رواية انت الترياق من البارت 21-22-23 كامله بقلم هايدي احمد

انزل البحر كده فاهم 
امال عايزه تنزليه ازاى باللبس الى مش كنتى لبساه ده
اسمه مايوه يا جاهل 
مايوه اه ..قومى يا بت خلصى بلا مايوه 
قام حازم وبصلها عشان تيجى وراه ومشى 
اييبع بنى ادم فلاح وسوقى مش عارفه ايه القرف ده
قامت مايا بغيظ وراه وطلعوا على البحر وهم بيتمشوا 
وكل ما حازم يلاقى صدفه يرميها عليها عشان يستفزها 
اوووف ايه بقااا انت مش لاقى غيرى ما البحر قدامك 
ما هى طالعه من البحر يا ذكية هدخلها تانى ليه 
خلاص ارميها فى اى جمب انا راجعه الفندق خليك انت هنا 
خدى يا بت هنا ..انا سمحتلك تمشى هو مش جوزك لسه واقف 
اهلا بسى السيد لا مع نفسك انا..راجعه 
مشيت مايا وبصت عليه بضيق 
لقته بياخد صدف كبير وبيجرى وراها عشان يرميه عليها 
اتخضت مايا وجريت 
يييع بطل قرففف 
انتى مش هتيجى الا بكده ..شافيه فيها حلزون صاحى 
لاااا يا مقرف يا زباااله ابعد عنييي 
والله لأقصلك لسانك الطويل ده..خدى هناا
اما عند جاسر وغزل 
كانوا لبسوا ونزلوا فطروا تحت مع والد جاسر وداوود 
يلا يا غسل 
حاضر ..يلا 
قام جاسر ومسح ايده وعدل لياقته 
مش هتيجى معانا يا بابا 
ايوه طبعا بس هخلص شوية شغل وهحصلكم 
تمام 
يلا يا بابى 
اخدهم جاسر وطلعوا ركبوا العربية ومشيوا 
هى الحفله عشان ايه يا داوود 
مس عارف 
مش عارف امال واخدنا معاك ايه 
المس قالتلى فى الحضانه هات بابى ومامى عسان فى حفلة بكره بس 
بس من غير ما تعرف ايه هى الحفله اصلا 
خلاص يا جاسر نبقى نعرف هناك اكيد كل اولياء الامور هناك 
بعد شوية وصلوا للحضانه نزل جاسر وهو بيعدل بدلتها وبعدين فتح الباب لغزل ومدلها ايده وهى مسكتها ونزلت وبعدين نزل داوود ودخلوا الحضانه 
وقابلوا المس بتاعى المرة الى فاتت
اهلا وسهلا نورتونا بحضوركم النهارده
احم شكرا 
ازيك يا دودى عامل ايه 
بخير يا مس 
قالت غزل بإستنكار 
دودى 
اه انا بدلعه كده فى الكلاس
امم 
اتفضلوا انا حجزتلكم مكان عشر دقايق والحفله تبدأ
هى الحفله عبارة عن ايه او معموله ليه 
طبعا حضرتك عارف ان مفيش اولياء امور بيدخلوا هنا مع الاطفال فالمديرة ققرت انعا تعمل الحفله دى وتدعى كل اولياء الامور عشان تعرفهم نشاطات الاولاد ومستوياتهم وكمان عشان نهيئهم للمرحله الى بعد كده وايه المدرسة الى تستقبل مستواهم بشكل افضل سواء كانت خاصه او انترناشيونال 
امم موضوع عادى يعنى 
لا مش عادى طبعا ده مستقبل الاولاد فاكيد مش عادى
بصت لغزل بإستنكار وكملت كلام مع جاسر وهى متجاهلاها تماما وده عصب غزل فنزلت لداوود 
المس بتاعتك دى ولا عقربه ها 
ها 
مفيش يلا شد بابى خلينا ندخل اما اشوف اخرتها
يلا يا بابى عشان نقعد 
حاضر 
مستعجل ليه يا داوود اتفضل معايا حضرتك 
ربعت غزل ايديها وهى متابعاها وقاطعها جاسر وهو بقربها منه عشان يمشوا فبادلته غزل وهى بتبتسم وبصت للمس برفعة حاجب فاتحمحمت ومشيت وبعدين دخلوا وراها وقعدوا فى اول صف وهى قعدت جمبهم وده ضايق غزل بس ما اتكلمتش عشان تعدى اليوم كان جاسر ماسك ايديها وده الى كان مطمنها وبعد ما اكتملت القاعه طلعت المديرة وقدمت كلمتها عن ازاى اطفالهم ليهم مستقبل كبير وان فى مدارس خاصه هتبقى كويسه عشان تنمى موهبتهم وتأمن مستقبلهم و انهت خطابها بإن فيه شهادات تكريم عشان الاولاد المتفوقين 
وبعدها طلع جمبها بعض المدرسين ومعاهم الشهادات وبدأت مدرسه تنادى اسمائهم وكان منهم داوود ووقت ما ندهوا على اسمه سقفتله غزل جامد هى وجاسر وقام وهو بيضحك وطلع اخد شهادته ونزل حضڼ غزل وبعدين حضڼ جاسر وهو بيشيله من على الارض وبيبوسه وبعدها كماوا الحفله عادى لعند نهايتها 
وقام جاسر اخد غزل فى ايده هى وداوود وخرجوا 
شرفتنا يا استاذ جاسر النهارده
احم شكرا 
اتمنى تشرفنا تانى بحضورك بجد 
بصتلها غزل بذهول وبصت لجاسر وهى متضايقه  قاصد يظهره واتكلم بثقه 
شكرا ان شاء الله انا وزوجتى هنشرفكم تانى لسه الايام جايه كتير 
يلا يا حبيبتي..يلا يا داوود
بصتله غزل بذهول وهو بيبصلها بثقه وبعدين اماءت بحرج وبصت للبنت بإنتصار وهى اتحرجت منهم
احم..مع السلامه..مع السلامه يا دودي
باى يا ميس 
مشى جاسر وهم معاه لعند العربية 
هى مالها دى وايه التلزيق ده 
ملناش دعوه بقى 
ملناش دعوه ازاى شايف كانت بتكلمك ازاى دى لو جايه الحضانه تشقط مش هتعمل كده 
تشقط...ههه ايه الى بتقوليه ده بس مش قدام داوود 
غسل يعنى تسقط
لا متاخدش فى بالك يا حبيبي اركب انت وهبقى اقولك بعدين 
ركبوا وكانت غزل لسه متضايقه وجاسر متابعها بتسليه
قولى يا داوود هى المس بتاعتك كان اسمها ايه 
بصتله غزل پصدمه وعنيها مليانه شرار 
وهو بيحاول يكتم ضحكته
قوله يا داوود ..ولا يا دوديي...المس اسمها ايه ..عشان يبقى انت وابوك 
ربعت غزل ايديها بتذمر وجاسر مقدرش يمنع ضحكته وحاول يشد ايديها بس هى رافضه 
غيرانه ها 
انااا اغير من دى ..ليه مبشوفش 
لا واضح انك مش غيرانه 
اوعى ..سيب ايدى 
انتى فعلا مش اى حد بس المفروض يبقى عندك ثقه فيا مش كده 
اكيد واثقه فيك بس مش فى غيرك يعنى 
خلاص بقى
احم ..بابى انا لسه هنا 
بعدت غزل بحرج وهى بتضحك على داوود وهو مربع ايده وبيبصلهم بتذمر 
معلش نسيت انك
هنا ..انا من رأيي نجبلك حاجه صغيرة كده تتنشغل بيها 
حاجه ايه هتجبله قطه 
ايوه بس منك انتى 
قطه منى انا ازاى 
يعنى نخاويه نجبله اخ او اخت بنت زى القمر زيك كده 
غمز جاسر فى اخر كلامه فابتسمت غزل بحرج 
ايه ده هتجيبولى اخت العب بيها 
تلعبب بيها ..اه يا سيدى بس متدقش انت ها خليك خفيف خفيف
ضړبته غزل بحرج عشان يسكت وهو بيضحك على كسوفها فاخدها فى حضنه تانى 
لامؤاخذة بقى يا داوود انت مش غريب
بعد مرور فترة 
كان جاسر وغزل علاقتهم بتتحسن اكتر من الاول وخصوصا مع داوود اما حازم ومايا فكانوا علطول ناقر ونقير مع بعض وعلطول بيتخانقوا على اى حاجه لكن قدام اهلهم بيمثلوا الحب
عند حازم كان بيلبس ساعته وبيعدل لياقة قميصه 
ايه لسه ملبستيش 
كانت مايا قاعده على الكنبه بزهق وبتقلب فى تليفونها. 
مش عايزه انزل 
معقول مايا هانم مش عايزه تنزل حفله 
ملكش فيه 
طب قومى يلا ده اخر يوم لينا هنا فعايز نختمه بحاجه كويسه فى ام الليله الكبيره دى
هه حاجه كويسه اه... معاك انت 
طب قومى وبطلى خناق ..والبسي حاجه مقفوله ياريت 
قولت مش نازله وبعدين انا براحتى البس زى ما انا عايزه 
هنرجع تانى للاسطوانه دى قومى خلصينا 
يووه مش عايزه انزل معاك فى اى مكان 
اتنهد حازم وراح ناحية الدولاب وقعد يدور على اى فستان مقفول 
مش معقول كمية قمصان النوم دى فين فساتينك يا بنتى 
قمصان نوم يا جاهل كل الى عندك دول ماركات انت متعرفش تجيبها اصلا
قمصان النوم بقى ليها ماركات كمان .... الحمدلله لقيت حاجه تتلبس مهو بصراحه لو مكنتش لقيت ده كنت لبستك بدله من بتوعى على الاقل مستورة وحشمه 
اوووف
بطلى افأفه وقومى يلا مش هعيد كلااامى 
انت عايز منى ايه قولت مش هنزل معاك 
وانا مبحبش حد يكسرلى كلمه قومييييي 
قامت مايا بضيق وبصت بقرف وهى بتنتش الفستان 
يلا كلها كام شهر واخلص منك 
مبيتخلصش منى بالسهل يا قطه 
بعد شوية اخدها ونزلوا وهو بيحاول يمسك ايديها بس هى رافضه 
بسس كفايه بقى احنا قدام الناس هاتى ايدك اخلصى 
اخد حازم ايديها ڠصب عنها ونزلوا الحفله الى كانت فى الفندق
غزل ..غزل 
ايه ايه فى ايه حصل حاجه 
مسكها جاسر من لياقتها فاتخضت غزل 
ايه فى ايه انا عملت ايه
يتبع بعد قليل هنكمل