رواية من نظرة حب من البارت 17 بقلم الكاتبة الصغيرة
انت في الصفحة 1 من صفحتين
"17"
فتحت نسمة الباب واڼصدمت لما لقت ثريا ومالك وزين وكانت الصدمة ظاهرة علي وشهم هما كمان فاقت نسمة من صډمتها
نسمة : اتفضلوا
دخلوا كلهم وقعدوا ونسمة قعدت جمبهم
زين : هو انتي تعرفي ملك منين
نسمة : هي تبقي بنت عمي
ثريا : بس نفهم من الاول يعني ملك تبقي نفسها البنت اللي انت حبيتها ي زين
زين : اه هي
ثريا : وهي نفسها بنت عمك اللي حكتيلي عنها واخدتي اجازة عشان العريس اللي متقدملها واللي هو زين
نسمة : ايوة
مالك : دا ايه الصدف العسل دي مفيش احلي من كدة
ثريا : بصي ي بنتي انتي اكيد عرفتي احنا جايين ليه
نسمة : ايوة حضرتك
ثريا : وانتي ايه رايك
نسمة : انا عن نفسي موافقة بس المهم موافقة العروسة
دخلت ملك وهي معاها شربات قدمته لهم وقعدت جمب نسمة
ثريا : بسم الله ما شاء الله تبارك الخلاق انا اول اعرف انك عندك زوق ي زين
اتكسفت ملك من كلامها وزين رد بابتسامة : طبعا عشان تبقوا تعذروني علي اني مستعجل
نسمة : بصي ي ملك الاستاذ زين جاي يطلب ايدك انتي رايك ايه
ملك : رايي هو رايك
نسمة : لا ي حبيبتي قولي رايك انتي ي حبيبتي لانك انتي اللي هتتخطبي
ثريا : بصي ي ملك ي حبيبتي صحيح الواد دا مامته ماټت واللي هي اختي بس انا مكانها وهو واحد من عيالي وانتي دلوقتي هتبقي من العيلة فلو الواد دا زعلك تعالي قوليلي وانا هعرف هتصرف معاه
نسمة : ها ايه رايك
ملك بكسوف : موافقة
زغرطت نسمة بفرح لانها عارفة ومتاكدة ان زين هيقدر يسعد اختها ومش هيزعلها ابدا
زين : نخلي الخطوبة بكرة
مالك : بكرة ايه انت اهبل
زين : في ايه ي عم هو انا بقول النهاردة دا انا بقول بكرة يعني بضحي وبستني
