رواية قربان الجن كامله

خاېفة على ابوكى وحاسه ان ابو عزام واللى معاه مش هيسيبوه فى حاله 
فاتت فترة الحداد وخدت بعضى وروحت لابو عزام بيته وطلبت انى اتكلم معاه لوحدنا 
قابلتنى مراته ورحبت بيا وضايفتنى وسابتنا قاعدين لوحدنا 
الجدة ..شوف يا ابو عزام انا عرفت كل اللى حصل وحق ابنى مش هيروح هدر انا هبلغ عنك وعن الدجال اللى معاك ومش هسيبكم فى حالكم 
ومش هرتاح غير لما اعرف انكم اسجنتو
ابو عزام..ايه يا ام عاشور اللى بتقوليه ده انتى علشان فى بيتى مينفعش اقولك كلام يضايقك انتى برضه فى سن امى 
الجدة ..امك ايه انت خليت فيه امك ولا ابوك انت ضيعت مني ابنى والتانى ماشي معمي على عينه بسببكم والطمع كل قلبه 
ابو عزام..شوفي يا ام عشور انا مضيعتش حد انتى ابنك اللى هو ومراته كان جواهم بذرة الطمع وده شافه فيهم الدجال اللى بتقولى عليه 
وبشوية التعاويذ اللى حافظهم عرف يسلط على كل واحد فيهم قرينه بقى بيخلى اللى ينفذ اللى هوا عايزه القرين لا ابنك ولا مراته 
حتى ابنك ميعرفش ايه اللى بيدور ولا ايه اللى بيحصل 
حتى يوم الحاډثة اللى حصلت لأبنك دى مكانتش فى الحسبان 
اللى حصل اننا روحنا لعاشور البيت علشان زى كل مرة نشحنه على اخوه 
لكن المرة دى شوفنا بنت ابنك 
وعرف وقتها الدجال ان البنت دى هتكون هى المفتاح بتاع المقپرة دى 
قال البنت دى زهورية وهتريحنا من العڈاب اللى هنشوفه فى الفتح وهتسهل علينا امور كتير 
احنا كده مش محتاجين موافقة حد منهم احنا محتاجين نخلص من عاشور واخوه وساعتها كله هيبقى سهل واسهل من اللى كنت مخططله كمان 
قعد الدجال يقول تعاويذ قدام عاشور ومراته لحد ما خرج عاشور من البيت وكأنه نايم وبيتحرك بغير رغبته 
وفى الوقت اللى حصلت الحاډثة جه هاتف للدجال وبلغه باللى دار 
وهنا قاللى يلا بينا خلصنا اول مهمة 
لكن مكانش عارف ان عاشور مش هيتمسك ولا هيبقى في دليل عليه ولا كنا عارفين انك موجودة فى البيت علشان تنقذى انور وتدارى على عاشور 
وطبعا مماتش انور وقتها وعاشور متحبسش والبيت مفضاش خالص من وقتها 
لكن انا عايز اقولك حاجة بيا من غيرى الدجال ده هيفتح المقپرة وزى ما عرف يكون سبب فى اللى حصل بين انور وعاشور لسه هيكون سبب فى اللى هيحصل لعاشور علشان يطول بنته مفتاح الكنز دى وبعدين هو محاوط البيت ده يعنى لا هيتباع ولا حد تانى هيعرف يعيش فيه الا لو اللى فك التحويطة دجال اشر منه
كملت الجدة لنغم
عارفة يا نغم كنت خارجة من بيتهم معمية 
مش شايفة قدام رجلى 
كان عندى غويشتين دهب حلوين لقيت نفسى بصيتلهم وفكرت فكرة عمرها ماكانت تيجى على بالى 
لقيت نفسي رايحة على بيت واحد فى البلد معروف عنه انه مچرم وقتال قتلة
كان لما حد بيكون له حق عند حد ومش عارف يجيبه كان بيلجأ للراجل ده ولأنه مچرم والناس پتخاف منه كانوا بيضطروا يرجعوله الحقوق اللى واكلينها وكان بياخد نص اللى رجع ده ماهو بالنسبة لصاحب الحق يعتبر كان ضايع وهو ساعده فى انه ياخد حتى جزء منه فمن حق البلطجى ده انه ياخد حقه ماهى دى شغلته 
روحتله وطلبت منه يخلصنى من ابو عزام والدجال يانغم 
محكيتش له حاجة عن اللى دار لكن قولتله ان الاتنين دول هما اللى ضربوا انور ابنى وهما السبب فى مۏته
ولأنه ميهمهوش حاجة غير الفلوس متكلمش غير فيها 
قلعت غويشة من غوايشى ولما شافها عينه طلعت عليها 
لكن انا قولتله مش دى بس حقك خلصنى من الاتنين وليك واحدة تانية زيها بالظبط 
ولو كان معاية زيادة مش هتأخر 
وفى نفس الليلة يا نغم نفس الليلة جالى بيت عمك انور وقاللى انه خلص عليهم 
وخد غويشته التانية وانكفى على الخبر ماجور 
لكن دى كانت اخر ليلة ليا وكأنى كنت مستنية انى اخد تار انور و محبيتش اموت غير وانا مطمنه ان محدش تانى هيتعرض لأبوكى 
نغم...يعنى الدجال ماټ ياتيتة وابو عزام
انتى عارفة ان ام عزام هى اللى جابت لنا الشيخ مهران 
الجدة ..ما هى دى رسالتى ليكي يا نغم
ام عزام عارفة اللى فى بطن البيت 
اللى ابوكى وامك نسوه ومحاولوش يجيبوا سيرته معرفش هما سكتوا علشان رجعوا لطبيعتهم ولسماحة نيتهم ولا علشان خافوا من اللى حصل لعمك وقالوا مۏت الدجال وابو عزام لعڼة بسبب اللى كانوا عايزين يعملوه 
ولما جابت مهران كانت جيباه علشان يعرف يوصلك وهو فعلا وصلك وشاف انك تعرفي توصلى للى مش بيعرف يوصل له وفعلا انتى وصلتى لأبوه اللى كانت كل الاعمال معمولة وطلعت من جوفه لما روحتى قپره 
مكانش يعرف مهران ان فى وسط الاعمال دى التحويطة اللى اتعملت على بيت عمك انور 
ودى كانت اول حاجة اتحلت ان البيت جاله مشترى واتباع 
كان مهران عايز يشوف قدرتك على التنفيذ وهتوصلي لأيه مع اللى محاوطينك 
وصلتى رسايلك لكن الجن اللى معاكى هيحافظوا عليكى مش هيأذوكى طول م انتى حافظة سرهم 
رسالتك اللى هتعمليها يانغم