رواية اسمي حياة البارت 59 بقلم آلاء إسماعيل البشري
قالها بصوت واطي اوعي تقوليها ان مامتك تعبانة هتزعل عليها و ما ترضاش تسافر و هي عندها عقد عمل و مضطرة تسافر ... فهمتي دلوقت
رؤى فهمت ...
طيب يالا بينا..
وصلوا لحد المكان المخصص للإنتظار كانت نيرة بتبص يمين و شمال لحد ما شافتهم !
قربت عليهم و من وراءها جوزها فؤاد
حضنت حياة الاول بعدين إلهام و جيه بعدها سند و مراد
بابا انت كويس !!! اومال ماما ليه قالتلي انك تعبان و ما تقدرش على مشوار المطار
بصوا لبعضهم و ما عرفش مراد يجاوبها
بصت يمين و شمال لكل الموجودين و كملت و مادام انت بخير اومال هي فين !! ماجاتش معاكم ليه
بصوا لبعض و محدش عرف يتكلم ...مراد قرب منها و قال
نيرة بشك تعبانة ازاي !! و هي مكلماني من ساعة عشان تودعني و بتقول انت اللي تعبان و هي اللي قاعدة معاك
يوسف بمقاطعة لا ماما هي اللي تعبانة و لو جات هتتعدي و مش هتسافري
اتعدي !!! هي تعبانة اوي كدة و انا سايباها و مسافرة !!
حاولت إلهام تصلح الموقف جرى ايه يا نيرة هانم يعني كل الناس اللي جاي دي عشان تودعك مش مالية عينك و بعدين ما انتي بتقولي انها كلمتك بالتلفون ! يبقى هي كويسة مش تعبانة للدرجة دي يعني !! و اهي رؤى معاها مش كدة يا رؤى !
نيرة بإستسلام ماشي ... اول ما أوصل و اشتري خط جديد هأكلمها و اتطمن عليها .
سلمت عليهم كلهم وسط بكاء و احضان نيرة مع اخواتها و ابوها ...و راحت تركب الطيارة و طلع الكل من المطار
سند الحمد لله عدى الموقف و خلص الموضوع على خير
بص لمحمود يالا يا محمود وصل انت مراد بيه للفيلا و خذ الولاد عند امهم تاني ...أكيد بتكون دلوقت هتتجنن عليهم
مراد و انت الصادق .. ولا على بالها اصلا .. نيرة هي اللي كانت بتراعيهم اكثر منها.
حياة ربنا يهديها ..يالا بينا .
في شقة شهيرة
شهيرة هي ايه حكايتها مش قالت راجعة بعد شوية !! اهو وقت العشاء عدى و لسة ما رجعتش !!
بصت للساعة بيأس طب خلاص روحي انتي حطيلي العشاء
حاضر
همست شهيرة لنفسها تكونش رجعت في كلامها و رجعت بيتها تاني يعني كانت بتمثل ولا ايه حكايتها بالضبط
في اللحظة دي رن الجرس
طلعت سعاد من المطبخ بسرعة تفتح
دخلت حياة بتعب
آسفة يا طنط إتأخرت
