رواية موضوع عائلي البارت 26 بقلم رحاب القاضي
بقي
هناء شالت مازن بسرعه وقالت
والله والله لو قربتلي المره دي هصوت واخلي اللي ما يشتري يتفرج عليك
هناء پخوف
يعني ايه انا التلاته عيالي وهاخده معايا..
حامد پحقد
لا يا هناء يونس ابني انا انتي عيالك محمد ومازن خديهم مش عايزهم ولا عايزك بس عايز ابني اللي مش هتشوفيه تاني..
هناء بدموع
حرام عليك يا حامد الواد روحه فيا ده ابني انا زيه زي مازن ومحمد حرام عليك تحرمني منه..
خلاص خليكي قااعده معاه واطلعي اطردي الناس اللي بره دول..
هناء پبكاء
انت ايه شيطان ما ترحمني بقي..
حامد قعد قدامها وحط رجل علي رجل وقال
ده اللي عندي وانا كده رحمتك يا هناء والل كان زمانك الله يرحمك بس عشان عيالي مش هعمل كده..
_ودخل في الوقت ده محمد وهو ماسك ايد يونس وقال لهناء..
محمد
احنا جاهزين يا ماما..
خد ياد يا محمد هنا..
قرب منه محمد وقال
نعم يا بابا..
حامد
خلي بالك من امك ومازن اخوك ولما تعوز حاجه تجيلي فاهم ولا لا..
محمد
طيب ويونس مش هيجي معانا..
حامد بص لهناء وقال
اسأل امك يا محمد هتخليك تقعد مع اخوك ولا هتفرقكم..
يونس قرب من هناء وقالت
انتي هتاخديني معاكي يا ماما مش كده...
هناء بدموع
يونس پبكاء
طيب ما انتي هتاخدي محمد ومازن ليه هتسبيني انا...
حامد پحده
عشان مش امك هي ام محمد ومازن انت امك ماټت...
هناء بعصبيه
اتقي الله يا شيخ ده عيل صغير ايه اللي بتقوله ده..
حامد پحده
يا تاخدي عيالك وتمشي يا والله هخليكي تمشي من هنا لوحدك ومش هتشوفي حد منهم تاني ابدا..
يونس
خديني معاكي يا ماما ما تسبنيش هنا لوحدي والنبي..
_قام حامد ومسك يونس من دراعه وزقه جامد جوه الاوضه بس يونس قاام بسرعه وكان لسه هيجري علي هناء تاني بس حامد مسكه جامد من دراعه وضربه بالقلم وهناء مشيت هي وولادها وهي بټعيط وزعلانه علي يونس بس كانت خاېفه تقعد مع حامد او حتي ياخد منها ولادها..
هاجر مسكت ايد هناء وقالتلها
ارجوكي يا طنط بلاش مشاكل دلوقتي انتي وعمي حامد الناس قاعده والموقف مش متحمل..
انا السبب هو مالوش ذنب انا اللي كنت فاكره اني لما ابعد عيالي عن ابوهم هقدر اربيهم كويس وعلي مزاجي انا اللي ضيعت مازن انا اللي ما عرفتش اربيه صح واخد بالي منه..
هاجر بدموع
ده قضاء ربنا يا طنط هو عمره كده..
هناء پبكاء
كان بيقولي اسامحه يا هاجر في اخر مره كلمني فيها بس ياريت هو اللي يسامحني انا اللي ما قدرتش اضحي عشانه..
_ومن الناحيه التانيه قصاد هناء كانت قااعده عظيمه وجنبيها بطه ومن الناحيه التانيه شهد وجنبيها زهره اللي قالت..
زهره
بقولك ايه يا شهد انا هروح بره اكلم صبري اشوفه رجع من عند الدكتور بأسر ولا لا..
شهد بضيق
لا يلا بينا هنمشي عملنا الواجب وخلاص.
زهره
يا بت خليكي جنب جوزك واهله ده هما في كرب ما يعلم بيه الا ربنا..
شهد
انا جيت عملت الواجب وخلاص عشان كلام الناس انما انا ماليش مكان وسطيهم.
زهره بغيظ
يا بت ما هاجر اهي مطلق من محمد وقاعده جنب حماتها ما تخليكي ناصحه بقي و..
شهد پحده
هاجر في بينها وبين الشيخ محمد ولد يعني منهم وعليهم برضو انا خلاص حكايتي خلصت مع بيت الصاوي قومي يا زهره يلا بينا..
_قامت شهد هي وزهره ومشيو بعد ما سلمو علي هناء وطلع وراهم يونس اللي كان باين عليه اووي الحزن
