6 لن أتخلى عنك من المجموعة القصصيه هل فات الأوان...
_لو كان حد قالي أنك هتكلميني وتطلبي تقابليني كنت قولت ده مچنون.
قالها يونس وهو بيقعد علي الكرسي المقابل لريم في الكافيه الي اتفقوا يتقابلوا فيه..
_ولا أنا كنت هصدق إني ممكن الجألك في يوم بعد خېانتك ليا بس الضرورات تبيح المحذورات يايونس وأنا دلوقتي هنسي أي حاجه حصلت بينا زمان وهلجأ ليونس الشهم الجدع الي أنا متأكده رغم صدمتي فيه إلا أن الصفات دي موجوده عنده فعلا ومكنتش تمثيل.
اتنهد بهدوء وقال
_ماشى ياريم وأنا مش هجادلك
