رواية عشق لم يكن في الحسبان كاملة
دايما وانت عارف انا بحبها ازاي يعني اكيد مش هسمح ان اي حد يأذيها انا بس عايزة اخرجها من اللي هيا فيه عايزاها تحس انها طبيعية زي اي بنت وان موضوع نظرها ده ميقللش منها اصلا وبعدين حضرتك خاېف علي اختك وانا بابا مش هيخاف عليا مثلا ومع ذلك هو معترضش ولما عرف اني هعمل كدة عشان خاطر مني وافق علطول
حازم لعڼ غباءه علي اللي قاله وفهم تلميحات فريدة وبصلها بأسف بس هيا اتجاهلته وبصت لصبرين اللي قالتلها بابتسامة
ابتسمت فريدة وقامت وهيا بتقؤل بحب
تمام يا طنط صبرين انا همشي عشان ارتب كل حاجة وبليل هعدي علي مني واعرفها اننا هنسافر بكرة الصبح بعد اذنك
سابتهم فريدة وخرجت من باب الشقة وهيا حاسة انها مچروحة وقلبها بيوجعها وبيأكدلها اللي كانت حاسة بيه وقطع تفكيرها صوت حازم اللي كان نازل جري وراها وهو بينده عليها فوقفت وهيا بتلف وبتبصله بضيق وبتقؤله
حازم وقف قدامها وبصلها بتردد وبعدين قال بندم
انا اسف يا فريدة حقيقي مكنتش اقصد اللي قولته
ابتسمت فريدة وقالتله باستفهام
اسف علي ايه يا حازم عشان خفت علي اختك ومخوفتش علي حبيبتك كنت معارض انها تسافر وتكون لوحدها هناك لكن انا عادي !! بس تعرف انا كان قلبي حاسس بس كنت بكدبه واقؤل لا حازم بيحبني وان دي هواجس مش اكتر رغم ان تصرفاتك كانت بتثبتلي العكس عمرك ما اهتميت بيا ولا بأي حاجة تخصني عمري ما حسيت منك اي مشاعر حقيقية دايما كنت بتعاملني بجفاء كأنك مڠصوب عليا كنت بهتم بيك وبتفاصيلك في عز ما كنت انت بتنسي تكلمني تعرفني انك رجعت من السفر دلوقتي اتأكدت اني كنت بالنسبالك مش اكتر من تسلية لوقت فراغك وانت هنا وانا عشان حبيتك صدقتك كنت بطلب منك دايما تفاتح
