رواية اسمي حياة البارت 63
ما اجوزنا على طول بس لا... هو كان عايزها تخسر كثير .. كان عايز ېحرق قلبها و يدمرها ..و يدمرني معاها
كان معتمد على موقفي كراجل لما يقولي الكلام ده و متأكد ان محدش هيقبل على نفسه يعيش مع وحدة بتحب غيره .
شرب مية بعدين كمل
وقتها انت كان عندك سنة ونص .. و انا حرفيا كانت روحي فيك و كنت انت و امك الهوا اللي انا باتنفسه و مكنتش متخيل حياتي من غيركم...يعني اختياره التوقيت ده مكانش عبطي .. الغريبة أنه كان معاه حق !! لما سألتها جاوبتني على طول من غير تفكير و ما انكرتش حبها ليه وقالت لي بكل برود و قسۏة انها عمرها ما حبتني !
عشان كدة صارحتها و انا بأدعي ربنا ف سري تنكر او تكذب حتى و تقول انها بتحبني مع اني حاسس من يوم ما اتجوزتها ان قلبها مكانش معاي و حاسس على طول بنفور من ناحيتها بتحاول تخفيه.....بس على مين اي حاجة بتتخبى الا الحب و الكره
بس انا ما عملتش اللي كانت عايزاه عشان حاجة وحدة بس
عشانك انت بس ...ايوة عشانك يا حسام
صحيح انا بعدها اتأذيت من جوايا اوي و كرامتي اټجرحت و يعتبر شبه اټدمرت نفسيا ...مكنتش طايق ابص ف وشها و لا كنت قادر اتخذ اي قرار في وضع صعب زي ده و کرهت نفسي و کرهت الدنيا باللي فيها .. عشان كدة سافرت لندن عند عمك و سبتكم انت و هي و قعدت هناك ثلاث شهور ...ما سألتش عني فيهم ولا مرة و كانت عايشة حياتها عادي جدااااا ....أهم حاجة الفلوس كانت بتوصلها في معادها !!
كانت الاف الافكار زي دي بتتصارع جوايا كل يوم لحد ما اخذت قراري أخيرا ...و فازت عاطفة الابوة جوايا على الكرامة
قررت ارجع البيت و اركن كبريائي على جنب و اضحي بكرامتي كراجل عشانك انت ...عشان تعيش مستقر بين ابوك و امك.... و محدش يعايرك بحاجة ولا يذلك
حسام كان بيبكي بكاء مر و هو سامع كل اللي ابوه عاشه ده
رشدي رجعنا لبعض من تاني و الغريبة انها كانت بتتصرف ولا كإن حاجة حصلت
