رواية موضوع عائلي البارت 26 بقلم رحاب القاضي

انا هقف معاك علي نقطه واحده ما فيش حد بيسيب اهله عشان حد..
احمد بسخريه 
لا في وحصل باعت اهلها ابوها وامها وهما مالهمش غيرها..
نسرين بلهفه 
تجيبهوملي ده انا كنت ھموت والاقي اب وام ليا وطول عمري محرومه من الاحساس ده اظن يبقي بني ادم واطي اووي اللي يفكر يبيع اهله عشان حد وانا مستحيل اوافق بيه حتي لو كان بيعشقني مش بيحبني وبس اللي هان عليه اهله وحبهم ليه وتعبهم عليه هيهون عليه اي حد والدليل علي كده انه طلع بتاع مناظر مش بيحبني عشاني انا..
احمد بهدوء
دي مراتي علي فكره اللي عملت كده..
نسرين بتوتر
انا اسفه والله مش قصدي وو..
احمد 
اسمعيني يا نسرين انا بحب واحده تانيه غيرها وضميري كان مأنبني عشانها بس اللي اكتشفته انها واحده ما تستاهلش اني كنت ادخلها في حياتي اصلا..
نسرين 
بسيطه يبقي خليك مع اللي بتحبها وادي مراتك دي حقها برضو..
احمد بجديه
بحبك يا نسرين انتي البنت اللي انا بحبها..
اټصدمت نسرين من كلامه ووقفت وقالت
عشان كده بقي حضرتك مهتم يعني مش بتعمل كده عشلن صعباانه عليك وايه كمان كمل..
احمد بهدوء 
ولا حاجه عايز اتجوزك..
نسرين پحده 
احمد پحده 
انا مش هسيبك يا نسرين وانتي ما خطفتيش حد انا هخلص كل العك اللي في حياتي ده وهرجعلك وهتجوزك تمام..
_ سابته نسرين ومشيت وهي متدايقه من كلامه وجواها لخبطه كتير وطلعت موبيلها وكلمت ولاء..
نسرين بدموع 
انتي فين بكره هستناكي تيجي المستشفي انا محتجالك جنبي..
ولاء 
حاضر يا قلبي انا هجيلك علي طول مت اول الصبح انا مقصره معاكي حقك عليا..
نسرين بدموع 
هستناكي يلا سلام..
بقلم_الكاتبه_رحاب_القاضي 
_ورجع مازن البيت اللي قااعد فيه.. 
وكان واقف عند الحوض وبيرجع ووشه اصفر جدا وجسمه كله بيتنفض راح قعد علي الكنبه وبص لاكيااس البودره اللي قداامه مد ايده عشان ياخدهم بس رجع تاني وطلع موبيله وكلم هنااء برقمه الجديد وهي ردت عليه وقالت..
هناء
الو..
اتملت عيونه دموع وقالها
وحشتيني يا ماما..
هناء بلهفه
مازن انت كمان وحشتني يا حبيبي انت جاي صح انا مستنياااك وعملتلك كل الاكل اللي بتحبه..
مازن بحزن
مش هاجي يا ماما هي خلصت كده بس وغلاوتي عندك تسامحيني وما تزعليش مني انا ما حبتش في الدنيا قدك وعمري ما كنت اقصد ازعلك يا حبيبتي..
هناء بقلق
مش زعلانه منك بس انت هترجع صح ومال صوتك انت تعبان واخد برد صح هو الجو اليومين دول متلخبط..
مازن غمض عيونه پألم وقالها
انا بحبك اوي يا ماما والله ما كنت اقصد ازعلك انتي ومحمد ابدا..
_ووقع الموبيل من ايده وما قدرش ياخد نفسه خااالص وهناء فضلت ټعيط وتقول بصوت مهزوز..
هناء
مازن يا عيون ماما انت رد عليا انا عمري ما هزعل منك والله بس رد عليا رد يا حبيبي ما توجعش قلبي والنبي يا مااااازن..
بقلم_الكاتبه_رحاب_القاضي 
_قبل تلاتين سنه... 
في البيت اللي كان قاعد فيه مازن كانت هناء قاعده في اوضتها بټعيط ودخلت عندها مامتها وقالتلها پحده..
الام 
ما تقومي يا بت انتي يلاا حامد جه بره ومعاه المأذون..
هناء پبكاء
انتو لو عايزين تخلصو مني مش هتعملو كده يا ماما هترموني لحامد اللي سمعته سبقااه وبيبات في السچن اكتر ما بيبات في بيته البلطجي اللي مخوف الحته كلها ليه يعني حرام عليكم..
الام 
واحنا في ايدنا ايه وما عملنهوش حامد قادر ومفتري وابوكي طيب مش هيقدر يقف قصاده استهدي بالله واطلعي ابوكي زعلان لوحده وانا خاېفه تحصله حااجه..
هناء پبكاء
طالعه يا ماما حاضر هعملكم كل اللي انتو عايزينه..
_وبعد عشر سنين من جوازهم كانت هناء واقفه قدام المرايا وبتبص لوشها اللي كله كدمات ودخل عندها يونس هو ومحمد وقالولها..
يونس
ماما في واحده بره اسمها اميره قاعده مع بابا ومعاها ظابط..
هناء پخوف
يا نهار اسود طط طيب اطلعو انتو روحو غيرو هدومكم ولمو حاجتكم بسرعه عشان هنمشي..
محمد 
هنمشي نروح فين بس يا ماما..
هناء پخوف 
اطلعو بس اعملو زي ما قولتلكم لحد ما اغير لمازن عشان هنمشي من هنا..
_وطلعو فعلا وهناء غررت هدومها بسرعه وغيرت لمازن اللي كان عمره سنه وكام شهر ودخل عندها حامد وهو متعصب جدا وقال..
حامد 
بتعملي ايه..
هناء پخوف
مم مدام الاستاذه اميره جاتلك بره يبقي انت عرفت انا بلم هدومي ليه..
حامد بجمود
خلعتيني يا هناء قلبك جابك تعملي حاجه زي دي ومع مين مع حامد الصاوي متوقعه مني ارد عليكي بأيه