رواية انا والشيطانه بقلم ياسر عوده كامله

السكه تحكيلى يا شيماء على اللى حصل .
فعلا عماد سند سعد وركبه عربيته وساق عماد العربيه وراحت شيماء معاهم طبعا وحكت لعماد اللى شفته بنفسها .
وصل عماد للمستشفى وطلب مسعفين يدخلوا معاه سعد وشيماء .
سعد اتجبس ايده ورجليه ومعظم جسمه اتلف بالشاش واربطه الضغط .
اما شيماء فكانت اصابتها اخف من سعد شويه .
عماد رجع سعد وشيماء لپتهم بس الوقت كان الصبح وبعد كده روح عماد لبيت سعاد اللى كانت نايمه مع ابنها فى اوضته .
بس محتاجين نرجع لليله اللى فاتت نشوف الحوار اللى حصل بين احمد وسعاد واللى دار بنهم فى العربيه وهما مروحين .
سعاد قولى يا احمد ايه اللى حصل لعمتك وجوزها .
احمد مش عارف يا ماما .
سعاد يعنى ايه مش عارف هو انت مش كنت قاعد معاهم فى الشقه 
احمد انا كنت مع عمو سعد فى الاوضه وبعدين معرفش حصل ايه وفجأه لقيته هو وعمتو شيماء مضروبين ومتعورين .
سعاد مش فهمه حاجه احنا نروح ولما يجى عماد يفهمنا .
ده كان الحوار اللى حصل بين سعاد واحمد وروحوا وناموا زى ما حكينا .
عماد مصحاش سعاد ودخل ينام ولما يصحى يبقى يشوف هيعمل ايه مع سعاد وابنها .
يمكن عماد كان فاكر انه هيتصرف بشكل حازم وقوى مع احمد المرادى مهو الموضوع ميستحملش اكتر من كده دى فرصه كويسه اوى علشان يخلص منه للابد بس عماد مكنش يعرف ان فى حاجه تانيه هتحصله زى اللى حصل مع شيماء وجوزها ويمكن اسوء من اللى حصل مع الاتنين .
طبعا عماد راح فى النوم بعد فتره قصيره مهو معظم الليل صاحى والنهار طلع وهو من ساعه لما صحى على صوت تليفون شيماء منمش فنومه كان تقيل شويه ولو روحنا لاوضه احمد اللى كان نايم فى حضڼ امه سعاد واللى كانت نايمه بعمق هى كمان وقربتم معايا من الاتنين واحمد اللى وشه زى الملاك وهو نايم ونركز معاه شويه هنتفاجيء ان عيونه الاتنين فتحت بشكل مفاجيء ومخيف سعاد كانت حطه ايديها على ابنها واحمد شال ايديها بهدوء وقام من على السرير وكانت ملامحه حاده وتخوف وخرج احمد من الاوضه بكل هدوء واتوجه الى المطبخ وفتح درج فى المطبخ كان فيه لزق وحبل وخد الاتنين وخرج من المطبخ وبكل هدوءدخل الاوضه اللى نايم فيها عماد .
فتح احمد باب الاوضه ودخل وقفل الباب وراه ووقف لمده كام ثانيه يبص لعماد اللى كان نايم ومش حاسس بالخطړ اللى قرب منه .
دخل احمد واول حاجه عملها انه كتف عماد بالحبل وهو نايم ومش حاسس وحط لزق على بوقه وبعديها قعد احمد فوق عماد اللى ابتدى يفوق علشان يلاقى احمد قاعد فوقيه .
اتفزع عماد من المنظر اللى شافه انخض وحاول يقوم بس مقدرش يقوم مهو متكتف بالحبل حاول يتكلم عما ويزعق معرفش مهو محطوط لزق على بوقه بصراحه عماد كان فى موقف لا يحسد عليه خالص .
احمد اسوء كائن ربنا خلقه هو الانسان لما بيكون قوى وقدامه واحد تانى ضعيف بتجبر عليه وميهمهوش ان كان هيستحمل ولا لاء زى ما انت عملت مع طفل صغير علشان كده انا مستمتعه اوى باللى هعمله فيك وعوزاك تطمأن على الاخر انا قلبى مايعرفش حاجه اسمها رحمه يعنى مش هتفلت من ايدى .
عماد كان سامع احمد وهو بيتكلم بس طبعا كان اللى بيتكلم مش احمد دى نيار .
اول حاجه عملها احمد انه جاب مخده وحطها على وش عماد وفضل يضغط بالمخده عليه .
عماد مكنش قادر يتنفس حاول يقاوم بس مفيش فيده حاول يتحرك علشان يبعد احمد يوقعه من فوقيه بس مقدرش احمد كان قوى بشكل غريب .
مع مرور بضعه ثوانى ابتدى عماد يحس انه فعلا ھيموت مبقاش فى اكسجين خلاص ومقومته ابتدت تقل اكتر واكتر وابتدت قوته تضعف اكتر واكتر وبعد كام ثانيه كمان خلاص عماد مبقاش قادر واستسلم للامر الواقع واستسلم عن المقاومه وشعر كان روحه هتسيب حسمه وفى اللحظه ديه رفع احمد المخده من على عماد ولما رجع الاكسجين والتنفس كان عماد بيتنفس بشكل يخوف وكانه بيحاول ياخد اخر نفس فى حياته .
عيون عماد بتبكى من اللى حس بيه وشافه وكان نفسه يتوسل لاحمد علشان يرحمه ويسيبه يعيش .
لا تنسى ذكر الله .
يتبع ............

انا والشيطانه الجزء السادس 
اذكر الله وصلى على الحبيب وادعوا لاخوانكم بفلسطين والسودان .
كرر احمد اللى عمله فى عماد اكتر من مره وكل مره عماد كان خلاص ھيموت بس احمد قبليها يسيبه يتنفس .
بعد كام مره من اللى حصل احمد ضړب عماد على راسه ضربه افقدت عماد توازنه واغمى عليه .
مر ساعتين تقريبا وفاق عماد لوحده بس لما فاق كان نايم على سريره ومفهوش حاجه طبعا حاسس بۏجع الضړب اللى انضربه بس كان مش متكتف ومفيش حد فى