رواية الاجبار المتمني كامله
انت في الصفحة 1 من 7 صفحات
_أنا نازل.
مسكت في طرف الفستان وكرمشته بتوتر وتردد وقولت بصوت واطي
رايح فين?
بصلي بعيون خالية من آي مشاعر وقال بقرف
_آي مكان بعيد عن هنا ل تكوني مفكرة إني متجوزك بجد هخليكي تقضي
حبست دموعي ومنعت إنها تنزل وبصيت في الأرض قد إي حاسة بكسرة قلب دلوقتي أنا عارفة إنه إنه يتجوزني بس أنا إي ذنبي برضوا إنه يعاملني كدا ما أنا زيي زيه الجوازة جات فجأة فتح الباب وهبده وراه ونزل قعدت غلى أقرب كنبة ليا ورجعت راسي لورا وأنا بعيط بهدوء وبفتكر إزاي وصلنا ل هنا وإزاي إتجوزنا محمد يبقى إبن الجيران اللي عشقته من الطفولة ولكن مكنش ليا آي كلام معاه لما كبرنا في الوقت الحالي عرفت إنه بيحب واحدة وواعدها بالجواز قلبي وجعني لما سمعت الخبر دا بس إتمنيتله الخير على قد ماحبيته وإتفاجأت يوم ۏفاة والده إنه كتب في الوصية إنه يتجوزني وإلا هيبقى خصيمه هو كان ولكن مش أكتر من في الأول رفض وثار بس في الأخر وافق تحت ضغط كبير من أهله وخصوصا والدته بعد ماتعبت أنا عارفة إنه مش طايقني دلوقتي بس دا برضوا مش ذنبي!!
كان واقف تحت البيت بتاعها وماسك موبايله بيرن عليها وبيتنفس في سرعة وتوتر واضح ردت عليه وسمع صوتها وهي پتبكي غمض عيونه پألم وجاله صوتها بتقول بعصبية
_إنت بتتصل ليه دلوقتي إنت مش إتجوزت?
إتكلم بحنية وقال بحزن
متقوليش كدا يا سمر إنتي عارفة إني بحبك إنتي وإني إتجوزتها عشان بس وصية أبويا الله يرحمه ويسامحه على اللي عمله فيا.
إتكلمت بنفس العصبية وقالت
_ياسيدي الله يرحمه بس الحقيقة الواضحة قدامنا إنك إتجوزت خلاص مبقاش فيها حاجة تاني خلاص متتصلش بيا تاني.
سمر أنا مش هاممني كل الناس إلا إنتي بالذات إياك تبطلي تحبيني أو تبعدي عني أنا من غيرك مش هعيش بجد.
ضحكت بسخرية وقالت
_والمفروض إني أفضل معاك وأبقى زوجة تانية صح?
غمض عيونه وقال بتأكيد
أنا كلها كام شهر وهطلقها وأتجوزك ومستحيل هقرب منها أنا مش عايز غيرك.
مسحت دموعها وسكتت شوية بتفكر وقالت
_لأ برضوا يامحمد إبعد عني إنت خلاص بقيت متجوز سيبني أفوق من اللي أنا فيه بسلام.
إتكلم بتصميم وقال
إطلعي البلكونة كدا.
عقدت بين حواجبها وفتحت البلكونة لاقيته واقف تحت إتكلمت بعصبية وقالت
أيوا ياسمر ولسة هتشوفي جناني بجد لو بعدتي عني.
إتنهدت وقالت
_إنت عايز إي دلوقتي يامحمد.
إتكلم بحزن بان في نبرة صوته وقال
إنك متبعديش عني وصدقيني كلها كام شهر وأطلقها مش هنضيع 4 سنين من حياتنا عشان غلطة في حياتي وممكن تتصلح.
سكتت شوية وهي بصاله من البلكونة وبعدين قالت في حزم
_بس هتطلقها ومش وكمان متقعدش معاها كتير وإلا أقټلك.
إبتسم بسعادة وقال
بس كدا عيوني الإتنين أنا بحبك ياسمر بجد بحبك وحقك عليا.
إتكلمت وهي مبتسمة وقالت
_المشكلة إن أنا كمان بحبك يامحمد ومقداميش حل غير دا لإني مش عايزة غيرك يلا بقى إمشي من هنا عشان محدش يشوفك.
حاضر مع السلامة ياحييبتي.
بعدين شاورلها من تحت البلكونة ومشي.
صحيت ولاقيت النهار طلع وهو لسة مجاش الحقيقة معرفش نمت إمتى وإزاي قومت أدور عليه في الشقة بس لسة مجاش فعلا دخلت خدت وغيرت الفستان ولبست بيچامة بسيطة مسكت الفستان بإيدي وإبتسمت بحزن وأنا بقول
_للأسف لبستيه للي كنتي بتتمنيه فعلا بس هو عمره ما أتمناكي أصبح أحلى يوم في أحلامك هو أسوء يوم في الواقع بتاعك.
شيلت الفستان وطلعت من الأوضة لاقيته بيفتح باب الشقة وبصلي ببغض وكره
