رواية قربان الجن كامله
نفسها من البلكونة كده لاء انا مش هروح لحد تانى انا ماليش دعوة باللى انتم خليتونى اعمله ده
انا فكرت انى هساعد الناس بس لكن ازاى اعمل كده اموت الناس لا لا مش هعمل كده تانى وبتعيط
الجنية ..انتى مش من حقك تقولى بتعملى ايه ومش هتعملى ايه
الاعمال اللى كانت فى بطن الساحر مش كلها خير كان فيها شړ واذى واحنا مطلوب مننا تنفيذها
دى خوفتها وكانت عمال تشوكها فى ضهرها ليه كده ليه ټموت البنت بدل ما تتمنى انها يكون عندها اولاد
الجنيه...بليل هتعرفى ليه وخليكي فاكرة مش من حقك ترفضى انك توصلي الرسالة
الاستاذ..روحتى يانغم للحكيمة
نغم..ملقيتهاش فى الاوضة يا استاذ
الاستاذ..طيب انتى معيطة ليه
نغم..عنيا بتوجعنى ومش عايزة اغمضها تانى
الاستاذ..ليه كده طيب من ايه انتى كنتى كويسة
نغم..كل ما بغمض عنيا بتوجعنى وبتتكلم نغم وهى خاېفة تشوف منظر رنا قدامها وكانت بتتمنى فعلا ان عنيها متتقفلش
نغم.. قعدت مكانها مستنية ترجع البيت ومستنية الليل ييجى فى نفس اللحظة علشان تعرف ليه حسنا عملت كده
خلصت الحصة وكانت نغم بتحاول متطرفش عنيها لكن للاسف ده طبيعى وغير ارادى وكل مابتطرف عنيها بتشوف اللى بتشوفه كل مرة وكل ما بتوصل لحسنا بتشوف اد ايه هى فرحانة بمۏت الطفلة وازاى هى شمتانة فى امها وابوها اللى هيموتوا ورا بنتهم
نزلت من فصلها وقابلت اخواتها ومشيت معاهم لكن مش سمعاهم
دخلت البيت وامهم زى كل يوم بتفرح برجوعهم للبيت
سلموا الاولاد على امهم ودخلو اوضتهم يغيروا هدومهم وفضلت نغم واقفة قدام مامتها
الام..مالك يانغم
نغم..ماما انا مش عايزة اروح المدرسة بكرة
نغم بتفكر تحكي لأمها وفجاءة جالها صوت الجنية وهى بتقولها متحكيش علشان متتأذيش
افتكرت رنا وغيرت تفكيرها ..لا يا ماما عنيا كانت وجعانى اوى النهاردة معلش خلينى بكرة ارتاح واوعدك انى هذاكر اليوم كله بس خلينى بكرة فى البيت
الام..بعد الشړ عنك ياحبيبتى ..خلاص ارتاحى دلوقتى ولو الصبح لقيتى عينك لسة وجعاكى خليكي اجازة ونروح للدكتور نشوف عينك مالها
الام..ادخلى ياحبيبتى ارتاحى
دخلت نغم اوضتها وهى خاېفه تغمض عنيها تانى وابتديت تتكلم بصوت واطى
لا انا عايزة اعرف ايه اللى حصل انا مش هعرف استنى لحد بليل
انا مش قادرة اشوف حسنا دى مش قادرة اغمض عينى بسببها
جالها صوت جنيتها ..يانغم مش ده الوقت اللى المفروض تعرفى فيه
ميعادك بليل خليكى زى كل يوم يانغم متحسسيش حد بحاجة
نغم..مش قادرة المنظر من بيروح من دماغى انا خاېفة عمالة اشوف شكل البنت وهى بتقع من البلكونة وهى واقعة مرمية على الارض مېتة
الجنية ..ماهو انتى لو حسستى حد او حكيتى لحد اللى بيحصل معاكى
هتبقى زيها كده
نغم بدموع ..انا عملت ايه بس علشان يحصل فيا كل ده انا مالى ب الناس ومالى بالحاجات الۏحشة دى كلها
غيرت نغم هدومها ونامت على سريرها خاېفة تغمض عنيها
لكن ڠصب عنها نامت
علشان تشوف حاجة تخليها صاحية هادية شواية
شافت الراجل اللى راحتله علشان يتنقل من بيته وهو فرحان وطاير من الفرحة لما عرف ان مراته حامل
فى الحلم كانت نغم حاسة انها واقفة جوة بيتهم
وعايشة الفرحة معاه ومع مراته وهو بيقول معقول حامل بعد السنين دى
حامل وهنا فى البيت اللى كنت سايبه و هاجره
حامل واحنا لسه مبقاش لينا اسبوع واصلين هنا
بقى معقول كان العيب فى عتبة بيتى اللى بنيته بشقايا وفلوس شغلى السنين اللى فاتت دى كلها
مش مهم المهم دلوقتى انى هخلف ويكون عندى عيال
وكانت الفرحة فى بيت الراجل ده محسسة نغم انها هى اللى هيجيلها اخ او اخت او هى السبب فى ان مرات الراجل ده تكون حامل وده خلاها تصحى من النوم مبسوطة وناسية موضوع رنا
قامت من سريرها وخرجت لقيت اخواتها اتغدوا وكمان خلصوا اللى وراهم ونامو وكانت مامتها قاعدة مع باباها بيتكلمو
الاب..ايه يانغم عاملة ايه دلوقتى ياحبيبتى ماما قالتلى ان عينك وجعاكي
نغم افتكرت رنا..لاء يابابا انا بقيت احسن دلوقتى
ماما قالتلى لو بكرة فضلت تعبانة هتودينى للدكتور
الام..طيب ياحبيبة ماما انتى لسه حاسة بۏجع فى عنيكي
نغم ..شوية ياماما..انا بس جوعت صحيت اكل واكمل نوم
الاب..طيب يا ام نغم حضريلها تاكل وبكرة نروح للدكتور احسن تكونى محتاجة نضارة
نغم..حاضر يابابا
حضرت الام لنغم الغدا بتاعها وفعلا اكلت وغسلت ايديها واسنانها ودخلت سريرها تانى بتتمنى تعرف ايه حكاية رنا وحسنا من قبل ما تغمض عنيها حتى
طفيت نغم كل الانوار اللى فى اوضتها هى اتعودت على الضلمة وبقيت بتحبها برغم انها لسه
