قصة السر الكبير كامله

انا حياتي اتقلبت النهارده لما ماما وهي بټموت صارحتني ب سر خطېر محدش يعرف عنه حاجه غيرها ....
انا اسمي آية وعندي ٣٠ سنة مطلقة بعد جوازي ب ٩ سنين بس ربنا مأردش اني اخلف ....
والدي مټوفي وعايشة مع والدتي المړيضة واخويا يوسف اصغر مني ب ٣ سنين بيشتغل وبيصرف علينا وانا بخدم امي وبعمل الاكل وشوف البيت 

مقدرتش انزل اشتغل عشان مش هينفع انزل واسيب ماما لوحدها ....
بداية تعبها بعد ۏفاة بابا ب سنة ابتدي يجيلها صداع مستمر لحد ما راحت لدكتور وطلب اشاعة وتحاليل واتشخصت ب مرض الکانسر وبدأنا علاجنا الكيماوي لكن للاسف الکانسر انتشر في كل جسمها وبقت ملازمه الفراش راضية ب قضاء ربنا وعارفه انها قربت ټموت ....
اخويا يوسف بيشتغل شغلنتين عشان يقدر علي مصاريف العلاج وحتي مبيلحقش ينام ....
كان بيحب واحدة وراح خطبها لكن هي سابته وقالتله انا مش هفضل مستنياك كل ده وانت كل فلوسك صارفها علي اهلك
قرر انه مش هيعلق نفسه ب حد تاني وهيعيش لينا وبس وكل فلوسة بيصرفها علي علاج ماما والباقي بنجيب بيه اكل 
ماما ربتنا علي تحمل المسؤلية من صغرنا وانا واخويا قريبين من بعض ومبنخبيش حاجه علي بعض لما بيبقي متدايق في شغله بيجي يحكيلي وبخفف عنه ....
اليوم الي حصلت فيه الکاړثة ماما الصبح كانت تعبانه اوي و يوسف فالشغل ....
نادت عليا 
 ياآية...
نعم ياماما اجبلك حاجه
 لا يابنتي تعالي اقعدي جنبي انا عاوزه اتكلم معاكي شوية....
خير ياماما...
 انا يابنتي في حاجه شيلاها في قلبي وخنقاني اسمعيني ومتقاطعنيش فالكلام انا خلاص يا آية بمۏت ومش هرتاح غير لما تسمعي مني الكلام ده لعل ان ربنا يسامحني ....
من ٢٨ سنة كنتي انتي معايا مالية عليا حياتي ابوكي الله يسامحه مامتة قعدت تزن عليه اني احمل تاني بحجه انها عوزاني اجيب الولد الي هيشيل اسم العيلة ...
طب وايه المشكلة مانتي جبتي يوسف
 يابنتي اسمعيني ومتقاطعنيش فلكلام....
خليني اعرف اقولك الكلمتين الي حطاهم في قلبي من سنين وساكته ....
كتابات ل ghada saeed
حملت وعدا اول شهر ورحت للدكتور وطمني علي حملي لحد الشهر الرابع الي رحت فيه للدكتور وسألته انا حامل في ولد ولا بنت وقالي
 الحقيقة مش باين حامل في ايه بس كده يبقي احتمال بنت...
حكيت لابوكي ومتوقعتش رد فعله لقيته بيزعق فيا جامد وبيكسر البيت وحامل في بنت ازاي انا عاوز الولد وانا مكنش ليا ذنب بس انا هديته وقولتله هغير الدكتور وممكن يكون كلامه غلط بلاش تتسرع ....
تاني يوم رحت لدكتور تاني لكن اول ماحط السونار علي بطني اكدلي انها بنت سيبته ومشيت وانا مش عارفه اقول لابوكي ايه الي قاعد مستنيني ومستني اقوله اني هجيبله الولد ...
 ماما انا بصراحه مش فاهمه ولا كلمه
سيبيني اكمل كلامي الاول....
روحت البيت لقيت ابوكي قاعد مستنيني وعينه بتطق شرار
 ها عملتي ايه
انا طلعت حامل في ولد والدكتور كان غلطان
 بجد انا مش مصدق نفسي اخيرا هتجيبيلي الولد الي نفسي فيه ...
اضطريت اكذب عليه عشان بيتي ميتخربش ....
انا بحكيلك الكلام ده عشان تدوري علي اختك...
اختي!!!!! اخت مين...
يتبع
بارت

هكملك يابنتي اسمعيني كويس الشيطان غواني وخلاني اتفقت مع الممرضه الي بتشتغل عند الدكتور الي ولدت عنده 
دكتور محمد عباس انتي عرفاه اديتها اسورة دهب غالية جدا كانت عندي وقولت لابوكي انها وقعت مني في مقابل انها تظبطلي معاد ولادتي مع ميعاد ولاده واحدة حامل في ولد