سكريبت قطر المنيا اسيوط كامل

ناس الراجل اللي معاه كان بيدور علي حاجه في تابلوه العربية وانا عمالة أصرخ وازعق وأضرب باب التاكسي بإيدي ورجلي
الراجل كان لسه هيرش حاجة في وشي لولا ستر ربنا التاكسي خبط في حاجة والناس بدأت تتلم علينا فتحت باب التاكسي وأخدت شنطي وجريت فضلت أجري لحد ما نفسي أتقطع وبقيت بين الناس قعدت على الرصيف وبصيت يمين وشمال لقيتني في مكان مش عارفاه خۏفت للسواق يجي تاني فطلعت فوني من الشنطة
اكلم مين بس يارب بابا وأهلي في محافظة تانية مفيش غيرها هي عمتي رنيت عليها مرة واتنين وعشرة وفونها مقفول يارب ساعدني مفيش أمل إنها تفتح فونها دلوقتي قعدت أعيط من غير صوت وأنا ھموت من الخۏف فجأة إفتكرت الرقم اللي في ال مفيش قدامي حل غير كده أيا كان صاحب الرقم أهو على الأقل هنا وهيساعدني كتبت الرقم ورنيت
_ ألو مين معايا
أمنية حضرتك دكتور حمزة
حمزة آه أنا مين حضرتك
أمنية أنا أمنية ناصر طالبة في سنه اولي والنهاردة كان أول يوم دراسي ليا وللأسف توهت هنا ومش عارفه أروح لعمتي.
حمزة مټخافيش يا آنسة ممكن تدي فونك لأي حد جمبك من أصحاب المحلات عشان يقولي عنوانك.
عيطت أنا خاېفة من الناس.
حمزة مټخافيش والله اعملي زي ما بقولك وخليكي معايا علي الخط أنا نازل أهو.
روحت لصاحب محل عصير قاله العنوان وفضلت أنا في المحل مستنياه عدت تلت ساعه تقريبا لحد ما وصل نزل من تاكسي ودخل المحل وأنا تلقائيا جريت عليه زي طفلة شافت بباها أول ما شافني قال
حمزة إنتي آنسة أمنية خضتيني عليكي والله.
بيقول إيه ده أستغفر الله العظيم يارب قولت
أمنية أيوة أنا آسفة جدا علي اللي حصل بس أنا فعلا معرفش حد وسواق التاكسي كان هيخطفني وكان...
حمزة بس بس خلاص حمد الله على سلامتك.
أخد الشنط وډخلها التاكسي وأنا إترعبت لما إفتكرت اللي حصل من شويه عيوني دمعت وانا بقوله
أمنية مش عايزة أركب تاكسي مش عايزة.
حمزة مټخافيش يا آنسة أنا معاكي.. عرفتي رقمي منين صح.
أمنية من اا..من.. من المزكرة.
حمزة آه ماشي فين عنوان عمتك بقا
وريته العنوان بصلي بإستغراب وقال
حمزة غريب!!
أمنية إيه هو ده اللي غريب يا دكتور!
حمزة لا أبدا مفيش حاجه.
ركبنا التاكسي وأنا مطمنة المرادي حسيت إني ليا أخ مع إني مجربتش الإحساس ده لأن إخواتي بنات وصلنا قدام العمارة اللي فيها شقة عمتي طلعت فلوس من شنطتي وكنت هحاسب راح أبو طويلة برقلي بعينيه وقالي
حمزة إيه يا بطة عايزة تزعلي بابا مني ولا إيه
رجعت الفلوس تاني ونزلت الشنط كان بيحاول ياخدها مني بس أنا مرضتش راح قالي
حمزة مټخافيش يا بطة مش هسرقهم وأجري.
ضحك بس أنا مش ههزر مع قلقاسة ده طلعت في الاسانسير للدور الرابع ووقفت قدام تاني شقة حسب ما قالت عمتي في المسج لقيته واقف جمبي بيقول
حمزة لأ ما اهو أنا مش أطلع على السلم عشان أبعد عنك وألاقيكي واقفة قدام شقتي!
أمنيةشقتك!!
إتفاجئت من كلامه اتفتح باب الشقة وإحنا الإتنين إتصدمنا من اللي شوفناه!
يتبع.........
يتبع.
إسكربت بارت 2
قطر _ المنيا_ أسيوط 2
فتحت باب الشقة ست وأغمي عليها بمجرد ما فتحت الباب إتخضيت أوي عليها وأبو طويلة نزل على الأرض وصوته علي وهو بيفوقها
حمزة ناهد إيه اللي حصلك ردي عليا
كان مخضوض أوي لأنها كانت شبه مېتة قدامه عصبني أوي إنه بينادي عليها بإسمها وهي أكبر منه في السن ثانية واحدة إيه ده! عمتي إسمها ناهد! بس للأسف أنا مشوفتهاش قبل كده معقولة تكون هي وأنا نحس أوي كده كله ده تفكير في أقل من ثانية وأنا ببصلها وعيني دمعت ركزت في ملامحها وإفتكرت جارتنا لما جالها غيبوبة سكر قبل كده وكانت في نفس حالتها كده صړخت وهو بيرش على وشها ماية
أمنية سكر هات سكر بسرعة.
حمزة سكر إيه إنتي كمان.
أمنية إسمع اللي بقولك عليه ده غيبوبة سكر أنا متأكدة.
حمزة ولما هي غيبوبة سكر عيزاني أديها سكر!!
أمنية لازم نديها حاجة محلية ولو السكر واطي هتفوق ولو عالي مش هتتأثر وبكدا ننقلها المستشفى بسرعة.
بصلي وبعدين جري بسرعة للمطبخ وجاب معاه السكر الحمد لله إن سكرها كان واطي وبدأت تفوق سندتها معاه وقعدناها على الكنبة وهي لسة