رواية العشق والآلام البارت الأول والثاني
أمتي اي دا أنا مش فاهمه حاجة خالص !! و ماما ليه مقالتش ليا حاجة زي كده !!! .
وفجأة لاقيت زين من راسي قلبي كان هيقف من كتر التوتر .
سهام بضحك يا جدعان براحة علي البت دي مشافتناش بقالها أكتر من ١٥ سنة براحة أنا حاسة و الله إنها شيفانا ناس غريبة .
كيان أبتسمت بتوتر و قالت لاء و الله يا عمتو مش قصدي أنا بس عشان بقالي كتير مشوفتكوش و كل حاجة جت فجأة كده .
ندي بفرحة أخيرا لاقيت بنت تاني تقعد معانا عارفة يا كيان و الله القاعدة هنا مملة لما تكونوا أتنين بس علي أربع شباب .
أحمد بعفوية اه يا جزمة دا أنا الوحيد الي بقعد أسمع منك حكاويكي و قرف صحابك و أستحمل هرموناتك و لا كأني أختك بقا نسيتي كل دا بس الغلط مش عليكي يا هانم الغلط عليا عشان سمحت لنفسي اه و الله .
الكل ضحك حتي كيان و نوعا ما التوتر قل !!! .
و قعدوا كلهم سوي و كيان و هي قاعدة لاحظت نظرات مالك و فهد لبعض كانت نظرات حادة و تكاد تكون كره كيان ميلت براسها علي ندي و قالت هو مالك و فهد بيبصوا لبعض كده ليه .
الجد ماشي يا حبيبتي .
ندي مسكت إيد كيان و طلعوا سوي أما فهد ف لاحظ نظرات مالك ل كيان و مقدرش يفسر النظرات دي .
و لما كيان و ندي طلعوا فوق ندي قالت بلطافة عارفة يا كيان رغم إني أول مرة أشوفك لكن و الله العظيم حاسة إني أعرفك من زمان و طول عمري بحبك من كلامهم عنك و كان نفسي أشوفك أوي .
ندي ضحكت جامد و قالت يا نهار أبيض بجد ليه طيب ! .
كيان عشان صعايدة قولت هاجي هلاقي ناس شديدة أوي مبيضحكوش أصلآ و هيتعاملوا معايا وحش من أول ما يشوفوني و حاجات كتير كده .
ندي أمممم الظاهر نظرتك عن الصعايدة وحشة أوي علي العموم ياستي النوعية الي أنتي بتتكلمي عنها دي فيه منها كتير جدآ بس بردو كتير جدآ مبيفكروش كده بس أحنا لاء و الله دا أحنا عيلة فرفوشة أوي أوي و هتحبينا أوي أنا واثقة .
ندي أبتسمت و قالت و أحنا كمان و الله .
كيان ها بقا مالك و فهد مالهم .
ندي بزعل و الله يبنتي الواحد مش فاهم ليهم حاجة معرفش ليه بيكرهوا بعض كده مع إن و الله العظيم مالك دا مفيش أطيب منه في الدنيا دي كلها و فهد مفيش أحن منه و الأتنين و الله زي العسل و محدش فيهم غبي أو وحش بس مش عارفة ليه هما كده ساعات بخمن عشان مثلا هما أكبر أتنين ف بينهم منافسة و مثلا دا طبعهم لكن دا غلط دول المفروض يكونوا إيد واحدة في كل حاجة علي عكس
