رواية العنيد والمغروره كامله

 ماشي يا زين
بص فالورق واتكلم ببرود اسمي المهندس زين واتفضلي بره خلصت كلامي
خبط على مكتبه عشان ينتبهلي
وانا اسمي الدكتورة ليلي فاهم
بصلي بأبتسامه صفرا و اية ياعني دكتورة ريحي كدا بدور الاسترونج وومن ده شوية بدل ما اديكي فصل من الجامعه كلها 
ت... اية ! تديني فصل طيب
خرجت بره ورزعت الباب ورايا وفضلت واقفه اتتفس بسرعه هوا فاكر 
نفسه عميد الكليه بجد ولا اية!!
اها عميد الكليه بجد
لفيت وبصتله بشړ في اية 
لسانك ده عايز قطعه
وانت غرورك ده هيوقعك على دماغك ويخليها تتكسر خمسين حته
مسك ايدي وحط فيها الموبايل الى نسيته ودخل و قفل الباب فوشي

طب ماشي والله لوريك يا زين هوا انا عشان بحبك هستحمل غرورك ده متغور في ستين.. لا ستين كتير خليها داهيه واحده عشان اعرف اللمه منها يوه هو ده وقته
رجعت البيت وانا متغاظه وجدو سألني في اية مقلتلوش عالي حصل من زين ابن عمي خالص ولا حتي قولتله انه زعقلي وافترا عليا وعاملني وحش تؤ تؤ اطلاقا ..
خد هنا يا زين 
قفل الباب وكان متجه للسلم بسرعه وهوا بيتكلم خير يا جدو هعمل ال.. اية ده
رجع بخطواته تاني لما لاحظ وجودي
هيا الهانم هنا تبقي قالتلك! وعملت مظلومه
ازاي تطلبها في مكتبك قدام الطلبه كدا 
فيها اية! هوا الى بيروح مكتب العميد سمعته بتبوظ
الطريقه الى بتكلمها بيها
عشان فاشلة ومش بتحترم مواعيدها ومتأخره نص ساعه بحالها هيا الطلبه هتقعد تستني سيادتها
برقت بعيني پصدمه من كتر بجاحته اها يالي مشفتش بربع جنيه احترام ولا ذوق!!
قرب وعينه ثبتت عليا بتحدي انتي ازاي تتكلمي كدا يا بتاعه انتي
جدو وقف بينا ورفع ايده يبعد زين مسافه بسسسس ! اييييه غجر!! صوتك ميعلاش وانا موجود وانتي يا ليلي قولنا هنتكلم براحه 
اتفضلوا اقعدوا !
قعدنا قصاد بعض عالركنه وجدوا فالنص بينا
هو انا اخليك تمسك ادارة الجامعه شوية تحصل كل المشاكل دي
بص يا جدو حضرتك عارف كويس اني مش عميد كليه انا
قاطعته و قلبت ملامحي بهبل انا مهندس نينيني
شوفت يا جدو
بذمتك مكنتش هتقول كدا
تجاهلني وكمل كلامه مسكت الكليه عشان حضرتك مفروض ترتاح فتره لكن هرجع الشركه تاني واشتغل مهندس زي ما كنت
وانا معنديش مانع الى يريحك تعمله لكن مش معني كدا انك تعامل بنت عمك وحش
هيا بتتأخر لي الي بيتأخروا بخصملهم ولا انت عاوزاني امشيها واسطه
اتكلمت وانا ببص لجدو المواصلات كانت زحمه مش مشكلتي 
جدو بصلي بقله حيله ما قولنا روحي مع زين فالعربيه 
قولنا في نفس واحد مستحيل 
بصتله بأندهاش هو انت تطول اصلا
شكرا مش عايز اطول اصلا
ولا انا عايزه اركب مع واحد متسلط زيك
ولا انا هركب مع واحده فاشلة زيك راحت