رواية اسمي حياة البارت 55
انت في الصفحة 1 من 4 صفحات
بارت 55
ما اتكلمتش ولا عارضت دخلت بين و استسلمت للبكاء
اتسحب و مسك الورقة قرأها و حطها بحزن جوة الدولاب
هو انتي ناوية تكلمي اختك امتى بخصوص الفرح المعاد قرب و احنا لسة ما جهزناش حاجة ولا حجزنا صالة حتى !
نيرة يا ماما حياة اللي فيها مكفيها ... في عز تعبها و مشاكلها عايزاني كمان اشحت منها مصاريف فرحي !!
يا ماما بطلي قر عالناس بقى... دي فلوسها جايباها بتعبها و بعدين مين قال ملزمة بيا و لا طبعا هي مش ملزمة بيا ولا بأي حد تاني. ...و بعدين مش كفاية كل الحاجات اللي بتخليني اطلبها منها على اساس انها ليا و هي ليكي
هو احنا هنكذب الكذبة و نصدقها يا ماما دي كانت فلوس حمزة انا عارفة كل حاجة
نيرة دلوقت بقت اختي !! ما انتي من زمان مش طايقاها و بتحاولي تبعديني عنها و مكنتش بأكلمها غير من وراكم عشان ما تزعليش... دلوقت لما بقى عندها فلوس بقت اختي
طب و المحروس اخوكي قالك ايه ماهو كمان معاه شيء و شويات و كمان سمعت ان الاتلييه بتاع والدته بيدخل ذهب
دلوقت بقى اخويا هو كمان !!! مش ده اللي كنتي طول السنين اللي فاتت بتشككي ف نسبه و مخلتيش كلمة وحشة ما قلتيهاش على والدته
يا اختي و مالك محموقة اوي عليهم و ماسكة فيا كإني عدوتك و بعدين يعني هوما هيغرفوا الفلوس و يحطوها في عبي أنا ما كله عشان فرحك انتي يا بعيدة و كمان دي سمعتهم هوما مش المحروس خطيبك ده أمه تبقى معرفة البعيدة امه
جاتك القرف بنت فقرية طالعة لأبوها مش عارفة تعيش ..
كان سند و إلهام و حنان قاعدين بيتعشوا سوا
حنان و الله طنط نادية دي ايديها تتلف ف حرير .. عاملة شوربة بط مالهاش حل
حنان بغيظ سامعة يا ماما بيقول ايه ! عايز الواد يطلع و في وشه بطاية !
سند بضحك بطاية ! جبتيها منين دي يا بنت المچنونة
فكرة حلوة يا ابني و أهي فرصة إننا نحدد فرح أختك
سند بضحك ده غداء بس يا عبيطة مش فرح !
إلهام بمزاح و ماله يا سند خليها تتدلع حقها ...مش عروسة!
قوليله و النبي يا ماما !
حاضر يا مچنونة ...هنخليه عشاء
فكر شوية بعدين قال بتساؤل بس انا متردد يا ماما ..يعني اعزم بابا و مراته كمان ولا نيرة لوحدها
لا يا ابني عيب ... إحنا هنعزمهم هوما الثلاثة وبعدها هما أحرار
