رواية موضوع عائلي البارت 25 بقلم رحاب القاضي

 الحلقه 25
موضوع_عائلي
_الحلقه الخامسه والعشرون
 
_لقد انتصرت في معركتي وجئت لاخبرك بمدي سعادتي ولكن كانت الصدمه عندما جاءت الهزيمة منك وطعنتني بسيف قسوتك...
حطت شهد ايدها علي وشها وقالت بدموع
انت بتضربني يا يونس..
 واكسر رقبتك كمان عشان انا ما اتغفلش ومش انتي اللي هتلوي دراعي يا شهد...

ذقته بعيد عنها وقالت پبكاء
هو انا عشان عايزه ابقي ام يبقي بلوي دراعك انت خليك راجل بجد وقولها بصراحه انك مش عايز تخلف مني عشانها عشان حبيبة القلب اللي لسه ما نسيتهاش..
يونس بجمود 
زيك زيها هي استغلتني زمان عشان توصل لاحلامها واخدتني كوبري عشان توصل لكلية الطب وفي الاخر راحت اتجوزت حتت عيل ابن امه وانتي ولا فرق معاكي مشاعري وخۏفي وكل اللي جوايا وبصيتي للي انتي عايزاااه وبس...
شهد بدموع مسكت ايده وقالت
لا مش كده انا عشان بحبك يا يونس عايزه اخلف منك ويبقي عندنا طفل يعوضنا عن كل اللي شوفناه زمان ده حقي انا مش بطلب منك زياده عنه..
سحب ايده منها وقال پحده 
اخر الكلام في الحوار ده هتنزليه ونرجع زي ما كنا يبقي اهلا وسهلا..
شهد بحزن 
ولو قولتلك لا مش هنزله..
يونس پغضب
هطلقك يا شهد واللي ما بعملش حساب لكلمه قولتها ما يلزمنيش..
شهد بعدم تصديق 
انت هتطلقني يا يونس ..
_ما ردش عليها يونس وطلع بره الشقه ورزع الباب وراااه جامد وشهد دموعها نزلت بحزن ودخلت اوضتها واخدت شنطه فيها هدوم ليها واغلب حاجتها ومشيت..
بقلم_الكاتبه_رحاب_القاضي  
_ وفي المستشفي اللي فيها بسمه خالت نسرين.. 
كانت نسرين قااعده بټعيط واحمد كان قاعد جنبيها وقالها...
احمد 
انا بجد مش عارف اقولك ايه..
نسرين بدموع 
الدكتور بيقول ان المړض ده نادر وعلاجه مش موجود طيب اعمل ايه دلوقتي..
اجمد مسك ايدها وقالها
انا معاكي يا نسرين وهكلم دكتور صاحبي شغال بره مصر في مستشفي كبيره وان شاء الله نلاقي حل..
نسرين 
انا هدخل اشوفها انت تقدر تمشي وشكرا جدا يا دكتور احمد انا تعبتك اووي معايا...
_ قامت نسرين ودخلت عند بسمه اللي كانت نايمه علي السرير الطبي وجهاز القلب شغال جنبيها قعدت نسرين علي الارض واحمد وقف عند الباب وبصلها بحزن لما عيطت وقالت لبسمه..
نسرين 
اوعي تسبيني انا ماليش غيرك انتي ليا امي وابويا وكل حاجه طيب انتي لو سبتيني انا هعيش ازاي انا ازاي هروح البيت ومش هلاقيكي فيه انا مش هقدر اروح وانتي مش موجوده هناك نسرين پتخاف تقعد لوحدها في البيت قومي يلا وتعالي نروح سوا..
_ فصلت ټعيط وجات الممرضه وقالتلها انها لازم تطلع ونزلت قعدت تحت في المستشفي وهي بټعيطواحمد كان قاعد بعيد عنها بشويه من غير ما تشوفه وقفل موبيله عشان نور ما ترنش...
بقلم_الكاتبه_رحاب_القاضي  
_وفي مكان تاني علي النيل.. 
كان محمد قاعد هناك وبيتكلم في الفون مع هاجر اللي قالتله..
هاجر 
فهمت بقي الموضوع انا ما كنتش عايزه اتدخل بينهم بس لما توصل انه يقول انه عايز يطلقها يبقي لازم نتدخل..
محمد بضيق
خلاص انا هتكلم معاه انا مش فاهم هو ازاي يعمل حاجه زي دي..
هاجر
تمام يا محمد وهتعبك تبقي بقي تقولي قالك ايه..
محمد 
هاجر ممكن نتقابل بكره في مكان عام بس محتاج اتكلم معاكي شويه ولوحدنا..
هاجر بهدوء
حاضر شوف هتكون فاضي امتي وهجيلك..
ابتسم محمد وقالها 
بعد الضهر كده هبعتلك لوكيشن المكان اللي هنتقابل فيه..
هاجر 
تمام تصبح علي خير...
_ قفلت معاه وبص محمد لصورة ابنه اللي علي موبيله وابتسم بهدوء وفي الوقت ده وقف ورااه يونس بعربيته وقاله..
يونس 
انت بتعمل ايه عندك هنا..
محمد بصله وقال
ابن حلال اصلا كنت لسه هكلمك تيجي..
يونس 
طيب تعالي اركب..
قام محمد وقاله
معايا عربيتي شوف عايز نروح فين وهاجي وراك..
 لا تعالي عشان هنروح مشوار سوا يلاا...
_ركب محمد جنبيه ويونس اتحرك بالعربيه ومحمد بصله بحزن وقال..
محمد 
هاجر كلمتني مراتك اشتكتلها من اللي عملتو..
يونس پحده 
طلع نفسك انت وهاجر من الموضوع ده..
محمد 
طيب افهم ليه يا ابني هو حد يكره ان يبقاله عيل يشيل اسمه والله بس تشوفه  وانت هتندم ندم عمرك علي اللي بتعمله ده..
يونس بسخريه 
وانت ندمت عشان طلقتها مش كده..
محمد بحزن 
ندمت ومن الناحيتين عرفت قيمة هاجر وطيبتها لما شوفت سم غيرها وعرفت قيمة ابني لما لقيت انه ممكن يكبر ويبقي متربي مع راجل غيري تخيل