بابتي لف وهو طالع السلم وبصلها وابتسم - صباح الفل يا وردتي

وبرفانه وسرحتله شعره ورشيتله من برفانه المفضل مظبطاك انا يا سي حمزة بس علي الله يطمر وتفوق بقي ...اممم تبقي اقولك خبر هيفرحك مراد خطب ايوه خطب بس مش انا رفضته في نفس اليوم اللي فتح معاك الموضوع فيه وقولتله ان كل شئ قسمة ونصيب بس ساعتها قولتلك اني عايزاه عشان احړق قلبك زي مانت حړقت قلبي وخطبت بس للاسف انا اللي قلبي اتحرق عليك تاني واهو اديني في دوامه مش عارفه اخرج منها بقالي ٣ شهور بس انا عارفه ان الخبر ده هيفرحك وهتتأكد ان مش لحد غيرك وهتقوملي اكيد مستنياك يا حمزة مستنياك يا حبيبي .
ايام بتفوت وايام بتمر وانا لسه جمبه وهو ولا حاسس بالدنيا لغايه اما الدكتور صدمني وقال احنا اسفين بس مضطرين ان من هنا ل ٤٨ساعة لو مفاقش هنشيل الاجهزة احنا استنينا بدل الشهر ٣
صړخت فيه بكل ماڤيا انت مجنووون تشيل ايه دانا اروح فيكو في داهيه 
اهدي يا انسه بس احنا يأسنا من حالته وده قرار المستشفي بعد اذنك 
مشي وسابني في صډمه وكسرة وبصيت لحمزة وزعقتله بكل ما فيا قوووم انت مستني ايييه مستني اما يشيلو عنك الاجهزة وتسبني لوحدي قولي مستني اييييه انا تعبت 
قعدت في الارض وانا بعيط بعيط عياط بعمري كله خلاص حمزة هيروح مني يعني دول اخر ٤٨ساعة هشوفه فيهم ااااه يا ۏجع قلبي .
عدا اول ٢٤ ساعه ومفيش أي استجابه وففدت الامل وقعدت جمبه احفظ ملامحه في اليوم اللي فاضل فضلت بصاله وانا دموعي نازله ياااه جه اليوم اللي اودع فيه حمزه جه اليوم اللي مش هشوفه تاني بعد كده قلبي في الوقت ده كان پيصرخ وروحي بتنسحب مع كل دقيقة بتعدي وهو زي ماهو 
فاجأه بصوت ضعيف ومټألم ومن غير ما يفتح عيونه قال ايه هو انا حلو للدرجادي عشان قاعدة تتأمليني
اټصدمت جدا واترميت علي الارض جمبه وفضلت اعيط منوقلبي وصوت شهقاتي يعلي انا بعيط من كتر مانا مش مصدقه وفرحانه 
فتح عنيه براحه وبصلي ومسك ايدي وبصوت ضعيف قالي اهدي بس انا جمبك خلاص انا اهو مټخافيش
فضلت اعيط بهستريا وبين شهقاتي العاليه اللي خارجة من قلبي مع قوة العياط قولتله كانو هياخدوك مني يا حمزة كانو هياخدوك من ورد 
شد ايدي رغم تعبه وقربها منه وباسها خلاص يا عمري انا جمبك محدش هيقدر يبعدك عني 
عياطي بدء يقل الي حد ما بس لسه دموعي نازله شلالات اااه يا حمزة انا تعبانه اوي 
رغم تعبه والكسور اللي ماليه جسمه شدني نيمني علي صدره وحضني وده شئ كان كفيل يطمن قلبي ويهدي خۏفي وعياطي اول ما بقيت في حضنه حسيت كأني مغترب كان مسافر سنين واخيرا رجع بلده
ااااه يا راحة قلبي بقربك يا حمزة 
ابتسم حمزة دايما جمبك يا وردتي 
كنت مش عايزه اقوم من حضنه لدرجة اني خاېفه اقوم انده الدكتور واقوله انه فاق واسيبه كنت خاېفه يغمض عينه حتي 
فضلنا كده ونقلو حمزة اوضه عاديه والعيلة كلها اتلمت حواليه والفرحة مش سيعاهم وانا طول الوقت جمبه وماسكه ايده اكنه هيتوه مني 
جت وجه البرص تتطمن عليه وكنت ساعتها انا وهو لوحدنا حمدلله علي سلامتك يا بيبي 
بصتلها بصه افحمتها وبعدين دخل الدكتور وبلغنا بخبر صدمنا صدمة عمرنا للاسف يبشمهندس حمزة الاشعات بتبين انك عندك كسورة جامده في العمود الفقري وده ادي اللي شلل دائم للاسف
كانت اكبر صدمت في حياتي شهقت من الخضه دي وتبتت في ايد حمزة اكتر وانا الدموع بدئت تتجمع في عيني 
بس هو يمكن كان هااادي عكس اي حد يعرف الخبر وده كان قلقني عليه ومخليني متبته في ايده بكل قوتي عشان اطمنو 
بس بعد الدكتور ما خرج لقينا المعزة بتقول بتوتر ا ا ا انا ا ا اسفه يا حمزة عارفه انه مش وقته بس مش هينفع اكمل من كده انت بقيت مسؤليه كبيرة عليا وانا صدقني مش هقدر اتمني ليك حياة تعوض فيها اللي خسرته .
وقلعت الدبله وحطتها في ايده ومشيت فضل ساكت شويه وباصص للدبله قولتله حمزة 
بصلي قولتله انا جمبك وهفضل جمبك حتي لو السما اتطبقت علي الارض 
ليه هتكملي جمبي 
بكسوف امممم