رواية عشق صعيدي كامله
انت في الصفحة 1 من 5 صفحات
لا يا بابى مش هسافر الصعيد يعنى مش هسافر
انتى بتكسري كلامي يا كارما
لا يا بابى مقدرش بس انا مش عايزة اسافر الصعيد انا معرفش فيها حد وعمرى ما روحتها ومش بحبها
يابنتى لازم تعرفى اهلك جدك وولاد وبنات عمك دول عزوتك
يابابى دول فلاحين خالص وانا مقدرش اسيب القاهرة وكمان اسيب صحابى
صحابك اه الشله البايظه الى انتى ملمومه عليها والى غيروكى 180 درجه صح وخلوكى تغيرى طريقة لبسك وتبطلى تصلى
علشان كدا يا حبيبتى لازم نسافر
قولت لا يعنى لا
بعد اسبوع كنا فى العربيه ومسافرين الصعيد بابى اصر انى اسافر وحاولت كتير اوى ارفض ومعرفتش انا كارما عندى 20 سنه فى كلية طب بيطرى انا متفوقه جدا وذكيه وطول عمرى لوحدى كبرت وانا مش بعمل حاجه غير انى بذاكر انا شخصيه انطوائيه شويه لازم الى يدخل حياتى يقتحمها لازم يقتحم قلبى وعقلى لازم يبقى جزء منى ولو معملش كدا عمره ما هيدخل حياتى هو انا كدا ومش اى حد ممكن يتعامل مع طبعى واسلوبى بس ڠصب عنى واحده طول عمرها كانت لوحدها ازاى هتبقى اجتماعيه بين يوم وليله انا اعرف ان الصعايده صعبين اوى ودماغهم ناشفه وانا خاېفه لا انا مړعوبه عيلة بابا اكبر عيله فى الصعيد وجدى كبير العيله انا عمرى ما شوفته بس بابا كان دايما يقولى انه طيب اوى يارب يبقى كدا فعلا انا عندى عم واحد وعنده ولدين وتلات بنات مش عارفه هتعامل ازاى بس بتمنى الايام دى تخلص بسرعه علشان ارجع بسرعه القاهرة
ولدى محمد اتوحشتك جوى جوى يا ولدى
وانا اتوحشتك جوى يا امى كيفك يا بوي
_ زين يا ولدى لما شوفتك
تسلم يا بوي...تعالى يا كارما تعالى يا حبيبتى
_ تعالى فى حضڼ جدك يا غاليه يا بنت الغالى...تعالى يا زهرة عيلتنا كلها
_ زين يا بتى
ازيك يا تيته
تعالى فى حضنى يابتى بسم الله ما شاء الله سبحان من خلق وصور فلقة جمر
ربنا يخليكى ليا يا تيته
كارما قولى يا ستى
سيبها يا ولدى تيته منها حلوة جوى قولى اللى انتى عيزاه يا غاليه
حبيبتى يا تيته انتى طيبه اوى انتى وجدو
اتعرفت عليهم هما تلات بنات صفيه ونورا وحسناء بس هما طيبين اوى وقعدنا نتكلم ونهزر ونضحك كتير اول مرة احس انى ليا عيله شعور حلو اوى انك يبقى عندك عيله بتحبك كدا
_ تعالى يا كارما افرجك على الجنينه
احنا ورانا طبيخ مع امى...روحى انتى يا كارما وهنيجى وراكى
اوكى اشوفكم برا بقى
خرجت فعلا كنت عايزة اتمشى كانت الجنينه جميله اوى وفيها ورد جورى وياسمين ايه دا ! وفيها ورد بنفسجى انا بعشق الورد البنفسجى كنت مبسوطه اوى و عايزة اقطف وردة من الشجرة بس فى صوت خلانى اثبت مكانى
انتى مين
الټفت وانا مړعوبه صوته قوى وشديد..انا كارما
انتى بنت عمى محمد...و ايه
