رواية موضوع عائلي البارت 29 بقلم رحاب القاضي
وجه يونس وهو ماسك صنيه عليها عصير وكيك وحطها قدام شهد وقالها..
يونس
ده عصير فروله بشوفك علي طول كنتي بتشربيه..
_كانت شهد بصاله وساكته ويونس بص ورااه بقلق وقالها..
يونس
مالك في ايه ليه بتبصيلي كده..
شهد
مستغربااك جدا بصراحه ده انت كنت بتدخل البيت بتقعد ومش بتعمل اي حاجه وتمشور فيا انا ده انت كنت بتكسل تجيب الريموت من علي الترابيزه قدامك وكنت بتخليني انا اجي من المطبخ اديه ليك في ايدك...
ما الطبيعي بس عشان انتي تعباانه فهدلعك شويه..
شهد بسخريه
امممم تصدق فكرت انك ممكن يا حرام تكون اتغيرت..
يونس
وايه علاقة التغير بانك تشوفي طلباات جوزك يا هانم..
شهد بغيظ
ما فيش علاقه بجد وبعدين اسكت ومش عايزه اشرب حاجه..
يونس بغيظ.
ربنا ياخد البومه اللي جواكي يا شيخه..
شهد
قرب منها يونس وقال
بهزر معاكي يا شهد خلاص ما تبقيش قفوشه كده قوليلي صح انا في سؤال محيرني كده..
شهد باهتمام
سؤال ايه ده..
يونس
فاكره اول مره شوفتك فيها كنتي نازله في المنطقه بتاعتنا غلط وقال ايه سرحتي وانتي بتسمعي اغاني وما اخدتيش بالك من الطريق..
ابتسمت شهد وقالت
اامم فاكره اليوم ده وقتها جيت انت وسط الناس وعملتلي فيها ابراهيم الابيض واخدتني وصلتني..
المهم انتي كنتي بتسمعي ايه وقتها وخلاكي سرحتي كده..
ضحكت شهد وقالت
ههههههه لا بلاش احسن..
يونس
لا معلش انا عايز اعرف ها اغنيه لحمو بيكا ولا صاصا..
شهد
لا طبعا انا مش بسمع للناس دي انا كنت بسمع اغنية العنكبوت النونو خطفت قلبه العنكبوته ههههه
يونس ضحك وقالها
يا شيخه ياريته كان صاصا وبعدين اغنية اطفال ايه اللي تخليكي تسرحي فيها..
كانت موريهالي هاجر وعجبتني..
يونس بهدوء
تعرفي ان اليوم ده رغم ان كانت اللي ميسيها بالخير في حياتي الا انك البنت الوحيده اللي قدرت تلفت نظري ليها..
شهد ابتسمت وقالت
وبرضو انا لما روحت وكنت هغير هدومي وقتها شميت ريحة البيرفوم بتاعتك عشان كنت قربت مني وانا نازله من العربيه وتلقائيا كده ابتسمت بس قولت وقتها انا اكيد مش هشوفك تاني..
طيب والاعجاب حصل من اول نظره امتي بقي حبتيني..
شهد بهدوء
يوم المقاپر ولما جه عادل وكده وقتها خۏفت عليك اووي ولما ظهر العفريت وقتها كان خۏفي عليك اكبر من خۏفي منه وكنت مستعده اعمل ايه حاجه بس ما تروحش مني..وانت بقي من امتي...
يونس بهدوء
اقولك وما تزعليش بصراحه يعني..
شهد
مش هزعل كفايه انك هتتكلم بصراحه..
بصي هو انا كنت بحبك من يوم المقاپر وخۏفي عليكي وكده بس ما حسيتهاش اووي غير لما كلمتيني وانتي تعباانه يا شهد كنت عايز بس في الوقت ده اقولك اني بحبك وبس وكنت محتاجلك جنبي اووي بعد مۏت مازن اخويا وقررت ان مهما حصل انا مش هسيبك ابدا..
نامت شهد علي كتفه وقالت
هو فاضل اد ايه علي السحور..
ضمھا يونس ليه وقال بخبث
لا لسه كتير في وقت..
شهد بعدت عنه ووشها جاب الوان وقالت
انت فهمت ايه والله العظيم انا بسأل عشان جوعت مش اكتر وبعدين انا اصلا لسه تعباانه انت هتستهبل..
ضحك يونس وقالها
ههههههههه والله العظيم انتي مراتي يا بت ليه الكسوف ده كله يعني..
شهد بهدوء
مش مسألت كسوف بس انت يعني بتحرجني المهم انت مش هتزعلني تاني صح..
ابقي غبي لو زعلتك تاني يا اجمل واطيب قلب شوفته...
_ في مكان تاني علي النيل..
كانت هاجر واقفه هناك وباصه للمايه بجمود وجه محمد من وراها وقال...
محمد
في ايه يا هاجر...
بصتله هاجر وقالت
عطلتك عن حاجه..
محمد
لا طبعا ده انا افضالك مخصوص المهم انتي كويسه وحامد كويس..
هاجر بدموع
ليه عايز ترجعلي ليه دلوقتي لما ظهر عدي في حياتي عايز ترجعلي..
محمد بجديه
عشان
