رواية انت الترياق من البارت 21-22-23 كامله بقلم هايدي احمد
انت في الصفحة 1 من 14 صفحات
البارت المن انت_الترياق
متقلقوش يا جماعه مدام غزل بخير ده بس ما بعد الصدمه دى حالة استيعاب من الاوعى الى عندها
متقلفوش شويه وهتفوق وهتبقى زى الفل
ربنا يخليك يا ابنى
شكرا يا دكتور تعبناك معانا
العفو على ايه بس حاولوا متضغطوش عليها تعاملوا معاها بلين لو سمحتم وبلاش اى حد يفكرها بالى حصل دلوقتى وده حرص على الحاله النفسيه بس
فاقت غزل وفتحت عنيها تانى براحه
حمدالله على سلامتك يا حبيبتي
م ماما ..
ايه قلب امك
انتى هنا
اه يا حبيبتي جمبك اهو
حضنتها والدتها ونامت غزل فى حضنها براحه
وقرب والدها عليها وهو بيملس على شعرها
كان باصصلهم جاسر من بره وهو بيطمن عليها بعينه
النهارده يا حبيبتي جاسر بعتلنا عربية تاخدنا عشان نحضر الفرح ونبقى معاكى
جا..سر ..هو فين
بيوصل الدكتور بره
قامت غزل بخضة
طب ..طب الڼار حد حصله حاجه من الڼار يا ماما الڼار ..الڼار كانت هنا فى الكنبة ..والستارة .. وكانت كبيرة ..هم كويسين
اهدى ..اهدى يا حبيبتي والله كلهم كويسين والله اهدى يا حبيبتي
لا لا انا عايزه اشوفهم واشوف ..اشوف داوود داوود فين ومين الى طلعنى هم فين والنبى
اهدى يا غزل يا بنتى والله العظيم كويسين استنى
هناديهم استنى
فضلت غزل مراقبه والدها والباب بلهفه ووالدتها بتطبطب عليها وعلى شعرها عشان تهدى
ارتاحى يا قلب امك والله كل الى هنا كويسين
جرى داوود عليها وحضنها
غزل انتى صحيتى
حضنته غزل بحنان
وحشتنى اوى ..انت كويس حصلك حاجه
انا كويس يا غسل ..مالك
مفيش... مبسوطه عشان شوفتك
حضنته غزل تانى بحنان
جه حماها وباسها من جبينها
حمدالله على السلامه يا بنتى كده تقلقينا عليكى ايه بتشوفى غلاوتك ولا ايه هه
طب يلا قومى كده وارجعى زى الاول
حمد لله على السلامه يا ابنيتى خوفتينا قوى قوى عليكى
تسلميلى يا طنط انتى. كمان وحشتينى اوى
يا حبيبتي والله انا هزعل قوى لما تمشى متمشيش وخليكى قاعده معانا انا اتعودت عليكى
انتم ناس تتحب وتتعاشر وانا مش هنسالك ابدا وقفتك جمب بنتى ولا كرمك ده جميلك فوق راسى لاخر عمرى
اه صح انا بقالى قد ايه الفرح اتعمل
لا يا غزل لسه متعملش
ايه ...ليه يا حازم اوعى تكون اجلته اوعى
بصرااحه ...
ايه
ههه متقلقيش مش اجلناه انتى نمتى يوم واحد بس يعنى ملحقناش نأجل حاجه اصلا
الحمدلله طمنتنى
المهم حمدالله على سلامتك يلا بقى عشان تحضرى الفرح ولا هتزعلينى
اكيد هحضره متقلقش ..ااا
ايه بتدورى على جاسر ولا ايه ...شويه وهنخرج وهبعتهولك
ابتسمت غزل بخجل وبصت فى الارض من كسوفها
يلا يا جماعه سبوها ترتاح شويه
ايوه عشان تساعدينى ما انتى خيت العريس
تسلمى يا ام حازم ربنا يفرحك بيهم يارب
ارتاحى انتى يا حبيبتي واحنا هننزل تحت
اه شويه وهبعتلك وكل عشان ترمى عضمك اكده
تسلمى يا طنط
يلا يا جماعه يلا
لا انا هفضل مع غسل
لا تعالى عشان ماما غزل ترتاح وبعدين اقعد معاها زى ما تحب يلا
طيب باى يا غسل
باى يا حبيبي
خرجوا كلهم ووالدة غزل ساعدتها تغير هدومها وعدلتلها نومتها وبعدين طلعت
فضلت غزل نايمه بقلق
هو مجاش ليه معقول يكونوا بيضحكوا عليا وحصله حاجه ..لا لا ..انتى نسيتى يا غزل ان ده طبعه مش بالسهل تلاقيه جمبك اول ما تفتحى زى الروايات ..انا روايتى غير وشكلها بتخلص وانا مش عارفه مصيرى ايه اااه
فضلت غزل سرحانه وشارده وغمضت عنيها بتحاول تلاقى راحه من أفكارها
سمعت صوت الباب ومفتحتش عنيها
ماما انتى هنا ...متقلقيش يا ماما انا كويسه روحى انتى ارتاحى ..هو جاسر لسه مجاش... مام...
فتحت غزل عنيها لما ملقتش صوت واتخضت لما شافت جاسر واقف مربع ايديه وبيبصلها برفعة حاجب
انت..انت هنا من امتى
من ساعة ما كنتى عاملة نفسك نايمه
احم انا مكونتش نايمه انا بس كنت ...انت كويس حصلك حاجه من الڼار
ايوه كويس محصليش ولا حصلك حاجه ..قوليلى بقى ايه الى حصل بالضبط
انكمش وشها بضيق لما بدات تفتكر الى حصل وبدا نفسها يقل
قرب منها جاسر بسرعه واخدها فى حضنه وهو بيهديها
اهدى خلاص ...متفكريش فى الى حصل اهدى ..انا جمبك
مسكت فيه غزل وضمته اكتر ليها وهى خاېفه وهو بيملس على راسها بحنان وبيضمها اكتر ليه كانها بنته وبيحميها من لمسة الهوا ليها
بعدت غزل عنه ولمس بشرتها دقنه المنبته وشوكتها بصلها جاسر وعنيه فى عنيها وبدأ يقرب منها اكتر لعند ما تلامست شفاتيهم واخدها فى قبله لعالم تانى وهم بيتعمقوا اكتر لعند ما بعد بخضه وهو خاېف انها تتخنق لانها لسه صاحيه وشايله جهاز التنفس مسكها جاسر من وشها وهى بتاخد نفسها وبتتنهد
انتى كويسه
ا..ايوه كويس..ه
حضنها جاسر تانى وهو خاېف عليها اكتر من الاول
وبعد عنها لما سمع صوت خبط على الباب
قام جاسر فتح وكانت واحده من الى بيشتغلوا فى البيت
ستى بعتت الوكل ده لست غزل عشان تاكل
تمام ماشى شكرا
اخد جاسر الصينيه وحطها جمب السرير
يلا عشان تاكلى
لا لا مش قادرة اكل
لا مينفعش لازم
