رواية اسمي حياة البارت 60 بقلم آلاء إسماعيل
الله يسهلوو ماهو طلق العقربة و مش بعيد يحاول يرجع الود ما بينكم
لا طبعا يا حنان ...مش معنى اني سامحته يعني ممكن ارجعله تاني ... انا شلته من قلبي من زمان اوي و مستحيل ارجع له ...و بعدين مين قالك أنه هيحاول يرجع الود تلاقيه نسي اصلا اللي كان .... ماهي عدت 30 سنة
الحبيب الاول مش بيتنسي يا ماما ...و بعدين انا ملاحظة نظراته ليكي من يوم فرح حياة لحد دلوقت ...فيها لمعة حب و شوق و ندم مش طبيعي
و مع كدة لسة قمر و عندك بدل المعجب عشرة يا حضرة الغزالة الارمينية
ضحكت إلهام عشرة
ايوة ... و اولهم رشدي و اوعي تقوليلي انك ما لاحظتيش نظراته ده كمان !! طب تراهنيني بكام أنه واقع وقعة منيلة مش معجب و بس !!
انا بقول اللي انا شايفاه و مسير الايام تثبت لك كلامي
و انا مستحيل افرق بين واحد و مراته عشرة عمره
حنان طب يالا نتغدى عشان نلحق عالمول
يالا يا اختي بلا رغي ...قال غزالة قال
خلصت شهيرة و حياة أكل و دخلت تلبس و هي بتتصل
حسام ...هو سند أتصل بيك بخصوص قضية بابا !
لا ما اتصلش .. هو مش المفروض جلسة ابوكي كانت الصبح
هااا...و ايه الاخبار
غيرت حياة الموضوع هنبقى نتكلم لما تجي ..خلينا دلوقت في المهم
ايه
بقولك ايه حبيبي انا مخڼوقة شوية و كنا عايزين نطلع نتمشى شوية
تطلعي انتي و مين
هيكون مين يا حسام ! أمك طبعا ..اقترحت عليا نطلع سوا لما شافتني مخڼوقة من جو الشقة
طالعين فين يعني !
بصراحة مش مستريح للفكرة يا حياة ...خصوصا انها فكرتها
و الله حرام عليك يا حسام .. بعدين انت شايف ان معاملتها اتغيرت اوي معاي يعنى فيها ايه لما نطلع نتمشى سوا
حسام بتوتر مش عارف ...المهم خلي بالك و أبقي طمنيني .
حاضر .
طلعوا سوا و كانوا يتمشوا بالراحة لحد ما وصلوا الجنينة
كان فيه شوية ناس قاعدين و جماعة ولاد بيلعبوا بالكورة
