رواية لم يكن تصادف البارت 9بقلم زينب محروس
انت في الصفحة 4 من 4 صفحات
و لا اهتم بحاجة غير نفسه.
في بيت يارا كان صلاح قاعد مع ياسر و بيلوموا عمر و عيلته على طلاق يارا و إن طالما محدش منهم عايز يتكلم يبقى اكيد الغلط منهم لأن بنتهم اللى ربوها اكيد مش هتعمل حاجة غلط و هما بيتكلموا جرس الباب رن فقام ياسر و فتح و أول ما شاف أحمد قال باقتضاب
أنت جاي تعمل ايه مش كفاية اللي عمله ابن عمك و عيلتك
أنا مليش دعوة بابن عمي و مع ذلك تقدر تقول جاي اصلح الغلط اللي هوا عمله.
ياسر باستغراب
تصلحه ازاي يعني! الطلاق بقى رسمي و خلاص مبقاش في حل.
أحمد بغموض
لاء في حل بس ممكن تخليني ادخل و اتكلم مع عم صلاح
ياسر سمحله يدخل و حرفيا مكنش فيهم حد طايق وجوده سواء كان صلاح أو ياسر أحمد حس إن وجوده مش مرغوب فيه بس أجبر نفسه يبتسم في وشهم و يتكلم بهدوء لحد ما ياخد اللي هو عايزه.
من غير لف و لا دوران بعد إذنك يا عمي صلاح أنا عايز اتجوز يارا.
ياسر بص ل والده قبل ما يبتسم بسخرية و يقول
انت هتهزر!
أحمد بجدية
أبدا و الله أنا فعلا بحب يارا و عايز اتجوزها.
ياسر بتهكم
يارا مين اللي بتحبها! دي أطلقت من ابن عمك من يومين لحقت تحبها امتى!
أحمد بكذب
ياسر بسخرية
لا و الله! طب بالنسبة لمشاعر ابن عمك دلوقت ايه!
أحمد
عمر مقدرش النعمة اللى كانت معاه و أنا خلاص مش هضيعها عشان خاطره.
صلاح بتكشيرة
لاء هتضيعها أنت كمان عشان احنا مش ممكن نوافق على حاجة زي كدا و لا اهلك هيوافقوا و لا يارا ممكن توافق إنها تدخل البيت دا تاني.
بس أنا موافقة.
كان دا صوت يارا اللى اتكلمت و هي واقفة على باب الأوضة.
يتبع..........
بقلم زينب محروس
الفصل_التاسع
لم_يكن_تصادف
